Dolabololo 21
21
1Ma 'olana 'ai 'akala re sinyingara ma tero ḇanyo ma guisi ra Ma JOU 'ai giama,
Unanga 'a si'uisi mete'e Unanga 'ai mau.
2Ngo'omo mo-moini 'i boloto mete'e ananga manga tingoḏi'i masiretene,
mada'a Ma JOU 'o tai'i manga 'akala re sinyingara ma maksudu.
3'A'a 'ori i'a ga'a ba-banari re 'adili
gena-ge Ma JOU lebe sanangi reo jou-jou.
4La'o ga'a mahie re 'akala re sinyingara ga'a momole,
ga'a 'i dadi poci di'a ngowa'a kajahatana, gena-ge 'o ḏosa.
5Ngowa'a cufala manga rancana 'i sigasa 'ahu pai-pai'i,
mada'a ngowa'a ga'a rogu'u woḏi pa'i 'aḏi basono kuranga re ngadolo ua.
6Sanga harata sababu yai'i sa-sakala,
gena-ge ma faeda cua re 'i iranga di'a ngowa'a ga'a disa sengene.
7Ngowa'a kajahatana sanga sijira remanga kajahatana masiretene,
sababu ananga 'aḏi oḏu'u 'a'a 'adili.
8Ngowa'a sa-sakala manga 'ahu ma ngo'omo 'i seko-seko,
mada'a ngowa'a ga'a manga 'ahu 'i boloto, ananga gena-ge manga ga'a 'i boloto.
9Lebe rousu, wo tegoro toma lotenge ma ḇuḇuku,
reo wo tegoro toma wala moi reo were'a ga'a nyanyaḏi ma'u go'oro.#Dol. 25:24
10Ngowa'a kajahatana manga 'akala re sinyingara 'i nyanyaḏi kajahatana,
re ananga kamanga dadalara ua toma ngowa'a ma lelegu.
11Na'o ngowa'a ga'a 'aḏi situ-tuhu 'akala soro'unu 'aḏi sanga hukumu, ngowa-ngowa'a ga'a 'ahu ma wo-waro rimoi i'a mai ua, ananga 'aḏi sanga 'akala soro'unu,#Dol. 19:25
re na'o ngowa'a 'akala soro'unu 'aḏi sanga do-doto'o, ananga ḏuanga i'a 'aḏi sanga wo-waro.
12Ma Jou'ongu Madutu ga'a 'O loasa re banari ma pari cua, Unanga 'o totoho ngowa'a kajahatana manga wala,
re Unanga gena-ge 'O sieta'a ngowa'a kajahatana toma bahala.
13Ngowa'a ga'a 'aḏi pu'i ngau'u toma ngowa'a lamahana manga go-golo'o,
ananga 'aḏi sanga sangoro ua, na'o ananga masiretene 'aḏi maḏigaro'o.
14Bu-bula'a ga'a 'i sigogono 'i siguci duruta,
re bu-bula'a ga'a sigo-gogoro 'i siogoro duruta madutu.
15Si'a'a 'adili,
gena-ge 'i sisanangi ngowa'a loasa re banari,
mada'a 'i simojongo ngowa'a ga'a 'aḏi 'a'a kajahatana.
16Ngowa'a ga'a 'aḏi malalo'o toma 'akala ma la-la ma ngo'omo,
ḏuanga i'a 'aḏi matogumu toma ngowa'a senge-sengene ma guḏumingi ma ngi'i.
17Ngowa'a ga'a 'aḏi nyanyaḏi lamo'o masa-sanangi, ḏuanga i'a 'aḏi dadi ngowa'a ma dinga'unu ua,
ngowa'a ga'a nyanyaḏi lamo'o ngo-ngoromo re 'anggur, 'aḏi dadi yoḏu'u ngowa'a rema-enanga.
18Ngowa'a kajahatana 'aḏi sanga sangisara ga'a ananga ya mau pula'a toma ngowa'a loasa re banari,
re ngowa'a ga'a tukanga sihaga 'aḏi sanga sangisara ga'a ananga ya mau pula'a toma ngowa'a ga'a manga 'ahu 'i boloto.
19Lebe rousu ni tegoro toma ngi'i baulaco,
reo ni tegoro toma wala moi reo were'a ga'a nyanyaḏi ma'u go'oro re tata-ruta.
20Harata rousu re goroho 'age toma ngowa'a 'akala soro'unu manga wala,
mada'a ngowa'a ga'a 'aḏi emono wo-waro pa'i ya sihalibiru gena-ge.
21Ananga ga'a 'aḏi disa 'ahu loasa re banari re 'aḏi sijumu dadalara,
ḏuanga i'a 'aḏi 'umuru kiḏanga, sanga loasa re banari re ananga ngowa'a ya'u silamo'o.
22Ngowa'a 'akala soro'unu, ananga nyengara 'aḏi sita'alako limau ga'a sordado ma repe ya jaga,
re 'aḏi siruba benteng ga'a ananga ya ngaku.
23Ngowa-ngowa'a ga'a 'aḏi jaga manga madanga re yai'i,
ananga gena-ge 'aḏi jaga manga diri toma kangela.
24Ngowa'a ga'a ba-ba'ema re momole, ananga gena-ge manga lomanga: Ngowa'a ga'a 'aḏi situ-tuhu 'akala soro'unu,
ananga 'aḏi 'a'a ga'a rema momole lamo'o.
25Ngowa'a pamalasa 'aḏi sanga sengene tai nyafusu masiretene,
sababu manga giama 'i munara ḇusuru.
26Wangere ma giḏanga i'a, ngowa'a pamalasa 'aḏi nyafusu kama togumu ua
mada'a ngowa'a loasa re banari 'o pula'a kama togumu ua.
27Ngowa'a kajahatana manga jou-jou, Ma JOU 'a emono,
ma la-lamo'o i'a ḏi'i, na'o 'aḏi gasa jou-jou remanga maksudu ma jira.
28Ngowa'a sakisi sa-sakala ḏuanga i'a 'aḏi iranga,
mada'a ngowa'a ga'a 'isene la-la, manga demo 'i tatapu.
29Ngowa'a kajahatana manga biono 'i kapiringi,
mada'a ngowa'a ga'a manga 'ahu 'i boloto, 'aḏi si'aturu la-la manga ngo'omo.
30'Akala soro'unu, wo-waro lai ngido re di-dibanga; mo-moini gena-ge 'i cua,
ga'a nyengara 'i site-tero Ma JOU.
31Jarana 'i sidodahe ḏua di'a parangi ma wangere,
mada'a 'utungu ra Ma JOU 'ai giama.
اکنون انتخاب شده:
Dolabololo 21: SAJ
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2025 Indonesian Bible Society (LAI)