लुका 13
13
मन रुवाड़े चहे नास एंडायोः
1होना बेरा थोड़ेः एकेन होड़ ईसु एडे कथा लआकु, पिलातुस गलील रेनकु थोड़ेः एकेन होड़कु एर गोज् लिड्कुअय, जब हुँकू परमेसर तआ बलिदान भेंट रकब् बेरा। 2ईसु हुँकूइ कथावा लआ, “चिताना आपे समझाव ओनापे चि नुकु जोटोः एटाः गलील रेनकु एतेन अगम पापी दोहोलेनाकु चि हुँकू एर गेड् गोज् लिड्कुआ 3कोवन, इञः आपेञ कथावायना चि अगर आपे पाप एतेन मन कपे रुवाड़े रेदो आपे गोटे हो नेंका नास एंडायोओपे। 4चिताना आपे समझाव ओनापे चि हुँकू अठारह होड़ जेकर तेङ रे सीलोह रआ गुमाट ञुरना, हेनते हुँकू एतेन कनते गोज्यनाकु, जेरुसलेम रेनकु जीवेड् होड़कु एतेन अगम हुँकू गुनाहगार दोहोलेनाकु का? 5कोवन, इञः आपेञ कथावायना चि; आपे पाप एतेन मन कपे रुवाड़े रेदो आपे हों गोटे होंडे नेंका गोजोआपे।”
बे जोओ लेना अंजीर काट रआ हुडिञ गाम
6फिन ईसु नोआँ हुडिञ गाम कथा लअय “मियड् होड़ अनेज् अँगुर बिठा रे मियड् अंजीर काट बिड् दोहोलअय। हुँनि होंडे जोओ ञम सेनो गोन दोहोलेनय, बकिन होना काट रे मियड् एकेन हों जोओ का ञमलेना। 7तब हुँनि बिठा ओगरा-ई एतेन कथालअय, ‘ञेलेमी, पे बरीस एतेन इञः नोआँ अंजीर काट रे जोओ ञम वेजोगोनाञ, बकिन कइञ ञमलआ। नोआँ माः एंडायमी नोआँ बेकार उकेना ओत हों टड़ावेए?’ 8बिठा ओगरा-ई हुँनि कथा रुवड़वा लअय, ‘ओय मुवार, नोआँ जोटोः मी बरीस मनायमी चि नोआँ चावगिरदा ला केते खाद लगावाइञ। 9अगर मड़ाङ बरीस जोओ योओ रेदो अछा योओ, जोटोः कोवन दो नोआँ माः एंडाया।’”
रुड़ुयोः हिला कुबड़ी लंञी नपाय लेना
10रुड़ुयोः हिला ईसु मियड् बिनती ओड़ाः रे सि-सिखाव यनदोहोनय। 11दो हेंडे मियड् लंञी दोहोलेना, जे अठारह बरीस एतेन मियड् कमजोड़ करेक अवला मुवाँ आतमा झपाव दोहोलेना हेनते हुँनि कुबड़ी एंडा दोहोलेनय, हेनते ओका उपाय तेहों काय सोज बुजायोन दोहोना। 12ईसु हुँनि ञेल केते राअ् लिदियय जोटोः कथालअय, “ओय कुड़ी अमः अपन कमजोड़ करेक अवला मुवाँ आतमा रआ जंडिरा एतेन छुटाव यनाम।” 13तब ईसु हुँनि तेङ रे अती दोहोलअय, हेनते हुँनि तुरात सोज तींगु यनाय हेनते परमेसर रआ बड़ाइ लअय।
14 #
उठलु 20:9,10; नियम 5:13,14 ईसु रुड़ुयोः हिला हुँनि छुटाव दोहोलिदियय, बिनती ओड़ाः रेनि धरम अगुवा कयरव कोते कथालअय, “कामे तआ छो रोज इदानआँ, हिनाते होना बेरा वेज् कोते नपायोः, बकिन रुड़ुयोः हिला कोवन।”
15नोंका अयुम केते परभु कथालअय, “ओय कपटीकु चिताना रुड़ुयोः हिला आपे मे से गोटे होड़ हडा चहे गधाकु बथाइन एतेन रड़ा केते दाअ् पियाव तआ कपे इदीकुआ। 16दो उचित का दोहोना चि नुई लंञी जे अबराहम वंस रेनि होपोन हके, जेके सयतान अठारह बरीस एतेन झपाव दोहोलिदियय, तना रुड़ुयोः हिला नुई नोआँ तोल एतेन अलो छुटावी चही?” 17हुँनि जब नोआँ बात कथालअय, दो हुँनि रेनकु गोटा बिरोदीकु लाज यनाकु, जोटोः गोटे होड़ होना महिमामय काम ते जे ईसु कराव यते दोहोनय खुसी यनाकु।
राइ दना रआ हुडिञ गाम
(मती 13:31,32; मरकुस 4:30–32)
18फिन ईसु कथालअय, “परमेसर रआ राइज ओके लेकाआ? जोटोः होना इञः ओके सुधञ जोखाया? 19होना मियड् राय दना लेकाआ, जे ओके होड़ इदी केते अनेज् बिठा रे बेर लअय हेनते होना हरा कोते सेंड़ा काट यना; हेनते आकास रेनकु ओड़ेकु होना डाँड़ रे डेरायोन दोहोनकु।”
खमीर रआ हुडिञ गाम
(मती 13:13)
20ईसु फिन कथालअय, “इञः परमेसर रआ राइज ओके सुधञ तुलावेए? 21होना खमीर लेकाआ, जे लेका मियड् लंञी कटीज् एकेन खमीर इदी केते पे पसरी होलोंग रे मेसा लअय, हेनते ले लअय दो गोटा होलोंग ओ कोते खमीर पड़ीयना।”
सुकड़ु दुवार
(मती 7:13,14,21–23)
22ईसु सहार-सहार जोटोः डीही-डीही सिछा सिखाव-सिखाव ते जेरुसलेम सेनो गोन दोहोनय। 23दो ओकेकुन ईसु सोधाव लिदियाकु, “ओय परभु तना पाप एतेन बंचावोः तआ थोड़ेः केनाकु?”
ईसु हुँकूइ कथावा लआ, 24“सुकड़ु दुवार रे परोमोः तआ परमेसर रआ राइज रे सेन तआ मेहनातेपे, चितानतआचि अगम होड़ भीतरी परोमोः तआ चहावओकु, बकिन एरोकु सेन बेजाना। 25मिसा जब ओड़ाः रेनि मुवार बिरीड् कोते दुवार सीञ एंडायय, दो अमः बहरा रे तींगु कोते दुवार ठोक-ठोकाव कोतेपे कथाया, ‘ओय मुवार आले तआ जीजेमी,’ हेनते हुँनि उतारा याय, ‘इञः कइञ ठुवा यतमिआँ, अमः ओके हके जोटोः ओका एतेन मी वेज्तना।’ 26तब आपे कथाया, ‘इञः अमः ठँव रेञ जोम ञू लेना जोटोः अमः आले रआ गलियारी तेम सिखाव लिड्कुआ।’ 27#सिरिञ 6:8हेनते हुँनि कथायय, ‘इञः आपे कइञ ठुवा यतपेआ ओका एतेन वेज्तनापे। ओय बेधरमीकु, आपे गोटे इञः एतेन संगिञोओपे।’ 28#मती 22:13; 25:30#मती 8:11,12होंडे इयामे हेनते डटा रेडेजेआकु, जब आपे अबराहम जोटोः इसहाक जोटोः जाकुब हेनते गोटे परमेसर पड़ा एतेन दुखमाय अवला पबितर होड़कु परमेसर रआ राइज रे दुड़ूः जोटोः आपे बहरा रे उडुङोः ञेलेअपे 29पुरुब जोटोः पछिम; उतर जोटोः दखिन एतेन होड़कु वेज् कोते परमेसर रआ राइज रे भोज रे समीलोओकु। 30#मती 19:30; 20:16; मर 10:31जोटोः ञेलेपे, जे तयोम रेकुआ हुँकू मड़ाङोअकु, जोटोः जे मड़ाङ रीकुआ, हुँकू तयोमोअकु।”
हेरोदेस रआ कपट
31हेनेन बेरा थोड़ेः एकेन फरीसीकु वेज् कोते ईसु कथावा लआकु, “नोंडे एतेन उडुङ कोते सेनोःमी, चितानतआचि हेरोद अमः गोज् मी तअय अराव तना।”
32ईसु हुँकूइ कथावा लआ, “सेन कोते हुँनि बुवाः एडे कथायपे चि, ञेलेमी, ‘इञः तीहिञ जोटोः गपा मुवाँ आतमा कुञ उडुङ कुआ जोटोः जंडिरा लिनकुञ अछाआ, जोटोः पे रोज रे अपन काम पुरायइञ।’ 33सेकरो रे इञः तीहिञ, गपा जोटोः मीयाङ सेन इञोः जरुरीआ; चितानतआचि एरो होयव सकावना ओके परमेसर पड़ा एतेन दुखमाय अवला पबितर होड़ जेरुसलेम रेकु गोज् कुआ।”
जेरुसलेम तआ खोभरावोः
(मती 23:37–39)
34“ओय जेरुसलेम! ओय जेरुसलेम! आपे जे परमेसर पड़ा एतेन दुखमाय अवला होड़कुपे गोज्आ, जोटोः आपे एडे बिदा लिड्कु, हुँकू टुकू ते ढेचोम गोज् कुआपे। इञः कइक धँव चहाव नइञ चि जे लेका सीम अनेज् सेंगोज् ते अनेज् डेना रे उकु कुअय, हेंका इञः हों आपे रीनकु होड़कु समटावञ चहावना, बकिन आपे नोंका कपे चहावना। 35#सिरिञ 118:26ञेलेपे आपे रआ ओड़ाः पुरा उतुड़ केते बय एंडाया। चितानतआचि इञः आपे कथावा यतपेअइञ चि नहाः एतेन जबरे आपे कपे कथाय, ‘बढ़ियाँ इदानिञा हुँनि जे परभु रआ ञुमुन ते वेजोअय,’ तब रे आपे इञः फिन ओका हिला हों एरोपे ञेल लिञा।”
اکنون انتخاب شده:
लुका 13: BIX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0
