लुका 14
14
फरीसीकु ओड़ाः रे ईसु
1फिन ईसु रुड़ुयोः हिला फरीसीकु रेनि नेता मे से मिहोंड़ ओड़ाः रे जोमोः सेनलेनय, हेनते होंडे होड़कु हुँनि दोस लगावे तआ नोआँ ञेलयती दोहोनकु चि हुँनि फसावी। 2होंडे मियड् होड़ ईसु रआ ठँव रे दोहोलेनय, हुँनि रआ जँगा-अती रे दाअ् पेरेज् दोहोलेना, 3ईसु जहुदी धरम पोथी सि-सिखावकु जोटोः फरीसीकु एडे कथालअय, “नियम मोताबिक, रुड़ुयोः हिला मियड् होड़ नपायी उचिता चि कोवन?”
4दो हुँकू सच मच यनाकु तब ईसु हुँनि छुवाँव केते अछा लिदियय हेनते इकाएर सेनवाँ लिदियय, 5#मती 12:11जोटोः हुँकू एडे कथालअय, “अगर आपे एडे मियड् ठउका हडा इदानियाँ हुँनि रुड़ुयोः हिला इन्दरा रे ञुर यानय दो आपे मे से ओके नोंका इदानपेआ, जे होंडे रुड़ुयोः हिला ही झटहेले हुँनि सब् केते एरोपे उडुङ लिया?”
6हुँकू नोआँ दुखमा रआ चितान उतारा हों ककु एमबेजा लआ।
नमरता जोटोः गोतियाकु सेवा-सुसार
7ईसु ञे-ञेलयान दोहोनय चि गोतिया होड़ दुड़ूः तआ चिलकाना मुख-मुख ठाँवकु रींबाड़ा दो हुँनि मियड् कथनी कथावा लिड्कुअय। 8#बेव 25:6,7“अगर ओके अमः बियाह रेकु राअ्मी, दो मुख ठँव रे अलोम दुड़ुःकोः कहीं नोंका अलो होयावकोः चि हुँनि अमः एतेन हों सेंड़ाई नेवता तड्अय, 9तब जे अमः जोटोः हुँनि बनार नेवता तड्बनय, वेज् कोते अमाःअय कथावआ, ‘नुई ठाँव ओवायमी,’ तब लाज कोते गोटे एतेन तयोम रे सेन दुड़ूः पड़ावोओ। 10जब राअ्मी रेदो गोटे एतेन तयोम रे सेन दुड़ूःमी, जब जे अमः नेवता ओवा तड्मिआँय हुँनि वेजोअय दो अमः एडे कथायय, ‘ओय गति, मड़ाङ रे वेज् कोते दुड़ूःमी,’ तब अमः तुली दुड़ूःकु ठँव रे अमः रआ बड़ाइ बढावोओ। 11#मती 23:12; लुका 18:14चितानतआचि जे अपन अप सेंड़ा कथायोओय, हुँनि हुडिञ बनाविया जोटोः जे अपन अप हुडिञ कथायोओय, हुँनि गोटे एतेन सेंड़ा बनाविया।”
12फिन ईसु अनेज् नेवता एम अवलाकु एडे होंय कथा लआ, “जब अमः सीञ रआ चहे ञीन्द रआ भोज एमेअम, दो अपन गतिकु, चहे अपन बोयहाम तिकु, चहे कुटुमकु चहे अगल बगल रेनकु मोंडोल होड़कु अमः नेवता अलोम ओवाकिकु कोवन दो बदली रुवाड़ केएकु। 13जब समाजोअम रेदो रंगिज्कु, लुलहाकु, लंगड़ाकु जोटोः अन्धराकु, राअ् कुमी; 14तब अमः धन्य योओम चितान रआ चि होंकु एडे अमः बदला रुवाड़वा तआ चितानहों कोनाआँ, बकिन धरमीकु गोज् कोते जिवेड् बिरीदोअकु तब नोआँ काम रआ कमायनी परमेसर एतेन ञमेआँ।”
सेंड़ा भोज रआ हुडिञ गाम
(मती 22:1–10)
15ईसु तुली मंडी जो-जोमकु मे से मिहोंड़ नोआँ दुखमा अयुम केते हुँनि एतेनय कथा लआ, “धन्य इदानियाँ हुँनि जे परमेसर रआ राइज रे मंडी जोमेअय।”
16हुँनि हुँकूइ कथावा लआ, “मियड् होड़ सेंड़ा भोज एम लअय जोटोः अगम होड़कुइ राअ् लआ। 17जब मंडी ईसीन लेना दो अनेज् बन्धुवा एडे नेवता लिड्कु होड़कु एर राअ् लिड्कुअय चि, ‘वेजोःकु अब मंडी ईसीन यना।’ 18दो गोटे के गोटे का वेजोः रआ बहना लआकु, पहिल रेनि हुँनि कथावा लअय, ‘इञः ओत किरिञ तड्अइञ, हेनते होना ञे-ञेल जरुरीआ; इञः अमः एडेञ गोहराव ओना, इञः मफीञ मी।’ 19एटाः-ई कथा लआ, ‘इञः पाँच जोड़ा हडा किरिञ तड्कुअइञ, हुँकू ञेल परखाव तआ सेनो गोनाइञ; इञः अमः एडेञ गोहराव ओना मफीञ मी।’ 20जोटोः मिहोंड़ कथालअय, ‘इञः बियाह तनाइञ हिना तआ इञः एरोञ सेन बेजाना।’ 21हुँनि बन्धुवा अनेज् मुवार ते नोआँ दुखमा कथा अयुमवा लिदियय। तब मुवार कयराव कोते अनेज् बन्धुवा ते कथावा लअय, ‘सहर रआ संडक जोटोः गली ते तुरात सेन कोते रंगिज्कु, लुलहाकु, लंगड़ाकु जोटोः अँधराकु नोंडे अगु कुमी।’ 22बन्धुवा फिन कथालअय, ‘ओय मुवार जे लेका अमः कथा दोहोलअम, हेंका ही तड्अइञ; सेकरो रे ठाँव इदानआँ।’ 23मुवार बन्धुवा एडे कथालअय, ‘बाजार रे जोटोः डीही रआ अखरी रे होरा सेन कोते जे तना होड़कु ञमोः मजबुर कोते अगु कुमी, ताकि इञः रआ ओड़ाः पेरेज् एंडायोओ। 24इञः अमः एडेञ कथा यतेआ चि हुँकू नेवता लिड्कु होड़ मे से ओके हों इञः रआ भोज एरोकु चखाव लेए!’”
चेला पड़ीयोः रआ कीमत
(मती 10:37–38)
25जब अगम होड़ ईसु तुली सेनो गोन दोहोलेनाकु, दो तयोम पड़ा घुमराव कनते हुँकू कथावा लअय, 26#मती 10:37“अगर जे इञः एडे वेजोआकु हुँकू अपन अया-बबा, अपन लंञी, जोटोः सेंगोज्कु जोटोः कोड़ा बोको कुड़ी बोकोतेतिकु हेनते अपन जीवि सुधा, इञः एतेन बगरा दुलारेएकु दो हुँकू इञः रेनकु चेला एरोकु होयाव सकावना। 27#मती 10:38; 16:24; मर 8:34; लुका 9:23जोटोः जे दुख रआ अपन कुरुस खुद अलगाव केते इञः तयोम काय सेने, हुँकू इञः रेनि चेला एरोय पड़ीलेना। 28आपे मे से ओके हके जे गुमाट बनावे अरावओय जोटोः पहिल टका काय लेखा मड़ाङे चि पुराय तआ अपन एडे टका इदानआँ चि कोवन। 29कहीं नोंका अलो होयावकोः चि नेव ला केते का तेयार बेजाय, दो गोटे ञे-ञेलकु नोंका कथा केते लंदावाइयाकु। 30‘नुई होड़ बनावे तआ दो बुहड़ी लअय, बकिन काय तेयार बेजालआ।’ 31चहे नोंका ओके राजा इदानियाँ जे एटाः राजा तुली लड़ाइए तआ सेनय, हेनते दुड़ूः कोते काय बिचार मड़ाङेए चि जे बीस हजार पलटन अगुकेते इञः एडे चढ़ाइ यतेअय, तना इञः दस हजार पलटन अगुकेते हुँनि सुधा टकराव सकावोओइञ चि कोवन। 32कोवन दो हुँकू संगीञ रे दोहोन घनी हुँनि खभरियाकु बिदा केते मेल करेक तआ सोधावी चहावओय। 33हेनका आपे मे से जे ओके हों अपन रआ गोटा काय बाये दो हुँनि इञः रेनि चेला एरोय होयाव बेजाना।”
बे सिबील अवला बुलुङ
(मती 5:13; मरकुस 9:50)
34“बुलुङ बढ़ियाँआँ, बकिन बुलुङ रआ सिबील सीठा एंडायोः दो होना चितान चीज ते सिबिलेःए। 35होना न दो ओत तआ खाद रआ काम रे वेज्कोः होना दो होड़कु बहरा रेकु गिडी एंडाया। जेकर एडे आ-अयुम तआ लुतुर इदानआँ हुँकू अयुमेपे।”
اکنون انتخاب شده:
लुका 14: BIX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0
