लुका 22
22
ईसु गोजे रआ बिचार
(मती 26:1–5; मरकुस 14:1,2; जोहन 11:45–53)
1 #
उठलु 12:1–27
बेगर जोजो रआ रुटी जे पसका परब मेन गीआकु ठँव रे सोदोर दोहोना। 2हेनते मुध पुरोहित जोटोः धरम पोथी सि-सिखवकु बोरोवायन दोहोलेनय हिनाते ईसु सच मच गोजे तआ उपाय ञमयान दोहोनाकु, बकिन हुँकू होड़कु एतेन बोरोयोन दोहोलेनाकु।
ईसु धोखा ओवाय तआ जहुदा तेयारनय
(मती 26:14–16; मरकुस 14:10,11)
3सयतान जहुदा एडे समाव लेनय जे इस्करियोती कथायकु जोटोः ईसु रीनकु बराह चेलाकु मे से हके। 4जहुदा मुध पुरोहितकु एडे सेन कोते जोटोः सिपाही रेनकु होड़कु तुली दुखमा लेनय हुँनि चिलका हुँकू रआ अती रे एर सबीया। 5हुँकू खुस लेनाकु जोटोः हुँनि तआ बदला रे टका ओवाइ तआ वदा लअय। 6हुँनि मनव लेनय जोटोः मोकाय ञेल बेड़हायान दोहोना चि भीड़ अलो होयावोः रेदो हुँनि हुँकू रआ अती रे एर सबी।
पसका परब रआ अखरी भोज रआ तेयारी
(मती 26:17–25; मरकुस 4:12–24; जोहन 13:27–30)
7हेनते बेगर जोजो रआ रुटी जे पसका परब दिन वेज्ना, होना हिला पसका परब रे भीडी छउवा बली रकाबी रआ जरुरी दोहोलेना। 8ईसु पतरस जोटोः जोहन कथावा लअय, “सेन कोते अबुन जोमोः तआ पसका मंडी तेयारेबन। नोंका मेनकेते बिदा लिड्किनय।”
9हुकिन ईसु सोधाव लआकिन, “अमः ओका एडेम कथा यतेआ चि अलिङ नोआँ लीङ तेयारेए?”
10हुँनि कथा रुवाड़ लअय, “ञेलेबन सहर रे सोदोरोःबन चि मिहोंड़ दाअ् गगरी दिपुल लेनी बन ञमेयाँ; जे ओड़ाः रे सेनय अबन हिनी तयोम बन सेनोः, 11जोटोः होना ओड़ाः रेनि मलीक एडे कथायबन ‘गुरु नोआँ सोधाव तआ बिदा तड् लिङय चि गोतियाकु रआ कोठली ओकारेए? जेकर रे इञः अपन चेलाकु सुधा पसका परब मंडीञ जोमा?’ 12हुँनि अबन तआ सींगराव झबरव लआ बार पटन तेङ सेंड़ा गोतिया कोठली बतलाव वबानय; होंडे गोटाबन तेयारे।”
13हुकिन सेन कोते जे लेका ईसु हुकिन एडे कथा दोहोलअय, हेंका किन ञमलआ जोटोः पसका भोज रआ किन सरा-जमा लआ।
परभु भोज
(मती 26:26–30; मरकुस 14:22–26; 1 कोरिन्थी 11:23–25)
14बेरा सोदोरना दो ईसु बराह गोट बिदा लिड्कु अगुवाकु तुली मंडी जोमोः तआ दुड़ूः दोहोनय। 15जोटोः ईसु हुँकूइ कथावा लआ, “इञः अगम हिछा दोहो लेनाइञ चि दुख भोगावे जोटोः गोजोः एतेन पहिल नोआँ पसका परब रआ मंडी आपे सुधञ जोमे। 16चितानतआचि इञः आपे सुधञ कथायतेआ जबरे नोआँ रआ माने परमेसर रआ राइज रे पुरा का होयावोः तब रे इञः नोआँ एरोञ जोमलेए।”
17हेनते ईसु डुभा सब् केते धनियाबाद लअय जोटोः कथालअय, “ने नोआँ आपे हटिञ ञुवेपे। 18चितानतआचि इञः आपे सुधञ कथा यतेआ चि जबरे परमेसर रआ राइज का वेजोः तब रे इञः अब एतेन अँगुर रास ओका हिला एरोञ ञू लेए।”
19फिन हुँनि धनियाबाद केते रुटी केचाः लअय। हुँकू ओवा केते नोंका कथालअय, “नोआँ इञः रआ होड़ो हके जे आपे तआ एम यतेअइञ। इञः रआ पे पहामे तआ नेंका इञोःपे।” 20#जिर 31:31–34हिना लेका हुँनि जोम केड् तयोम नोंका कथा केते अँगुर रास रआ डुभा ओवा लिड्कुअय नोआँ डुभा इञः रआ मयाम ते परमेसर रआ नवाँ करार हके जे आपे तआ मयाम तू तड्अइञ।
21 #
सिरिञ 41:9
“बकिन ञेलेपे, इञः एर ससब्-ई इञः तुली रूटी जोम यनाय। 22मनवाँ होपोन दो निहचित ही गोजोः इदानआँ जे लेका चि परमेसर निहचित तड्अय, बकिन हाय हुँनि एडे जेकर पड़ा एतेन हुँनि एर सबीयाय।”
23हेनते हुँकू अकु-अकु रे सोधव ओपड़ेञ नाकु चि अबुन मे से ओके हके, जे नोआँ कम करावेए।
चेलाकु मे से सेंड़ा ओके
24 #
मती 18:1; मर 9:34; लुका 9:46 चेलाकु तला रे नोंका मन मोटाव दुखमा होयावना चि अबुन मे से ओके सेंड़ा-ई होयावओय। 25ईसु हुँकूइ कथावा लआ, “गैर-जहुदीकु रेनि राजा अपन परजा तेङ रे राइजेअय जोटोः हुँकू तेङ रे हाक दोहोयय, ‘भ-भालाइयी कहलावओ।’ 26#मती 23:11; मर 9:35#मती 20:25–27; मर 10:42–44बकिन आपे मे से नोंका कुनीपेआ जे आपे मे से सेंड़ाअँय हुँनि हुडीञी लेका जोटोः जे मुख पड़ी तनय हुँनि धँगड़ लेकाय पड़ीयोः। 27#जोह 13:12–15चितानतआचि सेंड़ा ओके हके? हिनी जे जोमोः तअय दुड़ूः तना, चहे हिनी जे सेवा कुआय? तना हिनी कोवन जे मंडी जोमोः तअय दुड़ूः तना? बकिन इञः आपे रआ तला रे धँगड़ लेका अइञ।”
28“आपे हुँकू हके जे इञः रआ दुख रे इञः सुधापे दोहोलेना; 29जोटोः जे लेका इञः रेनि अपुञ इञः तआ मियड् राइज ठहराव तड्अय हेनका इञः हों आपे तअइञ ठहराव तड्आ। 30#मती 19:28तब इञः रआ राइज रे इञः रआ टीबुल रे जोमे-ञूवेंपे, जोटोः आपे राजगदी रे दुड़ूः कोते इस्राएल रेनकु बराह गोतोर रआ नेययेअकु।”
पतरस कोवाने रआ अगामजानी
(मती 26:31–35; मरकुस 14:27–31; जोहन 13:36–38)
31ईसु कथालअय, “सिमोन ओय सिमोन! ञेलेपे, सयतान दो परमेसर सोधव लअय चि आपे गोटे गोहोम लेका गुम पेअय। 32बकिन इञः आपे तआ परमेसर एतेन बिनती यतेअइञ चि आपे रआ सारी अलो सेनोःकोः जोटोः जब आपे रुवाड़ोओपे दो अपन बोयहापे तिकु इसथीर कुपे।”
33पतरस ईसु कथावा लअय, “ओय परभु इञः अमः सुधा जेहेल हों सेन तआ, जोटोः अमः सुधा गोजोः तआ होंञ तेयार तना।”
34ईसु कथालअय, “ओय पतरस, इञः अमाःइञ कथावायना चि तीहिञ मुरगा रागे एतेन पहिल अमः पे इसा इञः रआम कोवानेए चि इञः अमः कइञ ठुवा यतमिआँ।”
बटुवा, थइलाः, जोटोः तलवर
35 #
मती 10:9,10; मर 6:8,9; लुका 9:3; 10:4 फिन ईसु हुँनि कथावा लअय, “जब इञः आपे बटु जोटोः थइलाः जोटोः बेगर खड़पा तेञ बिदा दोहो लेड्पेआ, दो तना आपे तआ चितान जीनिस रआ कुन घटी होयावना?”
हुँकू कथा लआ, “चितान जीनिस रआ हों कोवन।”
36ईसु हों हुँकू एडे कथालअय, “बकिन अब जेकर एडे बटु इदानआँ हुँनि होनय अँगावे, जोटोः हेंका थइलाः हों, जेकर एडे तलवर कोनाआँ हुँनि अनेज् गेंदराः केजा केते मियड् तलवर किरिञे। 37#जसा 53:12चितानतआचि इञः आपे सुधा कथायतेअइञ, जे धरम पोथी रआ नोआँ बचन इञः तेङ रे जरुड़ पुरा होयावओ चि ‘होना रआ हिसाब पापीकु एडे पुरा योओ’ जोटोः जे इञः रआ बारे ओल लआ इदानआँ होना पुरायोः अवला इदानआँ।”
38चेलाकु कथा लआ, “ओय परभु ञेलेमी, नोंडे बरिया तलवर इदानआँ।”
ईसु हुँकूइ कथावा लआ, “ढेरेआ।”
जयतुन पहार रे ईसु रआ बिनती
(मती 26:36–46; मरकुस 14:32–42)
39ईसु सहार एतेन उडुङ कनते अनेज् रआ आदत मोताबिक जयतुन पहार रे सेनलेनय जोटोः चेलाकु हुँनि तयोमकु सेनलेना। 40होना ठँव रे सोदोर कनते ईसु हुँकूइ कथावा लआ, “बिनतीपे चि अलोपे एर परखावकोः।”
41ईसु कटीज् संगीञ ढेला गिडी इमेन संगीञ रे सेनलेनय जोटोः इकडुम कनते बिनतीयोः बुहड़ी लअय। 42“ओय बबा अगर अमः चहावओम दो नोआँ दुख रआ डुभा इञः एतेन ओचोः एंडायमी, बकिन इञः रआ हिछा मोताबिक कोवन अमः रआ हिछा पुरायोः।” 43हेनते मियड् सिरमा दुत ईसु रआ ठँव रे दिसतार नय जोटोः हुँनि सकती ओवा यतिदोहोनय। 44ईसु एकदम कसाट रे माकुल कोते जोटोः हों लगन रआ साथ बिनती लअय जोटोः हुँनि रआ बलबल मयाम लेका ओत रे टीपाः गोन दोहोना।
45तब हुँनि बिनतीयोः एतेन बिरीड्नय जोटोः अनेज् चेलाकु ठँव रे सेनलेनय, ईसु हुँकू माकुल रआ मरे थकाव कोते ञीदोः ञेल लिड्कुअय। 46जोटोः चेलाकुइ कथावा लआ, “चितान तआपे ञीदोः यना? बिरीड्पे जोटोः बिनतीपे चि अलोपे एर परखावकोः।”
ईसु रआ धोखा ते सबोः
(मती 26:47–56; मरकुस 14:43–50; जोहन 18:3–12)
47ईसु कथाय तुंगी ढेर होड़कु वेज्लेनाकु, हेनते हुँकू बरहो गोट मे से मिहोंड़ हुँनि रआ ञुमुन जहुदा दोहोना हुँकू रआ मड़ाङ-मड़ाङ वेजोगोन दोहोनय। हुँनि ईसु रआ ठँव रे वेज्लेनय जोटोः ईसु चोहना लअय। 48ईसु हुँनि कथावा लअय, “ओय जहुदा अमः चोहना केते धोखा ते मनवाँ होपोन एर सबियम?”
49हुँनि रेनकु चेलाकु जब ञेल लिदियाकु चि चिताना होयावोः अवलाआ, दो कथा लआकु, “ओय परभु तना आले तलवर चलावेआले?” 50हेनते हुँकू मे से मिहोंड़ सेंड़ा पुरोहित रेनि बन्धुवा एडे तलवर चलाव केते हुँनि रआ जोम होरे नआ लुतूर खंडा केदय।
51“बस होयाव यना मेनकेते ईसु कथालअय,” हेनते हुँनि रआ लुतूर छुवाँव केते अछा लिदियय।
52हेनते मुध पुरोहित जोटोः सेंड़ा बिनती ओड़ाः रीनकु पहरदार रेनकु होड़कु जोटोः जहुदी मुध होड़, जे होंडे वेज् दोहोनाकु ईसु कथावा लिड्कुअय, “तना आपे डकु समझाव कोते इञः सब् तआ तलवर जोटोः हपा अगुकेते वेज्तनापे? 53#लुका 19:47; 21:37जब इञः सेंड़ा बिनती ओड़ाः रआ राच रे इञः रोज हिला आपे सुधा दोहो कोतेञ बतलाव यते दोहोना, दो आपे कपे सब् लीदिञा, बकिन नहाः आपे रआ बेरा हके, जेकर एडे ञोता रआ सकती राइजेअय।”
पतरस रआ कोवाने
(मती 26:57,58–75; मरकुस 14:53,54,66–72; जोहन 18:12,18,25–27)
54फिन हुँकू ईसु सब् केते इदीया लिदियाकु हेनते सेंड़ा पुरोहित रआ ओड़ाः रेकु अगु लिदिया। पतरस उकु-उकु हुँकू रआ तयोम-तयोम सेनो गोन दोहोनय। 55होना बेरा थोड़ेः एकेन होड़ राच रे सेंगेल जुल केते दुड़ूः दोहोनाकु दो पतरस हों होंकु तला रे सेन कोते दुड़ूः यनय। 56तब मियड् धँगड़ीन हुँनि सेंगेल मरसाल रे दुड़ूअय ञेल केते हुँनि पड़ाय तरसाव केते कथालअय, “नुई हों दो ईसु सुधाय दोहोलेना।”
57बकिन हुँनि, “ओय लंञी इञः हुँनि कइञ ठुवायतिया मेनकेते कथावा लिदियय।”
58थोड़ेक तयोम ओके लेकानी जोटोः हुँनिए ञेल केते कथावा लिदियय, “अमः हों दो हिनी मे से मियड् हके।”
होना एडे पतरस कथालअय, “ओय भय इञः हुँनि न लगे।” 59करीब मी घंटा तयोम मियड् होड़ जोड़ एम केते कथालअय, “सनारी नुई हों दो हुँनि सुधा दोहोलेनय, चितानतआचि नुई हों गलील रेनि हके।”
60पतरस कथा लआ, “ओय भय इञः कइञ ठुवावना चि अमः चितानम मेन यतेआ।”
जब हुँनि कथाय तुंगी ही झठहेले मुरगा राअ् लआ। 61तब परभु घुमराव कनते पतरस पड़ा बोगाः लअय, तब ही पतरस तआ होना दुखमा पहम लेना जे परभु कथा दोहोलअय, “तीहिञ मुरगा रागे एतेन पहिल अमः पे इसा इञः मी कोवानीञा।” 62तब पतरस बहरा रे उडुङ कनते खोभराव-खोभराव ते इयाम लअय।
ईसु रआ ठ-ठा लआकु
(मती 26:67–68; मरकुस 14:65)
63जे ईसु पहरायन दोहोलेनाकु हुँकू होड़ हुँनि ठ-ठावा लिदियाकु जोटोः हुमाः यति दोहोनकु। 64जोटोः हुँनि रआ मेड् रे पटी तोल केते सोधव लिदिया, “अगामजानी केते बतलाव वालेमी चि ओके हुमाः लिड्मिआँ!” 65जोटोः हुँकू हुँनि रआ निंदाय करेक तआ दुखमा लेनाकु।
जहुदीकु रआ सेंड़ा पंचायत ठँव रे ईसु
(मती 26:59–66; मरकुस 14:55–64; जोहन 18:19–24)
66जब अँगालेना दो होड़कु रेनकु मुध होड़ जोटोः मुध पुरोहित जोटोः धरम पोथी ठुवाकु जवार लेनाकु, हेनते हुँकू अकु रआ जहुदीकु रआ सेंड़ा पंचायत रेकु अगु लिदिया। 67जोटोः हुँनि सोधाव लिदियाकु, “अगर अमः परमेसर पड़ा एतेन बिदा लेड् मी पाप एतेन ब-बंचावी मसी हके, दो आले एडे कथा एंडायमी।”
ईसु हुँकू कथावा लअय, “अगर इञः आपेञ कथावा यना, दो एरोपे सारीना; 68अगर जोटोः इञः सवाल सोधवपे दो उतारा हों एरोपे एम लेए। 69बकिन नहाः एतेन मनवाँ होपोन गोटे एतेन सवाँगिया परमेसर रआ जोम होरे दुड़ूःअय।”
70नोआँ एडे गोटेकु कथा लआ, “दो तना अमः परमेसर रेनि होपोन हके।”
ईसु हुँकूइ कथावा लआ, “आपे ही कथायतेअपे दो इञः हके।”
71हेनते हुँकू कथा लआ, “अब अबुन जोटोः गोवाह रआ चितान दरकार चितानतआचि अबुन ही हुँनि रआ अहा एतेन बुन अयुम केदा।”
اکنون انتخاب شده:
लुका 22: BIX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 NLCI CC BY-NC-ND 4.0
