LUK 13
13
पश्चात्ताप शेशे बद्दल बोध
1आप्पुड आंदु उंडीने काही मंदी येशुनकी या गालील प्रांतलोन मंदीद रक्ताम पिलात वान यज्ञला रक्तामला यल्ला मिसळाय मतीन्या, दिन बद्दल शप्पीर, 2मंग वाड वारकी उत्तर इच्या, “इ गालीली मंदी इल्ला दुख भोगाशीर दिन मिंदकेल वार बाकीचे गालीली मंदी काना शेंगेम पापी उंडीर, इल्ला मिक वाटास्ताद येम? 3निन मिक शपतान की इल्ला लेद, जर मीर पश्चात्ताप शेयाक फोयतीर, तर वार यल्ला सच्चीर आल्ले मीर पण सच्यार. 4लेकाते या अठरा मंदी मिंदा शिलोहदी बुरुज फड्या इंगा वार सच्ची फोईर, वार यरुशलेम शहरला निलचेतोर काना शेंगेम पापी उंडीर इल्ला मिक वाटास्ताद येम? 5लेद, निन मिक शपतान पण जर मीर पश्चात्ताप शेयाक फोयतीर, तर मीर आंदार वार लेकाने सच्यार.”
अंजीरदी निष्फळ शट्टु
6मंग येशुड इदी दाखला शप्या, “वगा मनशी वान अंगुरला बगीच्या अंजीरदी शट्टु आंचीन्या, दानकी फळलु वच्चीनाय का लेद इदी सुशेदेंक वाड फोया, पण वानकी आंदु येमीच कमसाक फो.#मत्तय 21:18-20; मार्क 11:12-14. 7आप्पुड वाड माळीन आन्या, 'सुड, मुड यंडलानोट इ अंजीर शट्टु मिंदा फळ सुशेदेंक निन वस्तान, पण नाक दान मिंदा येमीच कमसाद; दिन नरकेस काड; आदी जागा तरी येनटीक फट्टी फेटनाद? 8माळीड उत्तर इच्या मालक, इदी वगा याडाद दान उंडानी. आंटे निन दान आजुबाजुक तव्वी दानकी खत येशान. 9मंग वच्चे याडाद दानकी फळलु वस्ते तर बागा! जर दाक फो तर मंग नु आदी नरकेस्काड.”
शब्बाथ दिनमुनाड बिमारीलेल मुक्त आयने आंडीद
10शब्बाथ दिनमुनाड येशुड वगा यहुदी सभास्थानला नेरपुतुन्या. 11आंदु वगा आंडीद उंड्या, दान दुष्टात्मा अठरा यंडलाकेल अपंग शेस्काडन्या; आदी कुबडीद उंड्या आंका दानकी सक्कांग नीला फडा दाकुंदु. 12येशुड दान सुशी दान फिलच्या इंगा वाड दान आन्या, “बाई, नु नी बिमारीलेल मुक्त आयनाव.” 13वाड दान मिंदा शेय फेट्टीन नग्रेम आदी बागा आय फोया इंगा परमेश्वरदी स्तुती शेशेदेंक आंट्या. 14येशुड शब्बाथ दिनमुनाड दान बागा शेशा आंका सभास्थानलोन अधिकारी कोफामला मंदीन आन्या, शब्बाथ दिनमुनाड यादुच फनी शेशेद लेद इल्ला यहुदी मंदीद नियम उंडाद. वाड मंदीन आन्या, “आर नाळ उंडाय, या नाळाला फनी शेयाबेक, आद्दे नाळाला वच्ची बागा कांडा; पण शब्बाथ दिनमुनाड वच्ची बागा काकुंडा.”#निर्गम 20:9-10; अनुवाद 5:13-14. 15येशुड वानकी उत्तर इच्या, “हे ढोंगीलाला, मी दिंटल्योन्टोड प्रत्येक मनशी वान यद्दुन लेकाते गाडदीन शब्बाथ दिनमुनाड दान जागा मिंदकेल इडशी नेळ तागेदेंक येकेन फोड येम? 16इदी तर अब्राहाम कुतुर उंडाद. शैतान दिन अठरा यंडलु कट्टी फेटन्या. आ बंधनलेल दान शब्बाथ दिनमुनाड इडपीच्चेद बरोबर लेद येम?” 17वाड इल्ला आनी नेंका विरोध शेशेतोर आंता मंदीक शिग्गु आय्या इंगा वाड याय अद्भुत फनी शेशीन्या दान इचांग आंता समुदाय आनंदीत आय्या.
मोहरी दानाद इंगा खमीरदी दाखला
मत्तय 13:31-32; मार्क 4:30-32
18मंग येशुड आन्या, “परमेश्वरदी राज्य यवार लेका उंडाद? निन दानकी येनटीद उपमा इद्दुन. 19परमेश्वरदी राज्य वगा मोहरी दाना लेका उंडाद. आदी मोहरीद दाना वगा मनशी तिस्कुन्या इंगा वान बागला आंच्या इंगा आदी वाढाशी दानदी फेद्दाद शट्टु आय्या इंगा मोडामलोनी गुवाल दान फांदीला मिंदा खोपाल कट्टी निलचेदेंक आंट्या.”#मत्तय 13:31-32; यहेज्केल 31:6; दानिएल 4:21.
20वाड वापस आन्या, “निन परमेश्वर राज्यक इंगा येनटीद उपमा इद्दुन? 21आदी खमीर लेका उंडाद; दांटल्योनदी रव्वासा खमीर तिस्केन वगा आंडीद मुड मापलु फिंडीला येस्काड्या, दानिचांग आखरिक आदी आंता फिंडी फुगाशी फोया.”
तारण प्राप्तीद शिन्नाद कवाड
22येशुड यरुशलेम शहरकी फोयेताप्पुड नगर-नगर इंगा उळा-उळाला मंदीक नेरपुतुन्या. 23यवार तरी वान आडगीर, “प्रभु, शेंगेम कमी मंदीद तारण आय्यी येम?” वाड वान आन्या, 24“शिन्ना कवाडता लोनीक फोयेद प्रयत्न शेयना, येनटीक की निन मिक शपतान, शेंगेम मंदी लोनीक वच्चेद प्रयत्न शेशार, पण वारकी आदी शक्य काक फोई. 25इल्लु मालकुड लेशी कवाड बंद शेशीनेंका मीर बैट्या नीला फडी कवाड कोट्यार इंगा आन्यार; प्रभु, मा इचांग कवाड तेर! पण वाड मिक उत्तर इच्ची, मीर यंदुकेल वच्चीनार इदी नाक यरका लेद. 26आप्पुड मीर आन्यार, मिम नी जताक तिंटीम, मिम नी जताक तागतीम, मा गल्लीलाला नु नेरपुती! 27इंगा वाड मिमलान आनी, मीर यंदुकेल वच्चीनार इदी नाक यरका लेद, अन्याय शेशेतोर मीर आंदार ना तीकेल धुराम कांडा.#स्तोत्रसंहिता 8:8. 28यप्पुड मीर अब्राहामनी इंगा इसहाकनी इंगा याकोबनी इंगा आंता संदेष्ट्यालनी परमेश्वर राज्यला सुशार, पण मीर स्वताने बैट्या फडीनोर उंड्यार, आंदु येडशेद इंगा फंडलु तिनेद नडशी. 29पुर्व तीकेल इंगा पश्चिम तीकेल, उत्तर तीकेल इंगा दक्षिण तीकेल मंदी वच्ची परमेश्वर राज्यला कुसन्यार.#यशया 66:18; प्रकटीकरण 7:9; स्तोत्रसंहिता 107:3; मलाखी 1:11. 30यवार आखरीक उंडार वार पहिला आय्यार इंगा यवार पहिला उंडार वार आखरीक आय्यार, इदी ध्यानामला फेटना.”
हेरोददी शत्रुता
31आप्पुड काही परुशी मंदी येशुन तिकुड वच्चीर इंगा वान आनीर, “इंदुकेल यल्ली फो, येनटीक की हेरोद नीद जेम तिस्कुनेदेंक सुस्तुनाड.” 32येशुड वारनी आन्या, “फोईगास आ लांडगाक शपना, 'सुड, इबद इंगा रेप निन मंदी लोन्केल दैयाल तिशान इंगा बिमारील बागा शेशान इंगा तिसरा दिनमुनाड निन नाद फनी संपाय मत्यान.' 33तरी नाक इबद, रेप इंगा मरनाड मुंदारकी फोवाने बेक येनटीक की यरुशलेम शहर बैट्या संदेष्ट्याड सच्चेद शक्य लेद.”
यरुशलेम शहर इचांग विलाप
34 यरुशलेमे, यरुशलेमे, नु संदेष्ट्यालनी मतेस्ताव इंगा नी तीकुड आंपीनोरकी नु राळ मतताव! कोडी यल्ला फिल्लालनी दान रेक्काल किंदा वगातळा तिस्कुंटाद आल्ले नी बिळ्ळान वगातळा शेशेद नाद इच्छा उंड्या, पण मिद इल्ला इच्छा लेकुंड्या. 35“सुडना, परमेश्वर मी इल्लुद त्याग शेशीनाड. निन मिक शपतान, ‘परमेश्वर फेरता वच्चीनोड धन्य,’ इल्ला आनेद वेळ वच्ची नंताक मीर नन्नु सुशी शकायाक फोयार.”#स्तोत्रसंहिता 118:26; यिर्मया 12:7.
اکنون انتخاب شده:
LUK 13: WNT
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید