MAT 21
21
यहूदा प्रांतलोनदी येशु ख्रिस्तद आखरी दिनमु — 21:1—27:66
यरुशलेम शहरला येशुनदी वच्चेद
1यप्पुड येशुड इंगा शिष्यल यरुशलेम शहर देगार पोहचाशीर वार जैतुन कोंडा देगार बेथफगे शहर देगार थांबाशीर. मंग येशुड वान इद्दार शिष्यलान आंप्या, 2वारकी इल्ला शप्या की, “मीर मुंदार उळ्योंग फोंडा इंगा आंदु वगा गाडदी कट्टीनेद इंगा दान जताक वगा फिल्ला इल्ला मिक कमशी. आटलान इडशी ना देगार येका दांडा. 3जर यवाराना मिमलान आडगीर, तर वारकी शपना की, प्रभुनकी इटलाद गरज उंडाद, वाड आदी लगेच ना तीकुड आंपी.” 4इदी दिन इचांग आय्या की संदेष्ट्याल तीकेल येम शप्पीनेद उंड्या आदी पुर्ण कावाला: आदी इल्ला की,
5“यरुशलेम शहरलोन मंदीक शपना,
सुड, नी राजा लीन आय्यीगास
गाडदी मिंदा आंटे गाडदी फिल्ला मिंदा कुसनी नितीकुड वस्तुनाड.”#यशया 62:11; जखऱ्या 9:9.
6आप्पुड शिष्यल फोई येशुन आज्ञा लेका शेशीर. 7शिष्यल गाडदीन इंगा फिल्लान यकोची वार आटला मिंदा वारी बट्टाल येशीर इंगा येशुड दान मिंदा कुसन्या. 8इंगा शेंगेम मंदी वारी बट्टाल दावा मिंदा येशीर. इंगोगोर शेटलाय डांकलु तेम्पीर इंगा आ दावा मिंदा येशीर. 9यवार मंदी येशुन मुंदा-मुंदारकी इंगा यंका-यंका नडदुर. वार फेद्दा आवाजता जय-जय कार शेयदेंक आंटीर,
“दाविद राजा कोडकुक होसान्ना.
प्रभुन फेरता वच्चेतोड धन्यवादीत उंडाड.
मोडामला होसान्ना#21:9 होसान्ना “स्वर्गलोन आब्बानदी स्तुती शेयना.”!”#स्तोत्रसंहिता 118:25-26.
10यप्पुड येशुड यरुशलेम शहरला प्रवेश शेशा आप्पुड आंता शहर आरबाळीची फोया इंगा मंदी आडगुतुनीर, “इड यवाड उंडाड?” 11मंदी उत्तर इच्चीर, “इड गालील प्रांतलोन नासरेत नगरलेल वच्चीनोड, संदेष्ट्याड येशुड उंडाड.”
परमेश्वर भवनदी शुद्धीकरण
12मंग येशुड परमेश्वर भवन आंगळामला प्रवेश शेशा. आंदु या मंदी आम्मुदुर इंगा कोन्केन तिस्कुंदुर आ आंता मंदीन वाड बैटीक गेदमेस काड्या. दुडलाद व्यवहार शेशेतोरी सारर्फन#21:12 दुडलाद व्यवहार शेशेतोरी सारर्फन इस्राएल देशला, जर यवारकी आना परमेश्वरकी जनावरलाद लेकाते दुडलाद अर्पण शेशेद उंटे, तर वाड परदेशी मंदी दुडलाद परमेश्वर इल्लु दुडलाता बदलास्काडतुन्या. मंचाल इंगा कबुतरलु आम्मेतोरी कुसनेय पाटलु बोरकाला येस्काड्या#21:12 मंग येशुड परमेश्वर भवन आंगळामला प्रवेश शेशा. आंदु या मंदी आम्मुदुर इंगा कोन्केन तिस्कुंदुर आ आंता मंदीन वाड बैटीक गेदमेस काड्या. दुडलाद व्यवहार शेशेतोरी सारर्फन मंचाल इंगा कबुतरलु आम्मेतोरी कुसनेय पाटलु बोरकाला येस्काड्या इदी आंता घटना यहुदी लेनोर दरबारला घडाशीन्या, यंदु सावकारलाक वल्हांडन फंडगा काना पहिला वारी मंचामलु येशेद परवानगी इच्चीनीर.. 13वाड वारनी आन्या, “पवित्र शास्त्रला इल्ला राशीनेद उंडाद, ‘ना इल्लुन प्रार्थनाद इल्लु आन्यार,’ पण मीर दान लुटाशेतोरदी गुहा शेशीनार.”#यशया 56:7.
14मंग गुड्ड्योर इंगा लंगड्योर मंदी येशुन तीकुड परमेश्वर भवन आंगळामलोंग वच्चीर इंगा वाड वारनी बागा शेशा. 15पण यप्पुड मुख्य याजक मंदीक इंगा नियमशास्त्र शिक्षकलु इर येशुड शेशीने आश्चर्य कारक माटलु इंगा परमेश्वर भवन आंगळामला शिन्ना बिळ्ळान, “दाविद राजा कोडकुद होसान्ना.” इल्ला घोषणा शेशेताप्पुड सुशीर, आप्पुड वारकी कोफाम वच्या. 16वार वान आडगीर, “इ बिळ्ळु येम आंटुनार इदी नु इंटुनाव गरा?” येशुड वारकी उत्तर इच्या, “हुं.
पण नु बिळ्ळु इंगा फालतागेतोर बिळ्ळु
इर नोरता स्तुती पुर्ण शेशीनाव.
इदी मिक पवित्र शास्त्रला वाचास्कामला, यप्पुडुच दालेद येम?” 17मंग येशुड वारनी इडशी शहर बैटीक बेथानी नगरकी फोया. वाड मोब्बुलाला आंदे निलच्या.
अंजीरदी निष्फळ शट्टु
18इंगोगो नाड फद्दीना येशुड यरुशलेम शहरकी वापस वच्चेताप्पुड वानकी आकाल आय्या. 19दावा कंटामकी वानकी अंजीरदी वगाट शट्टु कमशा. आदी सुशी वाड दान देगार फोया. पण आकलान इडशी दानकी वगा अंजीर पण वानकी कमसा लेद. येशुड आ शट्टुन आन्या, “दीन मुंदारकी निक, यप्पुडुच फळ दावाराद” इंगा आदी शट्टु लगेच यंडी फोया. 20शिष्यल इदी सुशीर, आप्पुड वारकी शेंगेम आश्चर्य वाटाशा. वार आडगीर, “इदी अंजीरदी शट्टु इंता लग्गान यल्ला यंडी फोया?” 21येशुड वारनी आन्या, “निन मिक खरेम शपतान, जर मिक विश्वास उंटे इंगा मीर शक शेयाक फोतीर तर निन जे इ अंजीर शट्टु जताक शेस्तीन आद्दे लेद, तर इ कोंडान फिकी समुद्रला फड इल्ला जरी आंटीर तरी आदी आल्ले आय्यी. 22जर मिद विश्वास उंटे तर येम पण मीर प्रार्थनाला विश्वासता आडग्यार आदी मिक शिक्की.”
येशुन अधिकार बद्दल प्रश्न
23येशुड परमेश्वर भवनलोन आंगळामलोंग फोया, येशुड आंदु नेरपेताप्पुड मुख्य याजक मंदी इंगा आब्बागार येशुन तीकुड वच्चीर. वार येशुन आनीर, “नु या अधिकारता इ माटलु शेस्ताव? इदी अधिकार निक यवार इच्चीर?” 24येशुड आन्या, “निन पण मिमलान वगा प्रश्न आडगुतान. जर मीर नाक उत्तर इस्तीर तर निन या अधिकारता इ माटलु शेस्तान, इदी मिक शपतान. 25‘योहानकी बाप्तिस्मा इच्चेद अधिकार यवार इच्चीनीर? परमेश्वर का मनशी?’” येशुन इ प्रश्न मिंदा वार चर्चा शेशेदेंक आंटीर. जर मनाम आंटीम, “योहानकी बाप्तिस्मा इच्चेद अधिकार परमेश्वर तीकेल उंड्या तर येशुड आनी, ‘मंग मीर वान मिंदा विश्वास येनटीक फेट्टालेद?’ 26पण अधिकार मनशी तीकेल उंड्या इल्ला मनाम आंटीम की मनाक मंदीद यरपु उंडाद येनटीक की योहान इड वगा संदेष्टा उंड्या इल्ला वार आंदार मानास्तार.” 27दिनिचांग वार येशुनकी उत्तर इच्चीर, “माक यरका लेद.” आप्पुड येशुड आन्या, “तर मंग निन या अधिकारता इ माटलु शेस्तान, इदी पण निन मिक शप्पान.”
इद्दार कोडकुलाद दुष्टांत
28येशुड वारनी मुंदारकी आन्या, दीन बद्दल मिक येम वाटास्ताद आदी नाक शपना; “वगा मनशीक इद्दार कोडकुल उंडीर. वाड वान पहिला कोडकु देगार फोया इंगा आन्या, ‘कोडका, इबद नु अंगुरला बगीच्यालोंग फो इंगा फनी शेय.’ 29कोडकु उत्तर इच्या, ‘निन फोन.’ पण यंकसार आ कोडकुद मन बदलाशा इंगा वाड फोया. 30मंग आब्बाड वान इंगोगो कोडकु देगार फोया इंगा आन्या, ‘कोडका, इबद नु फोई ना अंगुर बगीच्याला फनी शेय.’ आ कोडकु उत्तर इच्या, ‘हुं यब्बा, निन फोयतान.’ पण वाड फोलेद. 31आ इद्दार लोन्केल या कोडकु आब्बानदी आज्ञा पाळाशा?” वार आनीर, “पहिला कोडकु.” येशुड वारनी आन्या, “निन खरेम शपतान, जकातदार इंगा वैश्याल मी काना मुंची स्वर्ग राज्यला फोयार. 32येनटीक की योहान नितीमत्व दावाता मी तीकुड वच्या, पण मीर वान मिंदा विश्वास फेट्टालेद, पण जकातदार इंगा वैश्याल इर वान मिंदा विश्वास फेट्टीर इंगा इदी मीर सुस्तीर पण तरी मीर मिद मन बदलाशेदेंक इंगा वान मिंदा विश्वास फेट्टेदेंक तैयार काक फोयतीर.”
अंगुरला बगीच्याद दृष्टांत
33येशुड मुंदारकी आन्या, “इदी इंगोगो दाखला इनना: वगा मनशी उंड्या, वानकी शेन उंड्या. वाड वान शेल्ला अंगुरलु आंच्या. दान आजु-बाजुक कुंपण कट्ट्या इंगा अंगुरला रस इचांग कुंडाल तैयार शेशा इंगा मच्च्या कट्ट्या,#यशया 5:1-4. मंग वाड वानदी शेन काही शेतकरी मंदीक बटाइता इच्ची, वाड इंगोगो देशामकी यल्ली फोया. 34यप्पुड अंगुरलु तेम्पेद दिनमु देगार वच्या, आप्पुड आ मनशी वानदी फाळ तिस्कुना वान काही नोकरलान शेतकरी मंदी तीकुड आंप्या. 35पण शेतकरी मंदी वार मिंदा भडकाशीर. वगान मत्तीर तर इंगोगो नोकरनी जेमफडा मतेशीर. मंग तिसरा मनशीन गुंडलु मत्ती ठार शेशीर. 36मंग शेतकरी मंदी देगार आ मनशी इंगा वगातुक नोकरलान आंप्या. वाड पहिला काना जास्त नोकरलान आंप्या पण आ शेतकरी मंदी वार जताक पण आल्ले शेशीर. 37आखरीक, वाड वान कोडकुन वार तीकुड आंप्या, वाड आन्या, ‘वार ना कोडकुद तरी मान फेट्यार.’ 38पण यप्पुड शेतकरी मंदी वान कोडकुन सुशीर आप्पुड वार वगा-मेगारनी आनेदेंक आंटीर, ‘इड तर मालकुन कोडकु उंडाड. इड वारीस उंडाड. नंडा मनाम इन ठार शेयदाम इंगा वानदी जागा तिस्कुनदाम.’ 39वार वान फट्टीर इंगा अंगुर बगीच्या लोन्केल जग्गी बैटीक तिशीर इंगा वान मतेशीर. 40मंग अंगुरला बगीच्या मालकुड वापस वच्ची आप्पुड इ शेतकरी मंदीद येम आय्यी?” 41यहुदी मुख्य याजक मंदी इंगा आब्बागार आनीर, “वाड आ मंदीक सच्चेद दंड इच्ची येनटीक की वार दुष्ट उंडीर. मंग वाड वानदी अंगुरलाद बाग इंगोगोनकी इच्ची. फंटा यल्लीनेंका यवार वान फंटाद फाळ इच्यार, वारकी वाड आदी इच्ची.”
42येशुड वारनी आन्या, “मीर पवित्र शास्त्रला इदी यप्पुडुच वाचायालेद येम?
‘कट्टेतोर याद नाकारीच्चीर
आद्दे राय कोनशीला आयनाद.
इदी प्रभुड शेशा इंगा
मा कंडलाला इदी अद्भुत उंडाद.’ #
स्तोत्रसंहिता 118:22-23. 43दिनिचांग निन मिक शपतान की, परमेश्वरदी राज्य मी तीकेल तिस्कुनेदेंक वच्ची इंगा या राष्ट्रल वानी आज्ञाल पाळास्ताय वारकी आदी इच्चेदेंक वच्ची. 44यवाड पण इ राय मिंदा फडी, वानी तुकडाल-तुकडाल आय फोई पण जर इदी राय यवार मिंदाना फडी तर वानदी भुगाभुगा आय फोई.”#21:44 यवाड पण इ राय मिंदा फडी, वानी तुकडाल-तुकडाल आय फोई पण जर इदी राय यवार मिंदाना फडी तर वानदी भुगाभुगा आय फोई. काही प्राचीन ग्रीक लिपीला 21:44 दी समावेश लेद.
45येशुड शप्पीने उदाहरणलु मुख्य याजकलु इंगा परुशील इनीर. येशुड वार बद्दल माटलाडतुनाड इदी वार गुरतु फट्टीर. 46वार येशुन फट्टेदेंक सुदुर. पण वारकी मंदीद यरपु उंड्या, येनटीक की मंदी येशुन संदेष्टा मानायदुर.
اکنون انتخاب شده:
MAT 21: WNT
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید