Versets bibliques populaires de Piancilna 17

Partager

Abram kum sawm kua-le-kua a phak ciangin ama kiangah TOPA kilanga, "Keimah, a Thahat pen e Pasian ka hi hi; ka mai-ah pai inla kawkbaang kei in.

Nang, Abram f hong kici nawn lo ding hi; Na min Abraham g hi ding hi; Minam tampite pa-in nang kong bawl zo hi.

Keimah in na Pasian le nang nunga na suan-le-khakte’ Pasian ka hina dingin tawntung thukhun in kei le nang le hong tung lai ding khangte-a na suan-le-khakte tungah thukhun kip ka bawl ding hi.

"Kei adingin hih in nang tawh ka thukhun ahi hi! Nang, minam tampite’ pa na hi ding hi.

Tua ciangin Pasian in, "Sang thei ding hi, ahi hangin na zi Sarah in nang tawh tapa khat nei dinga, ama min Isaac h na phuak ding hi. Ama nunga a suan-le-khakte ading tawntung thukhun ahi dingin amah tawh thukhun ka bawl ding hi.

Tu laitaka mikhual na hina Canaan leitang bup, nang le nang nunga na suan-le-khakte neih tawntung dingin kong pia dinga; kei amaute’ Pasian ka hi ding hi." ci hi.

Abraham khupbawha, nui-in amah le amah, "Kum zakhat a phasa mi khat sungah tapa piang ding maw? Kum sawm kua a phasa Sarah in ta nei ding maw?" a kici hi.

Pasian in Abraham tungah, "Na zi Sarai ahileh Sarai na ci nawn kei ding hi; ama min Sarah hi ding hi.

Na vun na at dinga, tua pen nang le kei kikala thukhun lim hi ding hi.

Ahi hangin mai kum tu hun ciangin Sarah tawh na neih ding Isaac tawh ka thukhun ka bawl ding hi," a ci hi.

Mailama khangte adingin, no inn sunga suakte ahi a, gamdang mite tunga sum tawh na leite uh - no sung pana piang a hi lote a hi zongin pasal peuhmah nigiat a phak nak leh a vun ki-at pelmawh ding hi. No innkuan sunga suakte ahi a, sum tawh na leite uh ahi zongin amaute vun ki-at pelmawh ding hi. Note ci-le-sa sunga ka thukhun, tu le a tawntunga thukhun ahi hi.