Versets bibliques populaires de Хьунухь 9

Partager

Аллагьди давамарна: «Ингье За квехъ галаз ва чан алай кьван вири затӀарихъ галаз эбеди яз кутӀунзавай икьрардин лишан: За циферал Жуван чӀемерук – яргъируш – Зини чилин агьалийрин арада авай икьрардин лишан яз куьрсарнава.

Циферик яргъируш жеда – Заз ам аквада, ва чилел алай вири агьалийрихъ галаз эбеди яз кутӀуннавай Жуван Икьрар Зи рикӀел хкведа».

Инсандин иви ни экъичайтӀа, и кардай ивикъичдин иви эхкъичрай. Вучиз лагьайтӀа инсан Аллагьдин къамат хьиз халкь авунвайди я.

Аллагьди Нуьгьазни адан рухвайриз хийир-дуьа авуна: «Куьне куь тум-кьадар артух ая, чил ацӀура.

Вири гьайванар за квез, виликдай набататрин къацар гайивал, тӀуьн патал гузва.

Чилел алай вири вагьшийриз ва цавара авай вири къушариз, гьам чилин винел алай чан алай кьван вири куьлуь-шуьлуьйриз, гьамни гьуьлера авай вири гъетериз квехъай кичӀе хьурай ва куь вилик зурзурай: абур куь ихтиярда тунва.

Куьне куь тум-кьадар артух ая, чил тирвал чукӀукӀ, гзаф хьухь».