Versets bibliques populaires de Džiibén 9

Partager

I phendiá Devél: “Ĥáda, isyn špéra (znako) pal zavieto, savó Me čhuváva maškír Mánde i maškír tuménde, i maškír kažno džidó di, savó te javél tuménca, dro tumaró ródo pe saró viéko. Me sykaváva Mirí bangi (raduga) dre óbloki, sob (kaj) joj te javél šperasa pal zavieto maškír Mánde i maškír phuv.

I javéla bangi (raduga) pe óbloko, i Me dykháva la, i ripirava zaviéto pe saró viéko maškír Devléste i maškír kažno džidó di dre kažno loč, saví isyn pe phuv.”

Kon pročhuvela manušéskiro rat, kodoleskiro rat pročhuvelape javire manušéskire vastésa: pal-dová so manúš sys sozdynó pir Devléskiri patrín (óbrazo).

I Devél bahtiakirdiá Nojos i léskire čhavén, i phendiá lénge: “Te bijandjon čhavoré tuménde i te javén tumen butýr, i te pherdiakiren tumé phuv.

Saró, so psiréla i dživéla, javéla tuménge dro xabén; syr čar Me dáva saró tuménge.

Mek te darén i te trašadjon tuméndyr saré phuvitka riskiribnáskire murdalá (zviéri), i saré bolybnáskire čirikliá, saró, so psiréla pir phuv, i saré morjoskire (derjavéskire) mačhé; otdyné jone dre tumaré vastá.

I te bijandjon čhavoré tuménde i te jačen tumen butýr, i te rozdžanpe tumé pir phuv, i te javén tumen butýr pe láte.”