Versets bibliques populaires de Met 17

Partager

1Eyoñ Abram a nga kui mimbu 99, Nti a nga jô nye na: Me ne Zambe a ne Ngul Ese. Wulu'u ôsu viam a bo'o zôsôôô.

Ba ye bo te beta loone wo na Abram, ve jôé dôé da ye bo na Abraham, amu ma bo wo ésaa jama *meyoñ.

Ma ye bo élate jam a wo a e mvoñe bôte jôé e mvuse jôé, ja ye bo élat é too nnôm éto, a amu élate te, ma ye bo Zambe wôé a nyô memvoñ me bôte môé e mvuse jôé.

E mfa'a wom, élate jam a wo e nje ji; wo ye bo ésaa jama *meyoñ.

Ve Zambe a nga jô na: E nne fo'o na Sara minga wôé a ye biaé wo monafam; wo ye yôlé nye jôé na Izak. Ma ye bo élate jam ane ji é too nnôm éto a nye a e mvoñe bôte jé e mvuse jé.

Ma ye ve wo, a memvoñ me bôte môé e mvuse jôé, si e nje éte ô ndôme zu bo *ntabe, si Kanaan ése, é bo éjôé nnôm éto a ma ye bo Zambe wop.

Ane Abraham a nga ku asu e butu si; a nga woé a jô e nleme wé été na: Ye monafam a ye bialé be fam é ntoo mimbu 100? Nalé fe Sara, mimbu 90, ye a ye biaé'

Zambe a nga beta jô Abraham na: E mfa'a di da fombô minga wôé Sarayi, wo ye bo te beta loone nye na Sarayi, ve jôé dé da ye bo na Sara.

Mia ye tyi'ibane metyel ane ndem élat e zañe jenan a ma.

Ve di da fombô élate jam ma ye bo je a Izak Sara a ye biaé wo aval éyoñe di e mbu wo zu.

Nnôm ase ya be mia a ye tyi'iban atyel éyoñ a ntoo melu muam, e miaé mienan mise, to'o a nga bialé e *nda été, to'o a nga kuseban a moné e be nneñ a nji bo e mvoñe bôte jôé. Ba yiane tyi'i nyô a nga bialé e *nda jôé atyel, nalé fe nyô a nga kuseban a moné wôé. Da ye bo e minsône mienan été, ndem élate ya nnôm éto.