Versets bibliques populaires de मत्ती 5

Partager

अऊ मईनसे मन, ढेबरी ला बाएर के ओला टुकनी कर तरी नई ढांपे, बल्कि ओला अवंठा में मढ़ाथें, तेकर ओहर घर कर सब मईनसे मन ला इंजोर देथे। ओही कस तुमन कर इंजोर हर मईनसे मन कर आगू में चमके, ताकि ओमन तुमन कर बढ़िहां काम ला देख के सरग में रहोईया, तुमन कर दाऊ कर माएन-मरजाद करें।

तुमन संसार कर इंजोर लागा, जे सहर हर पहार कर उपरे बसीस हवे, ओहर लुकाए नई सके।

धन्य हवें ओमन, जेमन कर हिरदय हर सुध हवे, काबरकि ओमन परमेस्वर ला देखहीं।

धन्य हवें ओमन, जेमन परमेस्वर कर ईछा बरीक भूखे अऊ पियासे हवें, काबरकि ओमन अघाए जाहीं।

बकिन मंए तुमन ला कहथों कि अपन बईरी मन ला मया करा, अऊ जेमन तुंमन ला सताथें, ओमन बर पराथना करा।

धन्य हवें ओमन, जेमन आत्मा में दीन हवें, काबरकि सरग कर राएज ओमने कर हवे।

धन्य हवें ओमन, जेमन मेल-जोल कराथें, काबरकि ओमन परमेस्वर कर लईका कहाहीं।

धन्य हवें ओमन, जेमन सोक करथें, काबरकि ओमन ला सांती देहल जाही।

धन्य हवें ओमन, जेमन परमेस्वर कर ईछा ला पूरा करे कर चलते सताल जाथें, काबरकि सरग कर राएज ओमन कर हवे।

धन्य हवें ओमन, जेमन दयालू हवें, काबरकि ओमन कर उपरे दया करल जाही।

धन्य हवा तुमन, जब मईनसे मन मोर चलते तुमन कर बेजती करथें, तुमन ला सताथें अऊ झूठ-मूठ कर तुमन कर बिरोध में, सब मधे कर घिनक गोएठ मन ला गोठियाथें। ते घनी आनंद मनईहा अऊ खुस रईहा, काबरकि सरग में तुंहर बर बड़खा इनाम राखल हवे। एकरले कि ओमन तो, तुमन ले आगू कर अगमजानी मन ला एहीच कस सताए रहीन।

धन्य हवें ओमन, जेमन नरम सुभाव कर हवें, काबरकि ओमन धरती कर हकदार होहीं।

तुमन सबेच मईनसे मन बर, नोन कस हवा बकिन अगर नोन कर सवाद हर खतम होए जाही, त ओला फेर कईसे नोनछीर बनाल जाही? त फेर ओहर कोनो काम कर नई रईह जाए। ओला बाहरी फेंक देथें अऊ सिरीप मईनसे मन कर गोड़ तरी कुंचाए बर होए जाथे।

एकरे ले तुमन सिद्ध बना, जेकस कि सरग में रहोईया तुमन कर दाऊ हर सिद्ध हवे।”

तुमन कर गोएठ हर फरी-फरी होए बर चाही, हां कर हां अऊ नहीं कर नहीं, एकरले बगरा जे जाएत हर होथे, ओहर सैतान कती ले होथे।”

तुमन सुने हवा कि ए कहल गए रहीस, आंएख कर पलटा में आंएख अऊ दांत कर पलटा में दांत, बकिन मंए तुमन ला कहथों कि तुमन कोनो खराब मईनसे कर बिरोध झईन करीहा। अगर कोनो तुमन कर जवनी गाल में झापड़ मारथे, त ओके अपन दूसरोच गाल ला दे देईहा।

अगर तोर जवनी आंएख हर तोके पाप में परे कर कारन बनथे, त ओला निकाएल के फेंक दे। तोर बर एहर बढ़ियां होतीस, कि तोर अपन देंह कर एगोट अंग ला गंवाए दे, अऊ तोर समुचा देंह हर नरक में झईन डालल जाए। अऊ कहों तोर जवनी हाथ हर तोके पाप में परे कर कारन बनथे, त ओला काएट के फेंक दे। तोर बर एहर बढ़ियां होतीस, कि अपन देंह कर एक ठे अंग ला गंवाए दे, अऊ तोर समुचा देंह ला नरक में झईन डालल जाए।”