Versets bibliques populaires de Nau Ntơm 17

Partager

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Bu mra mâu hôm ôh kuăl may jêng Y-Abram, ƀiălah amoh kon mra jêng Y-Abraham yorlah Gâp njêng jêh may jêng mbơ̆ ma âk phung ndŭl mpôl.

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

“Mpeh ma Gâp, aơ jêng nau tâm rnglăp Gâp ƀư đah may: May mra jêng chô yau ma âk phung ƀon lan.

Brah Ndu lah: “Mâu geh kơt nây ôh, H'Sara, ur may mra deh du huê kon bu klâu, jêh ri may mra ntơ amoh păng jêng Y-Isăk. Gâp mra njêng nau tâm rnglăp đah păng, jêng nau tâm rnglăp n'ho ro đah phung kon sau păng.

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Y-Abraham chŭn muh măt ta neh, gơm jêh ri mĭn êng tâm nuih n'hâm păng: “Du huê bunuyh lĕ du rhiăng năm hôm dơi geh kon đŏng lah? H'Sara lĕ sĭn jât năm mâm hôm dơi deh?”

Brah Ndu lah ma Y-Abraham: “Bi ma H'Sarai, ur may, may lơi hôm kuăl ôh păng H'Sarai yorlah amoh păng H'Sara.

Ăn khân may dơn siăt ntâu ta chiông ndơ chrach, jêh ri nau nây mra jêng nau mbên ma nau tâm rnglăp vah vang Gâp đah khân may.

Ƀiălah Gâp mra njêng nau tâm rnglăp đah Y-Isăk, H'Sara yơh mra deh ăn ma may tâm yan aơ năm pakơi taơ.”

Tâm lĕ rô̆, ăp nuyh bu klâu tâm khân may, nđâp lah păng deh tâm ngih mâu lah bu rvăt ma prăk bơh phung bu năch, mâu jêng ôh kon may nơm, jêh deh pham nar mra dơn koh ntâu da dê. Lĕ bunuyh deh tâm ngih nđâp ma bunuyh bu rvăt ma prăk mra dơn koh ntâu da dê. Yor nây, nau Gâp tâm rnglăp ta săk jăn khân may jêng nau tâm rnglăp n'ho ro.