Versets bibliques populaires de Luka 13

Partager

“Mu eze ka tata kuli mu kone ku kena ka munyako o kumbani, kakuli na mi bulelela, ki ba bañata ba ba ta bata ku kena, kono ha ba na ku kona.

Ne ku na ni musali ya kulile lilimo ze lishumi ka ze supile ni si li siñwi. N'a kenwi ki moya o maswe o n'e mu kotobanisize, a sa koni ku otoloha. Jesu h'a mu bona a mu biza, a li ku yena, “Musali, u lukuluzwi kwa butuku bwa hao.”

A mu beya mazoho, mi kapili a otoloha a nz'a lumba Mulimu.

Mu zibe kuli ba bañwi ba ba li kwapili ka nako ye ba ta ba kwamulaho, mi ba ba li kwamulaho, bona, ba ta ba kwapili.”

“Muñ'a ndu ha s'a zuhile, mi a mi kwalela kwande, mu ta ngongota, mu li, ‘Mulena, u lu kwalulele!’ U ta li ku mina, ‘Ha ni zibi ko mu zwa!’

Batili! Ni mi bulelela kuli haiba mu sa tuheli mikwa ya mina ye maswe, mu ta shwa, kaufel'a mina, kamukwaoswana.”

Yena hape u ta li, ‘Ha ni zibi ko mu zwa. A mu zwe ku na, mina kaufela ba ba eza ze maswe!’

Jesu a li, “Kana Mubuso wa Mulimu u swana niñi? Ni ka u likanyisa ni sika mañi? U swana ni peu ya masitete ye cezwi ki mutu mwa simu ya hae. Peu ya hula, ya ba kota, mi linyunywani za t'o yahela liyaleto za zona kwa mitai ya yona.”