Popularni biblijski stihovi od Luka 14

Podijeli

<<Akala muthu onofuna odha wa miyo, aadhivela ababe, amaaye, mwihiyanaaye, addibile, arogoriye naari egumi yaaye vajinji ogihiya miyo, kanakala namasuuza aaga.

Ole ohunathukule muraddi waaye wi agiharege kanaakale namasuuza aaga.

Vowi ole oneegweliha onookitihiwa; oneekitiha onogwelihiwa>>.

Mowindo mwaatene mwa nyo ohunahiye dhinniiyena kanaakale namasuuza aaga.

<<Mwa nyo oni afunaga omaga nyuba yuulubale vowambeela, ahikaraati eelengela korowa dhinafuneyege wi oone akala oneere omariha baani? Dhinampadduwele agambeelile adhe ahimarihe mwaha wi keelengele korowadha mowaakwanela, aatene enamoonege eneerege ombedda, yiirege: <Mulobwana ole ahambeela omaga mbwenye kamarihile>.

Mbwenye we wafunaga wiirihedha mathanga, wawiithanege oorabula, ootopinya, ooragala ni oohoona. Weeraga ndo oneere oreelihiwa, vowi kinaakalena yowuuwelihedha; yoowelihedhiwa yaawo onaakele omavenyelo wa athu ooharihamo>>.

<<Mwiinyu bwapama; ki wakumuwa ninawelihedhena ddi? Kunahiddiwana yego, naari okala manyowe, naari vadhuguni; mbwenye onothathiliwa. <<Winna mabaru owiiwana, eewe>>.