Popularni biblijski stihovi od SAN LUCAS 4

Podijeli

Vaco Dihvé Dendiohs ne, quenun u. Dechuh Dendiohs u, ca̱va che cacuáhn ndudo ndah yahn ye, cahnevan nducoya̱ca ihyan che necun ye ma̱n, ca̱va che cuahndudó che va ye vedeyeno che nchahco ye yahn ihyan che nto ino ye nunde yahn ye ma̱n. Dín che co ro na̱n ihyan che hua ro na̱n ye ma̱n, ndedeváhn ihyan che yah rahno ye, redin nunde yahn ye ma̱n, cuahndudó nduhca̱ che yahino Dihvo vo Dendiohs ihyan iyehnse ma̱n.

Ra̱hn Dihvo vo ri ye sa̱hn: ―Cuehn va̱ne chundah, te na̱n Ndudo yahn Dendiohs a ndirun: “Cuendeva yavena̱n Dihve Dendiohs, ne a ihyan min no codinehn che ca̱hma ye.”

Ndahconan Dihvo vo yahn se: ―Na̱n Ndudo yahn Dendiohs a ndirun: “Ndiyu dema̱n nduco pa̱n co conun ico ihyan, te namin rendotenan ye Ndudo yahn Dendiohs.”

Dihvo vo ne, quenun Vaco Ndah yahn Dendiohs ihyan, ne chica ye min ico Jordán. Din Vaco Dendiohs che cuahn ye ya̱hn na̱n che metah duhva.

Ra̱hn Dihvo vo ri ye sa̱hn: ―Namin na̱n Ndudo yahn Dendiohs a ndirun: “Hua tumarende Dihve Dendiohs.”

Cuahn che chihno tumarande chundah me Dihvo vo ne, cona̱hn se. Quenan rino se nde nda̱ a̱ma ro che nda̱hca̱ ca̱va se.

Tuhme quenda chundah me Dihvo vo a̱ma tingüete ya̱co, ne venchahteno na̱hma se ihyan nducuahn vederihquentiyon che va iyehnse. Ra̱hn se ri se ihyan: ―U té nducuahn vederihquentiyon che tihchan ndih, ndete che dinahn ne che ca̱hmá, te u va tá̱h nducuahn, ne adecoduhno ihyan che náhn ne, co cá̱h ihyan. Ndete che cahntihya ne ná̱n, ndeva ne yavená̱n ne, co yahn ne nducuahn. Ra̱hn Dihvo vo ri ye sa̱hn: ―Cuehn va̱ne chundah, te na̱n Ndudo yahn Dendiohs a ndirun: “Cuendeva yavena̱n Dihve Dendiohs, ne a ihyan min no codinehn che ca̱hma ye.”

Tuhme quenda se ihyan tin ya̱co chahte yahn ya̱n Jerusalén, ne ra̱hn se ri se ihyan: ―Ndete che Da̱ya Dendiohs ndih ne, ca̱va ne muhn. Hua dehva co yahn ne, te a ndirun na̱n Ndudo yahn Dendiohs: Dechuh Dendiohs ángel yahn ye ca̱va che conduco ye ndih, din ye cuda̱do ndih ca̱va che hua dehva co yahn ne. Ra̱hn Dihvo vo ri ye sa̱hn: ―Namin na̱n Ndudo yahn Dendiohs a ndirun: “Hua tumarende Dihve Dendiohs.”