Lk 3
3
Ũtavany'a wa Yoana Mũvatisi
(Mat 3.1-12; Mk 1.1-8; Yoa 1.19-28)
1Mwakanĩ wa ĩkũmi na itano wa kũsumbĩka kwa Timbeliasi mũsumbĩ wa Loma, nake Vondio Vilato e ngavana wa nthĩ ya Yutia, Elote e mũnene wa kĩsio kya Kalilii, Vilivũ mwana-a-inyia e mũnene wa kĩsio kya Ĩtũlea na wa Tũlakoniti, Lisaniasi e mũnene wa kĩsio kya Avilene, 2namo Anasi na Kaiava me athembi anene, Ngai nĩwaneenie na Yoana mwana wa Nzekalia e weũnĩ. 3Nĩvo ĩndĩ Yoana waendie isionĩ syonthe ila syĩ vakuvĩ na Ũsĩ wa Yolotani, akĩtavya andũ atĩĩ, “Ĩlilei kwondũ wa naĩ syenyu.”
4 #
Ĩsa 40.3-5
Ũu nĩ kwosana na ũndũ mwathani Ĩsaia waĩtye ĩvukunĩ yake,
“Ve mũndũ ũkũneena na wasya mũnene weũnĩ ayasya atĩĩ,
‘Seũvĩsyai Mwĩai nzĩa na mũilũngalya kũla eĩsĩla!
5Syanda syonthe nilindwe,
na iĩma na tũlĩma iituũwa.
Malelũ ala mathyoeku malũngalw'e
na nzĩa ila syĩ maliko iitindimalw'a.
6Nĩvo ĩndĩ kĩla mũndũ ĩũlũ wa nthĩ
wĩona ũtangĩĩo wa Ngai.’ ”
7 #
Mat 12.34; 23.33 Andũ aingĩ mũno nĩmaendie vala ve Yoana amavatise nake amea atĩĩ, “Inyw'ĩ andũ nzeleke ta nzoka! Nũũ ũla ũmũkanisye mũkĩe ũsilĩlo ũla wũkĩte kuma kwa Ngai? 8#Yoa 8.33 Onany'ai ĩndĩ kwa meko maseo kana nĩmwĩlilĩte kwondũ wa naĩ syenyu. Mũikambĩĩe kwĩana atĩ, ‘Avalaamu nĩ ũmae waitũ.’ Ekai nĩmũtavye, Ngai e na ũtonyi wa kũalyũla mavia aa makatw'ĩka nzyawa sya Avalaamu. 9#Mat 7.19 Oyu tũĩ ĩthoka nĩyĩkwetwe yelekelw'e ĩtinanĩ ya mũtĩ, na kwoou mũtĩ ũla ũtasyaa ũsyao mũseo nũũtemwa na ũyĩkw'a mwakinĩ.” 10Nĩvo ĩndĩ andũ asu makũlilye Yoana atĩĩ, “Nayu twaĩlĩtwe nĩ kwĩka ata?” 11Yoana amasũngĩa amea atĩĩ, “Ũla wĩ na ngũa ilĩ nĩaaĩe ũla ũte na kĩndũ, na ũla wĩ na lĩu nĩamũolele ũla ũte naw'o.”
12 #
Lk 7.29
Aumĩthya amwe ma koti o namo nĩmaendie makavatiswe na mamũkũlya atĩĩ, “Mũmanyĩsya, twaĩlĩtwe nĩ kwĩka ata?” 13Nake amea atĩĩ, “Mũĩkaumĩthye koti ũthonokete ũla ũtw'ĩtwe.”
14Asikalĩ amwe o namo nĩmamũkũlilye atĩĩ, “Naitũ twaĩlĩtwe nĩ kwĩka ata?”
Namo asu amea, “Mũikose kĩndũ kya mũndũ o na wĩva na vinya, o na mũikasikate mũndũ na ũndũ ũte wa w'o. Ĩanĩwai nĩ mũsaala wenyu.”
15Andũ onthe vau nĩmekalile meteelete ũndũ ũnene wĩkĩke, na onthe mambĩĩa kũkũlya na ngoo, “No kwĩthĩwa Yoana newe Klĩsto!” 16Kwoou Yoana amatavya onthe amea atĩĩ, “Nyie nĩmũvatisa na kĩw'ũ, ĩndĩ ve mũndũ wũkĩte mũnene kwĩ inyie. Ĩĩ, o na ndyaĩlĩtwe nĩ kũthasya mĩkwa ya iatũ syake. Ũsu akamũvatisa na Veva Mũtheu na mwaki. 17Kw'okonĩ kwake nũkwete kĩndũ kya kũũlũkya, nĩ kana aũlũkye nganũ yĩvathane na mavuti. Akoombany'a nganũ ĩsu amie ĩkũmbĩnĩ, ĩndĩ mavuti akamavĩvya na mwaki ũtavoaa.”
18Yoana nĩwathuthisye andũ kwa nzĩa mbingĩ aimatavya Ũvoo Mũseo. 19#Mat 14.3-4; Mk 6.17-18 Ĩndĩ Yoana nĩwamũkanĩtye ngavana Elote nũndũ wa kwosa Elotiasi mũka wa mwana-a-inyia, akamũtwaa; na o ta ũu, nũndũ wa maũndũ maingĩ mathũku ala Elote weekĩte. 20Elote nĩwasyokie ongela ũndũ ũngĩ ĩũlũ wa asu, asya Yoana nĩavingĩwe yela.
Kũvatiswa kwa Yesũ
(Mat 3.13-17; Mk 1.9-11)
21Andũ onthe mamina kũvatiswa, Yesũ o nake nĩwavatisiwe. Nĩvo ĩndĩ Yesũ aendee na kũvoya ĩtu yavingũkie, 22#Mwa 22.2; Sav 2.7; Ĩsa 42.1; Mat 3.17; Mk 1.11; Lk 9.35 na Veva Mũtheu amũtheea e na mũvw'ano wa ĩvũĩ. Wasya nĩweew'ĩkie kuma ĩtunĩ ũkwasya atĩĩ, “We nue mwana wakwa mwendwa na nĩnendeeaw'a mũno nue.”
Masyĩtwa ma Aaũmae ma Yesũ
(Mat 1.1-17)
23Yesũ ambĩĩie ũthũkũmi wake e na ũkũũ wa myaka ta mĩongo ĩtatũ. Nĩwatalĩthaw'a kwĩthĩwa mwana wa Yosevu, ũla waĩ mwana wa Eli, 24mwana wa Mathati, mwana wa Livai, mwana wa Meliki, mwana wa Yanai, mwana wa Yosevu, 25ũla nĩ mwana wa Matathia, mwana wa Amosi, mwana wa Naũmu, mwana wa Esili, mwana wa Nakai, 26mwana wa Maathi, mwana wa Matathia, mwana wa Semeini, mwana wa Yoseki, mwana wa Yonda, 27mwana wa Yoanani, mwana wa Lesa, mwana wa Nzelũvaveli, mwana wa Sealitieli, mwana wa Neli, 28mwana wa Meliki, mwana wa Andi, mwana wa Kosamu, mwana wa Elimatamu, mwana wa Eeli, 29mwana wa Yosua, mwana wa Elieseli, mwana wa Yolimu, mwana wa Mathati, mwana wa Livai, 30mwana wa Simioni, mwana wa Yuta, mwana wa Yosevu, mwana wa Yonamu, mwana wa Eliakimu, 31mwana wa Melea, mwana wa Mena, mwana wa Matatha, mwana wa Nathani, mwana wa Ndeviti, 32mwana wa Yese, mwana wa Oveti, mwana wa Mboasi, mwana wa Salimoni, mwana wa Nasoni, 33mwana wa Aminatavu, mwana wa Andimini, mwana wa Alani, mwana wa Esiloni, mwana wa Velesi, mwana wa Yuta, 34mwana wa Yakovo, mwana wa Isaka, mwana wa Avalaamu, mwana wa Tela, mwana wa Naoli, 35mwana wa Selũki, mwana wa Leũ, mwana wa Velengi, mwana wa Eveli, mwana wa Siela, 36mwana wa Kainani, mwana wa Alivakasandi, mwana wa Semu, mwana wa Noa, mwana wa Lameki, 37mwana wa Methũsela, mwana wa Enoko, mwana wa Yaleti, mwana wa Maalaleli, mwana wa Kenani, 38mwana wa Enosi, mwana wa Sethi, mwana wa Atamu, mwana wa Ngai.
Trenutno odabrano:
Lk 3: KAMBA
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
BIBLE SOCIETY OF KENYA © 2011