Vilinga 3
3
Navahindula muka-luuta kuchikolo chaTembele
1Jino Petulu naYowano vapwile nakukanduka kuTembele halwola lwakulomba, lwamuchitanu najiwana#3:1 Hachiteuko, ha15.00..
2Kaha vawanyine vatu vanambate lunga waluuta kufuma kukusemuka chenyi, uze vapwilenga nakutumbika hakumbi hakumbi kuchikolo chaTembele vavuluka ngwavo Chikolo chaLuvaji, mangana alombe-lombenga kuli vaze vengililenga muTembele.
3Omu ámwene Petulu naYowano navasaka kwingila muTembele, alombele vamuhane wana.
4Petulu naYowano vamushishikile, kaha Petulu amwambile ngwenyi, Tutale!
5Avatalile swi-i nakutalilila kutambula kamwe kuli vakiko.
6Oloze Petulu amwambile ngwenyi, Kangweshi napalata chipwe uluko, oloze nangukuhana echi nguli nacho. Mulijina lyaYesu Kulishitu wakuNazaleta, katuka, tambuka!
7Kaha amukwachile kulivoko lyachilyo nakumukatula. Hahaze vene, mahinji enyi natusendengele twenyi vyakwachile ngolo.
8Kaha omu atumbukile nakwimana, aputukile kutambuka, himwengila navo muTembele, oku ali nakutambuka nakutumbwojoka nakwalisa Kalunga.
9Kaha vatu vosena vamumwene ali nakutambuka nakwalisa Kalunga.
10Kaha vamutachikijile ngwavo ikiye vene uze atwaminenga kuChikolo chaLuvaji chaTembele nakulomba-lomba vyakumukafwa. Valikomokelele nakufwa chishima havize vyasolokele hali ikiye.
Petulu mwambulula mazu musenge yaSolomone
11Omu akakachilile Petulu naYowano, vatu vosena valikomokelele chikuma, kaha valahilile hamwe kuli vakiko muze musenge yaSolomone.
12Jino omu Petulu achimwene, ambile vaze vatu ngwenyi, Enu malunga vaIsalele, mwomwo ika munalikomokela hachuma echi? Nyi munatushishikila ika ngana nge etu yetu tunamutambukisa nangolo jetu, chipwe hakukomoka chetu Kalunga?
13 Kalunga kaApalahama, Kalunga kaIsaka, Kalunga kaYakova, Kalunga kavakakuluka jetu,
nazezula Ngamba yenyi Yesu naupahu waunene, Ikiye Uze mwahanyine kumavoko aPilatu nakumukana kumeso enyi shimbunyi Pilatu ambile kumwecha.
14Oloze, enu mwakanyine Uze Wajila Wakwoloka, mwalombele vamyechele chihwanga.
15Kaha mwajihile Mwenya-mwono, oloze Kalunga amusangula muvafu. Etu tuvinjiho hachuma kana.
16Kaha halijina lyaYesu, hakufwelela lijina kana, hakiko nakwachila ngolo ou lunga munamono, ou mwátachikiza. Hakufwelela Yesu, hakiko napwila wakulikangula ngana omu munamumono muvosena.
17Shikaho jino, enu vandumbwami, ngunatachikiza ngwami mwachilingilile hauhukuma, nge muze valingile vaka-kuyula jenu nawa.
18Oloze vize apolofwetele Kalunga mutunwa twavapolofweto vosena ngwenyi Kulishitu yenyi mwakamona makava akutwala kukufwa, navitesamo.
19Shikaho, kunyukenu hashili nakwalumuka mumuchima, hilukenu kuli Kalunga, mangana milonga yenu yashili vayijimbangane,
20mangana kwizenga ngonde yakuhizumuka kufuma kuli MWATA, kaha mwakatuma Kulishitu vámitongwelele, Ikiye vene Yesu.
21Ikiye, kuvanga vamutambule mwilu palanga nakungonde yize yakutèngulula nakuwahisa vyosena avulukile Kalunga mutunwa twavapolofweto jenyi vajila kumyaka yakunyima.
22Mose ambile ngwenyi,
MWATA Kalunga mwakamikatwila Kapolofweto wakupwa nge ami kufuma muli vandumbwenu.
Kamwivwililenu havyeshovyo mwakamilweza.
23 Kaha weshowo mwakazeneka kwivwilila Owo Kapolofweto, navakamunongesa muli vatu.
24Navapolofweto vosena vahanjikileho — kuputukila hali Samwele navaze vakavileho — vambulwile nawa vyamakumbi aze akutèngulula.
25Enu muvana vavaze vapolofweto, vana vachilongeselo-chalushiko-lwaKalunga chize alishingile Ivene Kalunga hali vakakuluka jenu, haze ahanjikile kuli Apalahama ngwenyi,
Kaha muli Uze wakumbuto yove mukiko navakatokwela vaka-mafuchi ahamavu vosena.
26Kalunga, hakukatula Ngamba yenyi Yesu, avangilile kumutuma kuli enu amikisule hakumyalumuna mangana mutu himutu aseze upapwoki wenyi.
Trenutno odabrano:
Vilinga 3: LUE
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Bible Society of Zambia