Vèsè popilè nan Bib la ki soti nan Jon 1

Pataje

Sawk uwrsa hye posokwaw ka-me-huonok e, seyr hye posokwaw nanpanan kiykiy-ay e, hme kokwe hiykwe po leykweyn kow, hom God so ney-ar lwak e.

Paraw paraw-ar kokwe ki ehe mon-hre pa kokwe, peyr ok hokwaw lwak wayr. Ok kokwe God se nion non-wak, seyr ok sokukwe God hiykiaw.

Ey-yar sohokwe eym-nawp mon lyar kow, seyr eym-nawp hiykwe ey-yar sehe mon pros pa.

Ok kokwe uwr po lohre, sa hiykwe le nok, hromo ompok mon non-wayr. Hromkwe hyo panpaniowni se papo lira. Panpaniowni sohokwe God so ney prueyn-awaw so. Hiykwe orih God so owh ko se ma le hiy non. Hiykwe maym kow yor o, ok-ar yor o, woki nuw-wak prusow.

Seyr ok sohok non-aw kokwe God hiykwe omeme lowpwarowp me monhre ousne sa-ousne. Hiy lopa hokwe, omeme enkin ma lwak mokwe lousne pa po lwak. Seyr ok serey mon kokwe su lwayr ey non. Seyr su lwayr ey sohokwe uwrsa lowpwarowp mo ey-yar.

Sawk enekwei leikmon hokwe Jisas hiykwe Jon so owh mon le. Wo, Jon hiykwe Jisas hiy le se lira menkin, hiykwe sa senkin me, “Ama, kwa lira, God so Sipsip-ney ihey-ar hokwe, ehie ma le he. Hiykwe sehe le, uwrsa lowpwarowp ki ko mo yor piap-araw me mon-say kow ey.

Hiykwe ki mon kokwe paraw-ar nuw-wak. Sa ki hokwe hiykiaw mon-hre. Sawk uwrsa ki ko homkwe hye kokwe lira nonkway pa. Hiykwe hyo kipay arian mon le, sawk hyo uwrsa arian homkwe hye huonok huon pa.

Sohokwe ey-yar-ar. Ey-yar sohokwe ki mon sehe le, uwrsa senkin senkin lowpwarowp me lyar kow ey.

Payhokuaw, sow mokwe Moses so mon lousne, sawk maym-kow-yor o, ok-ar yor o, sohohkwe Jisas Krais so mon lousne.