Vèsè popilè nan Bib la ki soti nan Jeremi 25

Pataje

Yo te di nou pou nou manyè kite vye chemen nou t'ap swiv yo, pou nou manyè sispann fè sa ki mal. Konsa, nou ta ka viv toujou nan peyi Senyè a te ban nou an, peyi li te bay zansèt nou yo pou tout tan tout tan an.

Tout peyi a pral kraze tounen mazi, yon dezè. Nasyon ki nan vwazinay yo pral sèvi wa Babilòn lan pandan swasanndizan. Apre swasanndizan sa yo, m'a pini wa Babilòn lan ansanm ak pèp li a pou peche yo fè. Se mwen menm Senyè a ki di sa. M'ap detwi peyi moun Kalde yo, m'ap fè l tounen mazi pou tout tan.

Pwofèt yo di nou: Pa kouri dèyè lòt bondye, pa fè sèvis pou yo, pa mete ajenou devan yo. Pa sèvi zidòl nou fè ak men nou pou Senyè a pa fache. Konsa, si nou obeyi Senyè a li p'ap pini nou.