Vèsè popilè nan Bib la ki soti nan Pwovèb 18

Pataje

Sa ou di ka lavi pou ou, li ka lanmò pou ou. Sa ou chwazi, se sa w'ap jwenn.

Senyè a, se yon gwo ranpa byen solid. Se la moun k'ap mache dwat yo kouri al chache pwoteksyon.

Gen zanmi se pran yo vin pran. Men, gen zanmi tou yo plis pase frè.

Trape yon bon fanm, se trape yon trezò. Se kado Bondye sèl ka bay.

Moun ki prese reponn san koute sa y'ap di l, se moun sòt li ye. Li gen pou l wont.

Moun sòt pa pran plezi l nan chache konprann. Tou sa l'ap chache se fè moun konprann li gen lespri.

Lè w'ap fè awogans, yo pa lwen kraze ou. Lè ou fè kò ou piti, y'a fè lwanj ou.