Vèsè popilè nan Bib la ki soti nan Pwovèb 19

Pataje

Yon moun te mèt fè tout kalite lide nan tèt li. Men, sa Senyè a vle a, se sa ki pou rive.

Lè ou bay pòv lacharite, se Bondye ou prete. Se li menm ki va renmèt ou sa.

Yon moun ki gen bon konprann pa fè kòlè fasil. Tout kalite li, se pa okipe moun ki fè mal.

Koute konsèy y'ap ba ou. Louvri zòrèy ou pou aprann. Konsa w'a gen bon konprann jouk ou mouri.

Gen krentif pou Bondye, w'a jwenn lavi, w'ap toujou kontan. Malè p'ap rive ou.

Si ou renmen tèt ou, chache gen konprann. Pa bliye sa ou te aprann, zafè ou va mache byen.

Korije pitit ou yo lè yo piti toujou. Men, pa bat yo jouk ou touye yo.

Lè yon moun ap sèvi temwen nan tribinal, si li fè manti, yo gen pou yo pini l. Moun k'ap bay manti gen pou mouri.