Vèsè popilè nan Bib la ki soti nan Matius 5

Pataje

Tara ada orang yang pasang lampu kong tutu dia pe cahaya. Tapi pasti dia taru lampu itu di dia pe tampa supaya kase tarang pa samua orang yang ada di dalam ruma itu. Bagitu lagi deng ngoni. Ngoni musti biking hal-hal yang bae supaya orang-orang dapa lia apa yang ngoni biking itu kong puji deng hormat pa Tuhan Allah, ngoni pe Bapa yang ada di sorga.”

Ngoni lagi sama deng tarang di dunia yang kase tarang pa orang-orang. Bagitu lagi deng ngoni pe hidup di dunia ini, ngoni musti bawa pengaru yang bae pa orang-orang. Kong orang-orang pasti mo lia hal-hal bae yang ngoni biking, sama deng dorang lia kota satu di atas gunung yang tara mungkin mo tasambunyi.

Paling sanang suda orang-orang yang pe hati bersi pa Tuhan Allah pe muka, karna dorang akan lia pa Tuhan Allah.

Paling sanang suda orang-orang yang ingin skali biking barang yang butul, karna Tuhan Allah akan kase puas pa dorang.

Tapi Kita mo bilang pa ngoni e, ngoni musti sayang pa ngoni pe musu-musu, deng ngoni musti kase berdoa pa orang-orang yang jaga siksa pa ngoni.

“Paling sanang suda orang-orang yang rasa dong pe diri tara pantas pa Tuhan Allah pe muka, karna dorang itu suda yang jadi Tuhan Allah pe umat yang Dia Berkuasa sebagai Raja.

Paling sanang suda orang-orang yang kase baku dame pa orang laeng, karna Tuhan Allah akan bilang dong itu Dia pe ana-ana.

Paling sanang suda orang-orang yang pe hati sedi, karna Tuhan Allah akan hibur pa dorang.

Paling sanang suda orang-orang yang dapa siksa karna biking barang yang butul, karna dorang itu suda yang jadi Tuhan Allah pe umat yang Dia Berkuasa sebagai Raja.

Paling sanang suda orang-orang yang kase tunju dorang pe rasa kasiang pa orang laeng, karna Tuhan Allah akan kase tunju Dia pe rasa kasiang pa dorang.

Paling sanang suda ngoni yang karna ngoni iko pa Kita, ngoni dapa hina, dapa siksa, deng ada yang kase tara bae ngoni pe nama. Sanang deng basimore suda, karna Tuhan Allah so kase sadia ngoni pe upah basar di sorga. Barang, nabi-nabi yang dulu me so lebe kamuka dapa siksa sama deng yang ngoni dapa.”

Paling sanang suda orang-orang yang tara sombong, karna Tuhan Allah akan kase dunia ini pa dorang.

Yesus bilang lagi, “Ngoni itu sama deng garam di dunia yang kase sadap makanang. Bagitu lagi deng ngoni pe hidup di dunia ini, ngoni musti bawa pengaru yang bae pa orang-orang. Tapi kalu ngoni tara bawa pengaru yang bae, ngoni sama deng garam yang so jadi tawar yang tara mungkin mo barasa garam. Garam itu so tarada dia pe guna, lebe bae buang la orang injang-injang.

Jadi, ngoni musti sayang pa samua orang deng sempurna, sama deng ngoni pe Bapa di sorga yang sayang pa samua orang deng sempurna.”

Jadi kalu memang butul, bilang saja, ‘Iyo’. Kalu tarada, bilang saja ‘Tarada’. Karna kalu ngoni bilang lebe dari itu, itu pe asal so dari Iblis, setang-setang pe raja.”

Yesus bilang lagi, “Ngoni me so dengar aturan-aturan yang bilang bagini, ‘Kalu ada orang yang kase rusak ngoni pe mata, ngoni me balas kase rusak dia pe mata. Kalu ada orang yang kase pata ngoni pe gigi, ngoni me balas kase pata dia pe gigi.’ Tapi Kita mo bilang pa ngoni e, kalu ada orang biking barang yang jahat pa ngoni, ngoni tara bole balas deng yang jahat pa dia. Mala, kalu ada orang yang tampeleng ngoni pe pipi kanan, ngoni kase lagi ngoni pe pipi kiri.

Kalu gara-gara ngoni pe mata kanan sampe ngoni jadi berdosa, cungkel suda kong buang mata itu! Karna lebe bae ngoni pe mata sabla ilang kong ngoni tara dapa hukum, daripada ngoni pe mata itu lengkap tapi ngoni pe badan anteru dapa buang di neraka. Kong kalu ngoni pe tangan kanan biking sampe ngoni jadi berdosa, potong suda kong buang tangan itu! Karna lebe bae ngoni pe tangan sabla ilang, daripada ngoni pe tangan lengkap tapi ngoni pe badan anteru maso di neraka.”