Vèsè popilè nan Bib la ki soti nan Gimpuunan 26

Pataje

Sitay lang dap kawu pag tahan dahil giyahan niku kawu ag papaladan. Ipakaun niku sa kanmu hanggan sa kanmu manga linahi inda tanan pag daga. Tupadun niku kang taratu sa kanmu ama, sa kan Abraham.

Payamuun niku kanmu manga linahi ga pamgasan sa langit kay kayamu, ag ipakaun niku sa kanda inda tanan pag daga. Ag sa panab-anan nida, papaladan niku ti tanan tawu sa kalibutan. Buwatun niku inda dahil sinunud aku ni Abraham, ag tinupad niya ti tanan niku sugu hanggan tudlu.”

Nighit maan siyun ginan sida ni Isaak ag nankutkut maan tuhay pag bubun. Balaw yi nida inda inaratwanan, nakan iningarnan inda ni Isaak Rihubut. Dahil magkun siya, “Taynguna pinakan-an kita PANGINUUN maluang pag rugar hampay lalu waya kita yumamu sa inda pag rugar.”

Napakakit sa kanya ti PANGINUUN ag magkun, “Danga kawu mag-atag sa Ihiptu; pagpirmaminti kawu sa itudlu niku pag rugar sa kanmu.

Nakan nagbuwat harandugan si Isaak ag nagsamba sa PANGINUUN. Nagpatindug siya turda sa tunda pag rugar ag nanpakutkut bubun sa kay manga suruguun.