Vèsè popilè nan Bib la ki soti nan Gimpuunan 27

Pataje

Mana pakan-an kawu Diyus abunda sa ani pag daga pirmi may tun-ug papalad niya, hampay abunda kawu sa karan-unun hanggan irinmun ubas. Mana pumasakup ag sumirbi sa kanmu ti mayamu manga tawu. Mana kawu ti humari sa kanmu manga katawuhan ag pumasakup sida sa kanmu. Mana ti magsaad sa kanmu, saadan diman, ag ti magpapalad sa kanmu, papaladan diman.”

Magkun si Isaw, “Pangadwa yi ginan inda pinaumang niya aku. Nakan maaw Hakub kay ngaran. Bin-ul yi niya kang karampatan bilang panganay ag taynguna bin-ul waya niya ti papalad para sa kangku.” Bag-u nagpaingana siya, “Amang, udyi aw ungud may sawad papalad para sa kangku?”

Magkun si Isaak sa kanya, “Unman pumatubas abunda kanmu ulian pag daga, ag pirmi inda unman may tun-ug papalad Diyus. Pirmi kawu man-gira, ag sumirbi kawu sa kanmu patar-ari. Dapat nu lumaban kawu sa kanya, kumalpas di kawu ginan sa kay kapangyarihan.”

Napaawa-awa waya si Isaw sa kay ama, “Amang, udyi aw gid ungud una di usa ka papalad para sa kangku? Papaladi diman nimu aku.” Bag-u magpakalumi waya gid siya.