Matiw 1
1
Shumm mhishak khi Jesu mwopp
(Luk 3:23-38)
1R'an shumm mhishak khi Jesu Kristi, Em khi Dauda kihh Em khi Ibrahim zag.
2Ibrahim l'aa Ishaku,
Ishaku l'aa Yakub,
Yakub la Yahuda mwopp kihh emnhikhin mwopp,
3Yahuda la Perez mwopp kihh Zerah, w'u nhikhin khimwopp a Tamar,
Perez l'aa Hezron,
Hezron l'aa Ram,
4Ram l'aa Aminadab,
Aminadab l'aa Nahshon,
Nahshon l'aa Salmon,
5Salmon l'aa Boaz, w'u nhikhin khinyi a Rahab,
Boaz l'aa Obed, w'u nhikhin khinyi a Rut,
Obed l'aa Jessi,
6Jessi l'aa Miskakhamm Dauda.
Dauda l'aa Solomon, w'u nhikhin khinyi gyet a mat khi Uriya,
7Solomon l'aa Rehoboam,
Rehoboam l'aa Abijah,
Abijah l'aa Asa,
8Asa l'aa Jehoshafat,
Jehoshafat l'aa Jehoram,
Jehoram l'aa Uzzaya,
9Uzzaya l'aa Jotam,
Jotam l'aa Ahaz,
Ahaz l'aa Hezekiya,
10Hezekiya l'aa Manasse,
Manasse l'aa Amon,
Ammon l'aa Josiya,
11Josiya la Jekoniya kihh emnhikhin mwopp yiiy w'u l'ek so gurum diy harr mwopp kok mwopp kromm lhidum yill Babila.
12Bwoonrooh mwopp kok gurum lhidum dhakk-kromm yill Babila, bhi Jekoniya l'aa Shealtiyel,
Shealtiyel l'aa Zerubabel,
13Zerubabel l'aa Abihud,
Abihud l'aa Eliyakim,
Eliyakim l'aa Azor, 14Azor l'aa Zadok,
Zadok l'aa Akim,
Akim l'aa Elihud,
15Elihud l'aa Eliyaza,
Eliyaza l'aa Matan,
Matan l'aa Yakub, #1:15
16Yakub wu'nyi l'aa Yusufu, w'u a mis khi Maryamu w'u l'aa Jesu, w'u mwopp kihh peet Kristi.
17Bii w'u yakhal Ibrahim ji put Dauda bhi a gangg kaghapaad baa'feerr; yakhal Dauda ji putt yiiy w'u l'ek so gurum mwopp kok mwopp lhidum dhakk-kromm Babila, bhi nyi a gangg kaghapaad baa'feerr; yakhal yiiy w'u mwopp kok gurum lhidum Babila ji putt Kristi, bhi nyi a gangg kaghapaad baa'feerr zag.
Pwookaah rooh mwopp l'aa Jesu
(Luk 2:1-7)
18A mihhseh a yakshiiy pwookaah arr w'u mwopp l'aa Jesu diy: Nhikhin khinyi Maryamu gyet a mat'yaa khi Yusufu w'u baa mwopp le'sarr dyik kihh shag. Dhangg kaarooh baah mwopp khi y'aa t'ong mhi mis kihh mat mou, dheeh mwopp kad Maryamu a kihh ak sh'i maa'pee khi Riin Wu'bhangg.#Luk 1:27 19Pee'rooh mis'yaa khinyi Yusufu a Gu-mihhseh'wurett, bhi kihh t'ang tu'dyik Maryamu ni shekhett lakham, p'ee baah kihh dh'om pihh naa'shoopp nyi kihgaak mou.
20Bwoonrooh shwan bii mhizeh khibhid en niy, bhi m'ee gu'lop khi Naan dyingg shin nyi dhighin shu'khun, bhi satt nyi le, “Yusufu, em khi Miskakhamm Dauda oo, tapp ghi kihkhir lapp Maryamu mat mou, p'ee ak w'u nyi kihh nyi seh a sh'i Riin Wu'bhangg. 21Nyi p'ee l'aa laa'wumis, bhi gha p'ee l'e shumm w'u a Jesu l'aa ni, p'ee nyi p'ee bham gurum keeniy mwopp pwoo shigbis khimwopp.”#Luk 1:31
22Bii mihhse sh'in weett a tihh bii w'u gyet Daah Naan satt sh'i pwoo khi gu'wanggshiiy gam diy, w'u satt le: 23“Wu naah, m'ee duann w'u dangnuk pee kwed kihh ak, yakhal l'aa laa'em, bhi mwopp p'ee peet shumm l'aa ni a Immanuel, w'u shiiy khinyi a ‘Naan kihshag kihh munn.’ ”
24Kaarooh Yusufu m'ii s'aam, bhi sh'in bii w'u gu'lop khi Naan satt nyi seh: dum m'ang Maryamu tihh dheeh mat khinyi diy. 25Weett kihhsheh bhi baah Yusufu teer kihh Maryamu mou, seeh bwoonrooh l'aa dhangg, bhi Yusufu l'e shumm w'u a Jesu l'aa ni.
Chwazi Kounye ya:
Matiw 1: Chakfem
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©️2022 Luke Initiative for Scripture Translation