Matayo 1
1
Bhatata Yesu Ki̱li̱si̱to
(Luka 3:23-38)
1Yoho andu̱lu̱ totombiana sa luganda ndia Yesu Ki̱li̱si̱to,#1:1 Ka Ku̱gi̱li̱ki̱ makulu si̱ mindia Mambombi̱ ambuwa zuna bhakpa. nana Dhau̱dhi̱ toli̱ nana Ibbulahi̱mu̱.
2Ibbulahi̱mu̱ ambokota ndiye Isaka,
Isaka nakimbokota Yakobbo,
Yakobbo nakimbokota Yu̱da na bhanamaki bhalu̱ku̱abho,
3Yu̱da nakimbokota Pelezi̱ na Zela amabho nandiye Tamali̱,
Pelezi̱ nakimbokota Hezi̱loni̱
na Hezi̱loni̱ nakimbokota Lamu,
4Lamu nakimbokota Aminadabbu
na Aminadabbu nakimbokota Nahasoni̱
na Nahasoni̱ nakimbokota Salu̱moni̱,
5Salu̱moni̱ nakimbokota Bboazi̱ amaki abhi̱ ndiye Lahabbu,
na Bboazi̱ nakimbokota Obbedi amaki abhi̱ ndiye Lu̱si̱,
na Obbedi nakimbokota Yese,
6na Yese nakimbokota Sali̱a Dhau̱dhi̱.
Dhau̱dhi̱ ambokota ndiye Sulumani toli̱ ama Sulumani abha nali nkali̱ mindia U̱li̱ya,
7Sulumani nakimbokota Lehobbwamu,
na Lehobbwamu nakimbokota Abbi̱ya,
na Abbi̱ya nakimbokota Asa,
8Asa nakimbokota Yozefati
na Yozefati nakimbokota Yolamu
na Yolamu nakimbokota U̱zi̱ya,
9na U̱zi̱ya nakimbokota Yosamu
na Yosamu nakimbokota Ahazi̱
na Ahazi̱ nakimbokota Hezeki̱ya
10na Hezeki̱ya nakimbokota Manase
na Manase nakimbokota Amoni̱
na Amoni̱ nakimbokota Yosiya
11na Yosiya nakimbokota Yokoni̱ya na bhanamaki bhalu̱ku̱abho
ndibha bhabhokotiana ndia Bhaisaleli̱ bhabha nibhabhunyangi̱ i̱sabho ka nsi ndia ka Bbabbu̱loni̱.
12Bhaisaleli̱ nibhalatu̱ki̱ ka Bbabbu̱loni̱, Yokoni̱ya nakimbokota Salati̱eli̱
na Salati̱eli̱ nakimbokota Zelubbabbeli̱
13Zelubbabbeli̱ nakimbokota Abi̱u̱di̱
na Abi̱u̱di̱ nakimbokota Eli̱yaki̱mu̱
na Eli̱yaki̱mu̱ nakimbokota Azoli̱
14na Azoli̱ nakimbokota Zadoki̱
na Zadoki̱ nakimbokota Aki̱mu̱
na Aki̱mu̱ nakimbokota Eli̱u̱di̱
15na Eli̱u̱di̱ nakimbokota Eli̱eza
na Eli̱eza nakimbokota Matani
na Matani nakimbokota Yakobbo,
16na Yakobbo nakimbokota Yozefu,
munya Mali̱ya toli̱ Mali̱ya abhi̱ ndiye ama Yesu mindia bhakingiagaku̱ Masiya.
17Tuka ka bwile ndia Ibbulahi̱mu̱ duwa ka bwile ndia Dhau̱dhi̱, abhabe kunanai̱ ndia Yesu komi̱ na i̱ni̱, nakibhabe dhe bhatata Yesu komi̱ na bhei̱ni̱ tuka ka bwile ndia Dhau̱dhi̱ duwa kindia Bhaisaleli̱ bhatetilia ka Bbabbu̱loni̱ nakitodha nakibhabe bhatata Yesu komi̱ na bhei̱ni̱ tukilia kindia Bhayu̱daya bhatetilia ka Bbabbu̱loni̱ doi̱sa kindia Masiya abhokotiana.
Bhokotiana ndia Yesu
18Bhokotiana ndia Yesu Ki̱li̱si̱to abha bhiyo: Yozefu na Mali̱ya yabhabhaliani̱ amana, no kekamu̱i̱sembe kindiaki, Mali̱ya nakigba limi ka mani̱ ndia Mwoyo Mawelikana. 19Wai̱syaki Yozefu mindia abha nali kaya amaki abha nali muluku mabhonga, kanga kabha u̱mesa nkali̱ mindiaki ka bi̱ya bhakpa, nakyeli̱li̱kana dhuwaki ka nsobho. 20No nalia kyeli̱li̱kanabe kima injo du̱mbi̱ malai̱ka mindia Mambombi̱ nakimuenikiliana ka ndoti̱ nakingia bhiyo; “Yozefu nana Dhau̱dhi̱, kolokutiya i̱sa Mali̱ya bhia nkako nanga agbei̱ limi ka mani̱ ndia Mwoyo Mawelikana. 21Akimbokota mi̱ki̱ mu̱lu̱ku̱aki toli̱ oku̱mbi̱sabe i̱na Yesu, nanga akibhuzuna bhakpa ndibha ka Isaleli̱ bhuwabho ka kibi.”
22Yoho poni abhabe tu̱mi̱sa loki̱ ndia Mambombi̱ aonga nakoli̱li̱ kowa nabbi̱ Isaya bhiyo; 23“Nsika mindia kabhu̱i̱bi̱mbe bhaluku akigba limi toli̱ ambokote mi̱ki̱ mu̱lu̱ku̱aki bhambi̱sebe i̱na Manu̱eli̱” makulu si̱ “Mambombi̱ ali na bhesu̱”.
24Yozefu ndia azu̱zu̱ka, akola injo toto ndia malai̱ka mindia Mambombi̱ amulagilia kolai̱ du̱mbi̱ naki̱mu̱i̱sa Mali̱ya ka i̱nji̱ bha nkali̱ mindiaki. 25No, Yozefu kai̱ba kozo ndiaki doi̱sa kindia ambokota mi̱ki̱ mu̱lu̱ku̱aki naki̱mbi̱sabe i̱na Yesu.
Chwazi Kounye ya:
Matayo 1: KWAMBA
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., 2025