Maku 1

1
Diyishi di Yone mubatishi
(Matayi 3:1-12; Luka 3:1-18; Yone 1:19-28)
1Moona mukadu Musahu Ulengela wu Yesu Kilisitu, Muana wu Tshiambi.#1:1 Meyawu ka ena mu mifundu mingaMuana wu Tshiambi. 2#Mal 3:1.bu mukafundebu kudi mupolofete Yeshayi.
“Tshiambi ukamba ne: ‘Nayatuma, Kubushi kuebi
katuma buku kuyongeyediela shila.’
3 # Yesh 40:3. Diyi di mutu walela lubila mu mbata.
‘Yongeyayi malonga shila wu Shashendi;
tuyongeyi tushila tosu tuakala tololoki!’ ”
4Kabukayi Yone ukatambuka mu mbata, ukayishi batu ne: “Kudumukayi ku malu enu mabodu, nubatishibu,” neku “Tshiambi uya nofuela muengu.”#1:4 Yone ukadu mu mbata wayishi bo wabatisa batu,; Maluawu ka ena mafunda mu mikanda minga Yone ukadu wayishi batu bo ku babatisa mu mbata. 5Batu bundi buabu bakadu bashakama mu bitshinyi bi bula bu Yudayi yi mu Yelushalema, bakayi kudi Yone mubatishi. Bakatonda malu abu mabodu hakubuka, ukaya babatisa mu mushilu wu Yadena.
6 # 2 Nkol 1:8. Yone ukadu muluata mundala muesa bo miosa yi nyama walelabu ne kabalu, yi mu tshituka tshiandi, ukadu muluate mukaba wu tshiseba, ukadu udiadi mbasu yi buitshi bu mitu. 7Yone ukadu wayishi batu ne: “Uduadu kunyima kuami udi yi bushashendi butambe buami, tshiena yi ngudu iku sulula shinga iku bisabata biandi. 8Mimi nanubatisa bo mayi kadi yeyi uduadu uya nubatisa bo Nyinga ulengela.”
Dibatisa bo ditetshibu di Yesu
(Matayi 3:13—4:11; Luka 3:21-22; 4:1-13)
9Ha tshitshietshiatshi, Yesu ukatambuka mu Nasaleta buloba bu Ngalela, bakamubatisa kudi Yone mu Yadena. 10Hakatambuka yesu mu mayi, diwulu di kosoloka, Nyinga Ulengela uka mutulukila bu nyinyi wu kudimba. 11#Gen 22:2; Misam 2:7; Yesh 42:1; Mat 3:17; 12:18; Mk 9:7; Lk 3:22.Diyi dikofueka mu diwulu dikamba ne: “Wewu udi munami wu babalumi unananga, mu wewu nayangila.”
12Amu hahu, Nyinga Ulengela ukatuma Yesu mu mbata, 13ukashala mushakama muamu tshitayi bu tshi mitshila masandi anayi, neku bakamuanga tuhetu kudi muhitshi. Mukadu nyama yi mitu, neku bayakulu bakadua mukuatshishi.
Yesu walela Bayidi ba kubushi diyi
(Matayi 4:12-22; Luka 4:14-15; 5:1-11)
14Hakelabu Yone mu subua lukanu, Yesu ukayi mu Ngalela, bu kuyishi Musahu Ulengela wu Tshiambi. 15#Mat 3:2.Ukamba ne: “Tshitshietshi tshikayongeyi Tshiambi tshimanadieshi,” “neku bushashendi bu Tshiambi buteyi hahiehi nenu! Kudumukayi ku malu mabodu enu, wataboshayi Musahu Ulengela!”
16Hakadu Yesu wandenda ku mbambadi ku dishiba di Ngalela, ukamona balohi babidi, Simona bo Munabu wu babalumi Andele bakadu balela mata abo mu mayi. 17Yesu uka bambila ne: “Duakayi, ilamatayi yanuduisha bilembi bi batu.” 18Amu hahu, bakaletshiela mata abu bakamulamata.
19Hakashekeshi Yesu kubushi kata tshitayi, ukamona Yakobu bo Muanabu wu babalumi Yone bana ba Sebedayi bakadu mu buatu bayongeyi mata abu. 20Hahu Yesu ukabela diyi. Bakashiyi tatabu Sebedayi bo bena mudimu banga bakamulamata.
Yesu wandondoha mutu mukuatshibu kudi nyinga mubodu mu Kapenuma
(Luka 4:31-37)
21Yesu bo Bayidi bandi bakayi mu Kapenuma. Ukadu mutshila wu sabatu, Yesu ukayi mu sunangonga ukabangishi kuyishi batu Musahu Ulengela wu Tshiambi. 22#Mat 7:28-29. Batu bosu bakofu mayishi andi, bakakema, bualu kadu wayishi bu muyishi wu biadi, kadi yeyi ukayishi bo ngudu bundi buayi.
23Mu sunangonga mukadueyi wayishi mukadu mutu mukuatshibu kudi nyinga mibodu. Ukela diyi di muengu ukamba. 24Yesu wu mu Nasaleta “Watshieba kutuesela kaye? Uhudu bukutubutula mbe? Nalubuka ne udi wu tshishila, katuma ka Tshiambi!”
25Yesu ukabolokela nyinga mibodu, ukayelela mukandu. “Wedi holu, tambuka munda mu mutuewu!”
26Nyinga mubodu uka mubukula bikola, ukela lubila lukola neku ukatambuka. 27Batu bosu bakakema, bakokoshangana ne: “Bibiebi mbingenye? Diyishi dihiadihi difila yi ngudu! Wabolokela huaa yi nyinga mibodu imuafofuela!”
28Kabukayi musahu wandi ukaduduka manyangu mu mangandu bundi buawu a mu Ngalela.
Yesu wandondoha batu bandi.
(Matayi 8:14-17; Luka 4:38-41)
29Yesu ukatambuka mu sunangonga bakayi yi Yone, bo Yakobu, ku subu ku Simona bo Andele. 30Mukuandi wu Simona ukadu mukuatshibu bo mubidi mudilu ukola, haka fika Yesu, bakamuambila bualu buandi. 31Yesu ukayi hahiehi nandi, ukamukuata ku dikatshi ukamubishi hashi, mubidi mudilu ukatalala ukabangishi kubambuluishi.
32Hakadu diba ha kudiololu, batu bakadu kudi Yesu bo bena mbabala bandi bo bakadu bakuatshibu kudi nyinga mibodu. 33Batu bosu ba mu bula bakadu ku mushikuambelu wu subu ukadueyi badisangishi. 34Yesu ukondoha batu bandi bakadu bo nyinga mibodu mindi, kadi kataboshi bune itueyi bualu yoyi ikadu yi mualubuka.
Diyishi di Yesu mu Ngalela.
(Luka 4:42-44)
35Fumawu habutshi, Yesu ukabika, ukatambuka mu subu. Ukahengama ha kayandi bu kulomba Tshiambi. 36Simona yi bakadueyi nabu bakayi bamuatshieba, 37Neku hakamumonabu, bakamuambila ne: “Batu bosu bakuatshieba.”
38Yesu uka bakudumuna ne: “Duakayi tuyaka mu mala adi ku mbambadi ku Kapenuma, bu kuyayishi Musahu Ulengela kuaku kabualu bunaduila.”
39 # Mat 4:23; 9:35. Neku, ukayi mu Ngalela bundi buamu, ukalongeshi musahu ulengela mu sunangonga wabu, ukahata nyinga mibodu.
Yesu wandondoha muena sudi
(Matayi 8:1-4; Luka 5:12-16)
40Mutshila munga mutu muena sudi ukadu kudi Yesu. Ukasa binu hashi, ukamusengola ne: “Mbe unanga udi mukuaduishi biami ulengela.”#1:40 Yi kusule. Mbabalayi ikadu yaduishi mutu mubodu
41Yesu ukamofuela muengu, #1:41 Muengu; bidi bifunda mu mikanda minga Muya kulu.ukolola dikatshi diandi uka mukoha ukamba ne: “Nananga, duaka ulengela!” 42Amu hahu, sudi yi mutu ikahu neku ukadu ulengela, 43Yesu ukamuambila ne yaka, uka mueseshi, 44#Lew 14:1-32.Ukamba ne: “Kuambidi mutu bualu bu londahu luebi. Kadi yaka udiebeshi kudi muyishi wu biadi wu Tshiambi, fila mulambu ukamba Mosa bukuebeshi batu ne uhondohiebu.”
45Kadi mutu ukayi, neku ukabangishi kuambila batu bosu malu osu akeseka. Kabukayi Yesu kadu mukubuela mu tshitshinyi tshi bula kadi ukashala ku mbambadi ha kayandi, batu ba mangandu bundi buawu bakadu ba mualamata.

Chwazi Kounye ya:

Maku 1: KBT

Pati Souliye

Pataje

Kopye

None

Ou vle gen souliye ou yo sere sou tout aparèy ou yo? Enskri oswa konekte