Maku 2
2
Yesu wakoleshi mutu mulebela luseki
(Matayi 9:1-8; Luka 5:17-26)
1Hakadika mitshila, Yesu ukahinga ku Kapenuma, batu bakofu ne Yesu udi mu subu. 2Batu bandi bakasangila kubushi ku subu, bu bundi buabu, ka kuadu muaba mu subu nashi kushi kubushi ku tshibi. Yesu ukabayishi musahu ulengela, 3Batu bakadu kudieyi bo mutu mulebela bilemba, bamutshuale kudi batu banayi. 4Bu mukadueku kakuadi mushindu wu kubuela nandi bu bundi bu batu, batu banayi bakabanda kulu ku subu bakahulula malala ku lutanda lu subu bakatubula ditundu buludi bukadu Yesu. Hakamanabu kutubula, bakahuekeshi tshihoyi tshi mutu ukadu bo mbabala mulala. 5Hakamona Yesu kuataboshi kuabu, ukambila mutu ukadu bo mbabala ne: “Munami, bubodu buebi buafidibu muengu.”
6Bayishi ba biadi, bakadu bashakama hahu bakadu badiakokoshi mundamunda ne: 7“Bukayi mutuewu watueyi nekue? Watuka Tshiambi! Udi mukushimishi bubodu bu mutu nganyie? Biakaleyi ka Tshiambi kayandi!”
8Amu hahu, Yesu mu ngudu yandi, ukalubuka lukanyi luabu ukamba ne: “Bukayi nualela lukanyi lu nakue? 9Tshinganyi tshidi tshihuhula bukuambila mutu mulebela ne! ‘Bubodu buebi buafudibu muengu’, mbe bukumuambila ne: ‘bika wangata kalalu kebi wende’? 10Bu naku, natshieba bune nulubuka ne Muana wu Mutu udi bo ngudu ikushimishi bubodu ha buloba.” Neku, ukambila mutu ukadu mulebela ne: 11“Nakuambila, bika, wangata tshihoyi tshiebi yaka kuebi!”
12Amu hahu, mutu ukabika hashi, ukangata tshihoyi tshiandi, ukenda batu bundi buabu bakamumona, bakakema, bakatshuamika Tshiambi bakamba ne: “Katuamuenyena tshihingu tshineku!”
Yesu walela Lewi diyi bu kumulamata
(Matayi 9:9-13; Luka 5:27-32)
13Yesu ukahinga kabidi ku mbambadi ku dishiba di Ngalela. Tshieya batu ukadu kudieyi, yeyi ukadu ubambiambila musahu ulengela wu Tshiambi. 14Hakadueyi wadika ku mbambadi ku dishiba, ukamona Lewi munandi wu Alafayo mushiakama mu subu wu kulambuishi bitadi. Yesu ukamuambila ne: “Ilamata,” neku Lewi ukabika hashi ukamulamata.
15Hakadu Yesu udiadi mu subu mu Lewi, #2:15 hakadu Yesu mu subu mu Lewi mu subu.batu bandi bakalalambuisheyi bitadi bo batu babodu bakadu badiadi nandi ibo bayidi bandi, bualu bakamulamata bakadu bandi. 16Hakadu bayishi ba biadi, bakadu bafalea, bamona ne Yesu udiadia bo balambuishi ba bitadi bo batu babodu, bakokoshi bayidi bandi ne: “Bukayi udiadi bo balambuishi ba milambu ibo batu babodue?”
17Hakofu Yesu malu akatueyebu, ukamba ne: “Badi bo ngudu kabena bo munganga bualu, amu badi bo kusama, tshiena muduila batu basesa malonga, kadi naduila batu babodu.”
Lukonku ha bualu bu bishila.
(Matayi 9:14-17; Luka 5:33-39)
18Mutshila munga, bayidi ba Yone mubatishi bo bafalesa bakadu mu tshishila, batu banga bakadu kudi Yesu baka mokoshi ne: “Bukayi bayidi ba Yone mubatishi bo bayidi ba bafalesa basesa bishila kadi bebi wewu kabashi kuesa bishile?”
19Yesu uka bakudumuna ne: “Nualela lukanyi ne bamudiandi ba watombi mukashi badi mukuesa bishila hadi watombi mukashi muakala nabu. 20Kadi, tshitshietshi tshiyadu tshinatambulebu watombi mukashi mukakatshi muabu, neku tshitshietshiatshi, bayakuata tshishila.
21“Mutu nashi umu kashi tela tshihesa tshi mundala muhiamuhi ha mundala mukulu kulu. Kanana mundala muhiamuhia uya handa mundala mukulu kulu neku kuhandika kuyadu kulema. 22Momumu, mutu kena mu kuela malufu mahia mahi mu tshilowu tshi bilendi kanana, tshilowu tshiya handika, malufu aya duduka bo tshilowu kabidi.”
Yesu udi shashendi wu mutshila wu Sabatu.
(Matayi 12:1-8; Luka 6:1-5)
23 #
Dut 23:25. Mutshila munga wu sabatu, Yesu ukadu wadika mu tshibidi tshi masangu, bayidi bandi bakabuka masangu bakadi. 24Bafalasa bakambila Yesu ne: “Bukayi bayidi bebi basesa bidi tshiadi mutshila wu sabatue?”
25 #
1 Sam 21:1-6. Yesu uka bakudumuna ne: “Kanuabala tshikesa Dafidi bo batu bandi mutshila ukaduebu bo sala bo nyinga yi bitu, 26#Lew 24:9.mushindu ukabueleyi mu subu wu Tshiambi, tshitshietshi tshi muyishi ulema Abiata, ukadi diampa dikahebu Tshiambi, didi mutu nashi umu kena mukudi amu bayishi ba biadi, Dafidi ukadi neku ukaha kabidi batu bandi.”
27Yesu ukabambila kabidi ne: “Sabatu udi muesa bu mutu, mutu kena muesa bu sabatu bi. 28Kabukayi, Muana wu Mutu udi biandi Shashendi wu mutshila wu sabatu.”
Chwazi Kounye ya:
Maku 2: KBT
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word For The World International