Pi Gwo Desizyon Nan Lavi Ou!Egzanp

“Èske Bondye ta dwe kite ou antre nan Syèl la?”

Jis imajine pandan yon moman ke tan ou isit la sou tè sa ta rive nan yon fen inatandi. Avèk anpil admirasyon, ou retwouve ou kanpe devan Kreayatè ou. Pandan konfizyon ak krent ou tounen antisipasyon ak eksitasyon ou pou wè kay etènèl ou finalman, toudenkou, yo kanpe ou anvan ou antre. Bondye poze ou yon kesyon pou antre, “Poukisa mwen ta dwe kite ou antre nan syèl la?”

Kijan ou t'ap reponn?

Grasa Dye, lè gran jou mèvèye sa rive pou chak nan nou, Bondye p’ap fè nou fè yon tès anvan nou antre. Men, senaryo a dekri yon imaj enpòtan, ki pwovokan nan objektif pou ede nou konprann sali a pi byen. 

Gen kèk moun ki ka reponn kesyon Bondye a lè yo fè referans ak bon bagay yo te fè. Gen lòt ki ta dekri fidelite yo nan ale legliz, e toujou gen lòt ki ta ka site tout move bagay yo te evite nan lavi. Byenke sa yo se eleman ki enpòtan nan lavi chak Kretyen, yo pa garanti sali. Gen yon sèl repons ki kòrèk pou kesyon an:

“Mwen te fè Jezi Kris Seyè lavi mwen, e Li te netwaye mwen de tout peche mwen yo.”