Pi Gwo Desizyon Nan Lavi Ou!Egzanp

“Nou tout bezwen yon Sovè”

Lè Bondye te kreye Adan ak Èv, Li te fè yo san peche nan relasyon pafè avèk Li. Lè yo te dezobeyi kòmandman Bondye nan chapit twa Jenèz, yo te antre peche nan lavi yo, epi tou nan ras imen  an an antye. Women 3:23 dekri enpak alontèm desizyon Adan ak Èv la.

“... Paske nou tout peche, epi vire do bay Bondye.” Women 3:23

Okenn moun pa egzante de peche ak efè li; nou tout koupab. Kòm rezilta, nou tout separe de Bondye. Peche nou yo se rezilta nan yon konsekans etènèl tou.

“Paske peche peye nou kach, li ba nou lanmò.” Women 6:23a

Akoz desizyon Adan ak Èv pou dezobeyi Bondye, lanmò te vin inevitab pou yo ak desandan yo (ras imen an); alafwa sou plan fizik ak espirityèl. Apre chit yo, Bondye te fè fas ak yon desizyon: pou kite peche swiv wout li ak limanite, ki t’ap abouti sou ekstenksyon ras imen an, oswa bay yon mwayen pou sove limanite sou anpriz peche. Erezman, kòm dènye ekspresyon lanmou ak gras Li, Bondye te bay yon mwayen sali atravè Pitit Li.

“Paske Bondye sitèlman renmen lèzòm, li bay sèl pitit li a pou tout moun ki mete konfyans yo nan li p’ap peri men yo va gen lavi etènèl.” Jan 3:16

“...kado Bondye a se lavi etènèl nan Jezi Kris Seyè nou.” Women 6:23b

Lwen Jezi Kris, limanite te destine pou lanmò fizik ak espirityèl; pa gen esepsyon. Men pou nou menm ki nan Kris, lanmò fizik ap tann nou, men lanmò espirityèl (Lanfè), non. Olye sa, lavi etènèl nan Syèl la ap tann nou apre nou kite tè sa. Atravè sakrifis pafè Jezi Kris ak rezireksyon Li soti nan lanmò, nou chape nan pinisyon espirityèl peche a!