Népszerű bibliai igeversek innen: Johanes 1

Megosztás

Nungwari imba tjiva mbe mu yakura nave kambura mu ye, eye we ve pa ousemba okurira ovanatje va Ndjambi.

Ouye ngunda au hiya memwa, indi Embo tjandje opu ri ri; Embo ndi ra kara pu Ndjambi, nEmbo ondi ri Ndjambi.

Ondjerera i yera monḓorera, nonḓorera kai na pu ya zemisa ondjerera ndji.

Nu indi Embo nde ura notjari nouatjiri ra rira omundu nari tura mokati ketu. Eṱe twa muna ongeṋangeṋeno ye, indji ongeṋangeṋeno ndja pewa i Ihe, otja ngu ri Omuna omukwatwa erike.

Ndjambi wa mema oviṋa avihe mu ye, nu nokuhinaye kape memenwe otjiṋa nangarire tjimwe mu imbi avihe mbya memwa. Mu ye omu mwa za omuinyo, nomuinyo mbwi ombwa eta ondjerera kovandu.

Mependukirwa, Johanes wa munine Jesus a meya ku ye, narire tja tja: “Ondjona ya Ndjambi, ndji isa po ourunde wouye, oyo ndji.

Eye wa ri mouye, nu nangarire kutja Ndjambi wa mema ouye mu ye, ovandu mouye kave mu tjivirwe. Eye we ere kehi re omuini, novandu ve omuini kave mu yakurire ko.

Oyo ya ri ondjerera yatjiri, ndje ya mouye, nu ndji yera kombanda yovandu avehe.

Ndjambi wa yandjere Omatwako okupitira mu Moses, nungwari otjari nouatjiri ovyo vye ya okupitira mu Jesus Kristus.