Népszerű bibliai igeversek innen: Матай 5

Megosztás

Жағылған шамды да ыдыспен бүркемей, шам қойғышқа қояды, сонда үйдегілердің бәріне жарық түседі. Сол сияқты сендердегі жарық адамдардың алдында жарқырап, жақсы істеріңді оларға көрсетсін, сөйтіп, сендердің Көктегі Әкелеріңді олар мадақтайтын болсын.

Сендер -осы әлемге нұрсыңдар, тау басында тұрған қаланы еш жасыра алмайсың.

Жүрегі тазалар бақытты, себебі олар Құдайды көре алатын болады.

Әділдікті аңсап, ашығып, шөлдегендер бақытты, олар қанағат табады.

Менің сендерге айтарым: -Жауларыңды жақсы көріңдер және өздеріңді қудалағандар үшін мінәжат етіңдер.

-Рухы кедейлер бақытты, өйткені Көктегі Патшалық солардікі болады.

Татуластырушылар бақытты, өйткені олар Құдайдың Ұлы деп аталатын болады.

Қайғырып, жылағандар бақытты, олар жұбаныш табатын болады.

Әділдік үшін қудаланғандар бақытты, Көктегі Патшалық солардікі болады.

Мейірімділік танытқандар бақытты, олар да мейірімге ие болады.

Маған бола сендерді қорлап, қудалап, өтірік жала жапса, сендер - бақыттысыңдар. Қуанып, шаттаныңдар, сонда көктегі сыйларың мол болады, сендерге дейінгі пайғамбарларды да осылай қудалаған.

Кішіпейілділер бақытты, олар жерді иемденеді.

Сендер осы жерге тұзсыңдар, егер тұздың дәмі жоғалса, оның тұздық дәмін қайтадан қалпына келтіруге бола ма? Ол еш нәрсеге жарамсыз болғандықтан, тек аяқ астына төгіп тастау ғана қалады.

Сондықтан сендердің Көктегі Әкелерің қандай кемелді болса, сендер де сондай кемелді болыңдар.

Одан да сендердің «иә» дегендерің «иә», «жоқ» дегендерің «жоқ» болсын, егер бұған артық қосатын болсаң, ол - әзәзілден.

Сендер «көзге-көз», «тіске-тіс» дегенді де естідіңдер. Менің сендерге айтарым: Өздеріңе зұлымдық істегенге қарсы тұрмаңдар, керісінше, кім сенің оң жақ бетіңнен ұратын болса, сол жақ бетіңді де тос.

Егер оң көзің сені азғырса, оны ойып алып таста, бүкіл денеңнің тозақ отына тасталғанынан гөрі, бір мүшеңнен айырылсаң, соның саған әкелетін пайдасы өте зор. Егер де оң қолың сені азғыратын болса, оны жұлып алып таста, бүкіл денеңнің тозақ отына кеткенінен гөрі, бір мүшеңнен айрылғаныңның өзі саған пайдалы.