Népszerű bibliai igeversek innen: Матай 6

Megosztás

Сондықтан, ең алдымен, Құдай Патшалығын және Оның әділдігін іздеңдер, сонда олардың бәрі сендерге қосымша беріледі.

Сонымен, ертеңгі күннің қамын жемеңдер, өйткені ертеңгі күннің қамы өзінде, себебі әр күннің уайымы өзіне жеткілікті.

Сондықтан сендерге айтарым: не жеймін, не ішемін деп өмірлеріңнің, не киемін деп тәндеріңнің қамын ойлаушы болмаңдар. Өмір тамақтан, тән киімнен артық емес пе?

Сен мінәжат еткен кезіңде, өзіңнің бөлмеңе кіріп, есігіңді жауып ал. Сөйтіп, көзге көрінбейтін Әкеңе мінәжат ет, сонда сенің құпия түрде не істегеніңді көріп тұрған Әкең саған сыйын береді.

Сонымен, сендер былай деп мінәжат етіңдер: -Біздің Көктегі Әкеміз! Сенің атың қастерлі болса берсін! Сенің Патшалығың келсін! Сенің еркің көкте қалай орындалса, жерде де солай орындалсын!

Күнделікті нанымызды бүгін де бере гөр.

Бізге қарыз болғандарды кешіргеніміздей, Сен де біздің қарыздарымызды кешіре гөр.

Азғырылуымызға жол бермей, зұлымдықтан бізді азат ете гөр. (Патшалық, күш, құдірет және ұлылық Мәңгі Сенікі! Аумин!).

Егер де сендер адамдардың әділетсіздіктерін кешірсеңдер, онда Көктегі Әкелерің сендерді де кешіреді.

Ештеңе екпейтін, не ормайтын, не қоймаға дән жинамайтын көктегі құстарға назар салыңдаршы. Көктегі Әкелерің оларды да қорексіз қалдырмайды. Алайда сендер олардан әлдеқайда артық емессіңдер ме?

Өздеріңе байлықты күйе жеп қоятын, тат басып кететін, не ұры қазып алып, ұрлап кететін жер бетінде жинамаңдар. Одан да күйе де жемейтін, тат та баспайтын, жоғалмайтын Көкте жинаңдар. Себебі байлығың қайда болса, жүрегің де сонда болады.

Ешкім де екі қожайынға бірдей қызмет ете алмайды, өйткені біреуін жек көріп, екіншісін жақсы көретін болады немесе біреуін қолдап, екіншісіне немқұрайды қарайды. Сол сияқты Құдайға да, байлыққа да бірдей қызмет ете алмайсыңдар.

Егер де бүгін бар, ертең отқа тасталатын даладағы шөпті Құдай солай киіндірсе, сенімдері аз мына сендерді одан да бетер киіндірмей ме?

Егер сен мейірімділік істейтін болсаң, оң қолыңмен істегеніңді сол қолың білмейтін болсын, сонда жасаған мейірімділігің құпия болады. Сонда сенің осы құпия ісіңді көрген Әкең саған сыйын береді.

Мынаған сақ болыңдар: өз әділдіктеріңді адамдардың көзіне түсу үшін істеуші болмаңдар, егер солай істесеңдер, көктегі Әкелеріңнен сендерге ешқандай сый берілмейді.

Ораза кезінде ораза ұстап жүргендерін көрсетуді қалайтын екіжүзділер сияқты түнеріп жүрмеңдер. Сендерге шындығын айтайын: олар осылай өздерінің алар сыйларын толығымен алып қойды. Сен ораза ұстаған кезіңде, жуынып, басыңа иісмай жақ, сол кезде. ораза ұстағаныңды адамдар емес, керісінше, жасырын істерді көретін Әкең көрсін, сонда Ол саған жарылқауын береді.