Népszerű bibliai igeversek innen: Yuuhanna 1

Megosztás

Laakin le kulla l-naas al-khiblooh wa aamano be usmah, hu antaahum al-hagg achaan yabgo iyaal Allah.

Fi l-bidaaya al-Kalima gaaʼide. Wa l-Kalima gaaʼide maʼa Allah wa l-Kalima hi Allah.

Al-nuur gaaʼid yidawwi fi l-dalaam wa laakin al-dalaam ma gidir yaktulah.

Wa l-Kalima bigat insaan wa hu sakan fi usutna. Wa chifna gudurtah al-majiide. Wa gudurtah hi majiide bilheen wa muwaafge le l-Ibn al-waahid al-jaayi min Allah abuuh. Wa hu malaan be l-rahma wa l-hagg.

Wa kulla cheyy kaan be l-Kalima wa min kulla l-achya al-kaano, ma fi cheyy al-kaan balaaha. Hi indaha al-haya wa l-haya hi nuur le l-naas.

Wa ambaakir, Yahya chaaf Isa jaayi leyah wa gaal : «Da bas al-hamal al-Allah rassalah achaan yuguchch zanib naas al-dunya.

Al-dunya kawwanat beyah wa laakin wakit hu ja fi l-dunya, naas al-dunya ma irfooh. Hu ja le naasah wa laakin naasah ma khiblooh.

Wa l-nuur al-sahiih ja fi l-dunya le yinawwir kulla l-naas.

Allah nazzal churuut al-Tawraat be waasitat Muusa wa laakin Allah nazzal al-rahma wa l-hagg be waasitat Isa al-Masiih.