խոստումներ քո ամենօրյա կյանքի համարՕրինակ

Օ՜, այո՛, դուկարողես

«Ձեզուրիշփորձությունչիպատահել, բացիմարդկայինփորձությունից…»:—ԱԿորնթացիների 10.13

Մենք բոլորս կանգնում ենք գայթակղության կամ փորձության առջև. այն կյանքի անխուսափելի մաս է: Հարցը սա չէ. «Արդյո՞ք դու կգայթակղվես», այլ՝ «Երբ գայթակղվես, արդյո՞ք պատրաստ կլինես»:

Ես իսկապես ցանկանում եմ, որ դու հասկանաս սա. դու կարող ես հաղթել գայթակղությանը: Դադարի՛ր ասել. «Ջո՛յս, ես չեմ կարծում, որ կարող եմ»: Քո բառապաշարից հանի՛ր «ես չեմ կարող» արտահայտությունը:

Ճիշտ է, դու չես կարող քո ուժով և քո կարողությամբ: Բայց երբ Աստծո Խոսքը դնում ես քո սրտում, երբ ապավինում ես Նրա զորությանը և վստահում Նրա խոստմունքներին, չկա որևէ գայթակղություն կամ փորձություն, որ չկարողանաս հաղթահարել:

Տարիների ընթացքում ես նկատել եմ, որ կա հինգ բան, որը կարևոր դեր է խաղում գայթակղությունը (փորձությունը) հաղթահարելու գործում: Առաջին՝ դու պետք է իմաստուն լինես: Նախքան ընտրություն կատարելը մտածի՛ր այդ ընտրության և դրա հետևանքների մասին: Իմաստությունն առաջ է նայում:

Հաջորդը՝ դու պետք է հավատաս, որ կարող ես հակառակվել գայթակղությանը: Դատապարտությունը, մեղքի զգացումը և ամոթը գործում են իներցիայով. եթե դրանք վաղաժամ կանգնեցնես, ապա դրանք կկորցնեն իրենց ուժը, բայց հենց թափ առան, դժվար կլինի կանգնեցնել: Երրորդ՝ գայթակղությանը կամ փորձությանը դեմառդեմ կանգնելը համարի՛ր կյանքի բնականոն մաս: Եթե կռվի ես սպասում, ապա միշտ պատրաստ կլինես դրան: Չորրորդ՝ խուսափի՛ր թուլության բնագավառներից: Մի՛ հայտնվիր այնպիսի իրավիճակներում, որտեղ կարող ես հեշտությամբ վայր ընկնել: Եթե դժվարություն ունես ֆինանսները տնօրինելու հարցում, մի՛ գնա առևտրի կենտրոն, երբ միջոցներ չունես որևէ բան գնելու:

Եվ վերջապես՝ չափից շատ ինքնավստահ մի՛ եղիր: Մենք գայթակղության դեմ հատուկ հաստատություն չենք ավարտում: Շատ հեշտ է կարծել, թե այնքան ենք հասունացել, որ հնարավոր չէ՝ սայթաքենք, բայց հենց սայթաքում ենք, դառնում եք հեշտ թիրախ:

Աստված ցանկանում է, որ դու վստահես Իրեն, որպեսզի Նա հաղթանակ բերի քո կյանքի բոլոր բնագավառներում: Նրա շնորհքով՝ դու կարող ես:

Աղոթքի սկիզբ

Աստվա՛ծ, ես գիտակցում եմ, որ գայթակղությունը կամ փորձությունը կյանքի մաս է: Օգնի՛ր ինձ հանկարծակիի չգալ կամ չզարմանալ, երբ այն գա: Շնորհակալություն, որ ինձ իմաստություն ու շնորհք ես տալիս՝ հաղթահարելու ցանկացած և ամեն փորձություն ու ապրելու Քո հաղթանակի մեջ: