Ստացեք հավելվածըԲացահայտի՛ր Աստծո երազանքները քո կյանքի համարՕրինակ
Ամենահաջողված մարդիկ փոքր սկիզբ են ունեցել
Սիրելի՛ բարեկամ, երբևէ ինքդ քեզ տվե՞լ ես այս հարցը. «Ինչո՞ւ պետք է հե՛նց ես ստանձնեի այս պատասխանատվությունը: Ինձնից շատ ավելի տաղանդավորները կան: Ես այնքան էլ հարմար չեմ նման պատասխանատու գործի համար»։
Սակայն կա՞ արդյոք մի մարդ, որ սովորել է վազել, նախքան քայլել սովորելը կամ սովորել է երգել, նախքան խոսել սովորելը։
Բոլոր մեծ ծրագրերը սկսում են իրագործվել հաջողված փոքր քայլերի շնորհիվ, որոնց ամբողջացումն է, որ բերում է երազանքների իրականացմանն ու ծրագրերի իրագործմանը։
Աստված քո սրտում նույնպես երազանքներ ու գաղափարներ է դրել… Նա խոսում է քո հոգու հետ:
Աստծո համար թանկ ու սիրելի՛ զավակ, Աստված նախքան քո լույս աշխարհ գալն արդեն իսկ զորավոր օրհնություններ է պատրաստել քեզ համար (տե՛ս Եփեսացիս 2․1 խոսքը)։
Այսօր ուզում եմ քեզ քաջալերել, որ այլևս չհետաձգես քո երազանքի իրականացման համար անհրաժեշտ առաջին քայլը կատարելը։ Դրա համար, անշուշտ, քաջություն է պետք։ Սակայն ուզում եմ իմանաս, որ ես աղոթելու եմ քեզ համար։ Տեր Աստծո հետ և Նրա օգնությամբ դու կարող ես անել ավելին, քան կարող ես պատկերացնել:
Առաջարկում եմ միասին աղոթել ու խնդրել Տիրոջը, որ զորացնի քեզ և բացահայտի թե՛ քո կյանքում Իր ունեցած ծրագրերը և թե՛ այն քայլերը, որոնք պետք է իրագործես քո երազանքի իրականացման ճանապարհին։ Աղոթե՛նք․ «Տե՛ր, ես պատրաստ եմ արձագանքելու Քո կոչին և մուտք գործելու այն կանչվածության մեջ, որը Դու ես պատրաստել ինձ համար: Հավատում եմ, որ Դու իմ կյանքի համար հրաշալի ծրագիր ունես և պատվիրել ես, որ ես Քո փառքի համար հատուկ գործեր իրականացնեմ: Ես վստահում եմ Քեզ իմ կյանքի համար ունեցած Քո ծրագրերի հարցում: Խնդրում եմ՝ լցրո՛ւ ինձ Քո զորությամբ և ուժ ու քաջություն ինձ պարգևի՛ր, որպեսզի կատարեմ այն ամենը, որ Քո կամքն է ինձ թելադրում։ Շնորհակալ եմ, Տե՛ր, ինձ պաշտպանելու և ինձ հետ իմ ամեն քայլի մեջ լինելուդ համար: Աղոթում եմ Տեր Հիսուսի զորավոր անունով։ Ամե՛ն»:
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Հ.Գ. Ընթերցանության այս ծրագրի տեքստը վերցված է «Քո հրաշքն՝ ամեն օր» ուղերձներից, որոնց շնորհիվ ամեն օր Արման Մանուկյանը կիսվում է Աստծո Խոսքի շուրջ խրախուսական մտորումներով՝ ի քաջալերանք յուրաքանչյուրի, ով սիրում և անկեղծորեն հետևում է Տեր Հիսուսին։
Եվ թող ամեն օրվա Ձեր հրաշքն ու քաջալերանքն անպայմա՛ն հասնեն Ձեզ ու լուսավորեն Ձեր կյանքը։
Այս Ծրագրի Մասին
Երբ երեխա էինք, ապագայի մասին մեր պատկերացումները բավականին զվարճալի էին: Օրինակ, մանուկ հասակում ես շատ էի սիրում լիմոնադ խմել և ասում էի. «Երբ մեծանամ, օդաչու եմ դառնալու, որպեսզի ուղղաթիռով լիմոնադ տեղափոխեմ»։ Ավելի հասուն տարիքում ավելի շատ երազում էի ոչ թե իմ ով դառնալու, այլ ինչպիսին լինելու մասին։ Այդ ժամանակ էր, որ երազանքս դարձավ այս կյանքի իմաստը հասկանալն ու ճշմարտությունը գտնելը։
More
Մենք ցանկանում ենք շնորհակալություն հայտնել hisus.am-ին այս պլանը տրամադրելու համար: Լրացուցիչ տեղեկությունների համար այցելեք՝ https://hisus.am/
