<div class="version vid1119 iso6393ojb" data-vid="1119" data-iso6393="ojb">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s1">Inini Oshashiipihtamowin Ehtashintenik</div><div class="p"> 1 # 
 Rev 12.9; 20.2. Inashke tahsh kinepik nawac kiih&#8288;kakiihtaawentamokopan ahpiihc pahkaan aya'aawihsha' kaakii&#160;oshi'aatc kaaTipenciketc Kishemanitoo. Mii 'awe kaa'inaatc ihkwewan, &#8220;Tepwe na ko kii&#8209;ihkito Kishemanitoo, &#8216;Kaawiin kika&#160;ontancikehsiim entahswaahkosiwaatc mihtikook o'omaa kihtikewahkamikonk eyaawaatc?&#8217;&#8201;&#8221;</div><div class="p"> 2A'a tahsh ihkwe okii'inaan ini kinepikoon, &#8220;Pisaanihsako nimiicimin miinan kaa&#8209;akootekin mihtikonk i'imaa kihtikewahkamikonk. 3O'o tahsh kii&#8209;ihkito Kishemanitoo, &#8216;Kaawiin kika&#160;onci&#160;amominehsiim a'a mihtik mekweya'ii kihtikewahkamikonk kaa&#8288;patahkisotc, kaawiin kaye kika&#160;taankinaasiwaawaa, mii hsa 'i ci&#8288;nipoyek kiishpin.&#8217;&#8201;&#8221;</div><div class="p"> 4A'a tahsh kinepik okii'inaan ihkwewan, &#8220;Kaawiin tepwe kika&#160;nipohsiim. 5Inashke aaniihsh Kishemanitoo kikihkenimikowaa ahpii i'imaa onci&#160;amomineyek, kika&#160;ishi'ayaam taapishkoo Kishemanitoo ci&#8288;kihkentamek mino'ishiwepisiwin, maci'ishiwepisiwin kaye.&#8221;</div><div class="p"> 6Ahpii tahsh ihkwe wiyaapamaatc ini mihtikoon e&#8288;onishihshinitc ci&#8288;ontancikewintc, aahpici kaye ekii&#160;minwentamo&#160;naakosinitc, ekii&#160;mihsawinaakosinitc kaye ini mihtikoon, okii&#160;otaahpinaan a'a ihkwe i'i miin ekii&#160;miicitc. Miitahsh kaye kaa&#8288;ishi&#160;ahshamaatc onaapeman. 7Miitahsh kaakii&#160;miinintwaa kihkentamowin mii 'i shemaak kaakiih&#160;kihkentamowaatc e&#8288;kikihkonayehsikwaa. Miitahsh kaa&#8288;ishi&#160;maamawikwaatamowaatc kihci&#160;shoominaahtikowi&#160;aniipiihshan ekii&#160;oshihtamaasowaatc aansiyaanan.</div><div class="p"> 8Okii&#160;noontawaawaan tahsh kaaTipencikenitc Kishemanitoon eh&#8288;pimwewenaminitc kihtikewahkamikonk eh&#8288;tahkinaakohshininik. Miitahsh kaa&#8288;ishi&#160;kaasohtawaawaatc kaaTipencikenitc Kishemanitoon a'a inini, a'a kaye ihkwe, mekweyaahtik ekii&#160;ishaawaatc kihtikewahkamikonk. 9KaaTipenciketc Kishemanitoo tahsh okii&#160;antomaan ini ininiwan, &#8220;Aanti eyaayan?&#8221; ekii'inaatc.</div><div class="p"> 10Inini tahsh kii&#8209;ihkito, &#8220;Kikii&#160;noontawin i'imaa kihtikewahkamikonk. Ninkii&#160;onci&#160;sekis kekoon e&#8288;kikishkansiwaan kaakii&#160;onci&#160;kaasoyaan.&#8221;</div><div class="p"> 11Kii&#8209;ishi&#160;nahkwehtawaa tahsh, &#8220;Awenen kaa&#8288;inihk kekoon e&#8288;kikishkansiwan? Kikii&#160;onci&#160;wiihsin ina a'a mihtik kaakii&#160;onci'inaan ci&#8288;onci&#160;wiihsinihsiwan?&#8221;</div><div class="p"> 12A'a tahsh inini kii&#8209;ihkito, &#8220;A'awe ihkwe kaakii&#160;miishiyan ci&#8288;wiiciiwak, mii 'awe kaa&#8288;onci&#160;ahshamitc i'imaa mihtikonk miin. Miitahsh kaa&#8288;ishi&#160;miiciyaan.&#8221;</div><div class="p"> 13 # 
 2Co 11.3; 1Ti 2.14. KaaTipenciketc Kishemanitoo tahsh okii'inaan ihkwewan, &#8220;Wekonen tahsh i'i kaa&#8288;onci&#160;ishihcikeyan?&#8221; O'o tahsh kii&#8209;ishi&#160;nahkwehtam a'a ihkwe, &#8220;Kinepik ohsha ninkii&#160;wayeshimik kaakii&#160;onci&#160;ishihcikeyaan.&#8221;</div><div class="s1">Kishemanitoo Kiiwiintank Aaniin Ke'ishiwepisinitc</div><div class="p"> 14KaaTipenciketc Kishemanitoo tahsh okii'inaan ini kinepikoon, &#8220;Aahpici kikihci&#160;paahtaamikoowihs onci o'o kaakii&#160;ishihcikeyan, ahpiihc wiin oko kahkina awahkaanak, oko kaye kahkina aya'aawihshak. Kiin tahsh wiin kika&#160;mihci&#160;mihsate'ote, kika&#160;miicin i'i paankwaawank minihk ke&#8288;pimaatisiyan. 15#Rev 12.17. Kika&#160;ishi'ininim ci&#8288;shiinkenintiyek a'a ihkwe, kiniicaanihsiwaak kaye ta&#8288;shiinkenintiwak. Wiin tahsh a'a ihkwe ke&#8288;oniicaanihsitc kika&#160;shikohtikwaaneshkaakowaan, kiin tahsh kika&#160;wiihsakishkawimaan otoontaniniink.&#8221;</div><div class="p"> 16Ihkwewan tahsh okii'inaan, &#8220;Nawac kika&#160;ishi'in awahshime ci&#8288;wiihsakentaman kikishkawaawahsoyan, ci&#8288;wiihsakentaman kaye waapamaawahsoyan. Kika&#160;antawenimaa tahsh kinaapem. Wiin tahsh kika&#160;tipenimik.&#8221;</div><div class="p"> 17 # 
 Heb 6.8. Kishemanitoo tahsh okii'inaan Aatamoon (Adam), &#8220;Ekiih&#160;pisintawatc tahsh a'a kiwiiw i'imaa ekii&#160;onci&#160;wiihsiniyan mihtikonk kaakii&#160;onci'inaampaan ci&#8288;ontancikehsiwan, mii hsa 'i kiin kiih&#8288;pahtaahtamaasoyan o'o ahki. Entahso&#160;kiishik kika&#160;ayaan kihci&#160;anohkiiwin ci&#8288;onci&#160;wiihsiniyan minihk ke&#8288;pimaatisiyan. 18Kika&#160;nihtaawikihtamaakon tahsh ahki miinenhsaahtikook, okaawiminakashiipakoon kaye. Ini tahsh ashkipakoon kaa&#8288;nihtaawikinkin ahkiink, miiwan hsa ini ke&#8288;omiicimimiyan. 19Nahkawe ci&#8288;apwenohkiiyan cipwaa miiciyan kimiicimim piinihsh cini&#160;ishkwaa&#160;pimaatisiyan cini&#160;kiiweyan i'imaa ahkiink kaakii&#160;onci&#160;oshi'ikooyan. Kipaankwataawankis aaniihsh, miihsh i'imaa keshi&#160;kiiweyan.&#8221;</div><div class="p"> 20A'a tahsh inini Aatam#3.20 Aatam: I'iwe ishinihkaasowin Aatam kaa'icikaatek &#8220;Kahkina awiyak pemaatisiwaatc ahkiink.&#8221; Mii 'iwe enihtaakwaninik kaa&#8288;ishikiishwewaatc Hiiparoowak. (Adam) okii&#160;ishinihkaanaan ini ihkwewan Iip#3.20 Iip: I'iwe ishinihkaasowin Iip kaa'icikaatek &#8220;Kahkina kaa&#8288;omaamaamikotc pemaatisinitc ahkiink.&#8221; Mii 'iwe enihtaakwaninik kaa&#8288;ishikiishwewaatc Hiiparoowak. (Eve). Mii 'i aaniihsh wa'a keni&#160;omaamaamikotc kahkina kaa&#8288;pimaatisinitc. 21KaaTipenciketc Kishemanitoo tahsh okii&#160;oshihtamawaa' Aatamoon, ini kaye ihkwewan ke&#8288;kikishkaminitc ekii&#160;onci&#160;oshihtootc aya'aawihshiwayaaniink.</div><div class="s1">Aatam, Iip Kaye Kiisaakicinisha'ontwaa Kihtikewinink</div><div class="p"> 22 # 
 Rev 22.14. KaaTipenciketc Kishemanitoo tahsh kii&#8209;ihkito, &#8220;Inashke wa'a inini noonkom peshik kiinawint kaa&#8288;ishi'ayaayank ishi'ayaa, e&#8288;kihkentank mino'ishiwepisiwin, maci'ishiwepisiwin kaye. Taka hsa keko ta&#8288;shiipinihkenihsii i'imaa pimaatisiwinaahtikoonk. Kiishpin ontanciketc i'imaa ta&#8288;kaakike&#160;pimaatisi.&#8221; 23Miitahsh kaa&#8288;ishi&#160;saakicinisha'waatc i'imaa kihtikewahkamikonk mino&#160;ahkiink Iitin (Eden) kaakii&#160;icikaatenik, ekii&#160;ishinisha'waatc weti anoociko ci&#8288;anta&#160;kihtikenitc kaakii&#160;onci&#160;oshi'aatc ahkiink. 24Okii&#160;saakicikonkonaan itahsh ini ininiwan. Okii&#160;ahsaa' tahsh cerapiihkaana'#3.24 cerapiihkaanak: Mii a'a pishihki e&#8288;oninkwiikanitc owatenk ininiink eshinaakwaninik. (Cherubim) i'imaa nahke waapanonk kihtikewahkamikonk, mino&#160;ahkiink Iitin kaa&#8288;ishinihkaatenik. Kihci&#160;moohkomaan kaye e&#8288;wewepahkonehsek ke&#8288;kakiiponikotc awiya ci&#8209;ishaahsik i'imaa pimaatisiwinaahtikonk.</div>
 </div>
 </div>
</div>

Inashke tahsh kinepik nawac kiih⁠kakiihtaawentamokopan ahpiihc pahkaan aya'aawihsha' kaakii oshi'aatc kaaTipenciketc Kishemanitoo. Mii 'awe kaa'inaatc ihkwewan, “Tepwe na ko kii‑ihkito Kishemanitoo, ‘Kaawiin kika ontancikehsiim entahswaahkosiwaatc mihtikook o'omaa kihtikewahkamikonk eyaawaatc?’ ”
A'a tahsh ihkwe okii'inaan ini kinepikoon, “Pisaanihsako nimiicimin miinan kaa‑akootekin mihtikonk i'imaa kihtikewahkamikonk. O'o tahsh kii‑ihkito Kishemanitoo, ‘Kaawiin kika onci amominehsiim a'a mihtik mekweya'ii kihtikewahkamikonk kaa⁠patahkisotc, kaawiin kaye kika taankinaasiwaawaa, mii hsa 'i ci⁠nipoyek kiishpin.’ ”
A'a tahsh kinepik okii'inaan ihkwewan, “Kaawiin tepwe kika nipohsiim. Inashke aaniihsh Kishemanitoo kikihkenimikowaa ahpii i'imaa onci amomineyek, kika ishi'ayaam taapishkoo Kishemanitoo ci⁠kihkentamek mino'ishiwepisiwin, maci'ishiwepisiwin kaye.”
Ahpii tahsh ihkwe wiyaapamaatc ini mihtikoon e⁠onishihshinitc ci⁠ontancikewintc, aahpici kaye ekii minwentamo naakosinitc, ekii mihsawinaakosinitc kaye ini mihtikoon, okii otaahpinaan a'a ihkwe i'i miin ekii miicitc. Miitahsh kaye kaa⁠ishi ahshamaatc onaapeman. Miitahsh kaakii miinintwaa kihkentamowin mii 'i shemaak kaakiih kihkentamowaatc e⁠kikihkonayehsikwaa. Miitahsh kaa⁠ishi maamawikwaatamowaatc kihci shoominaahtikowi aniipiihshan ekii oshihtamaasowaatc aansiyaanan.
Okii noontawaawaan tahsh kaaTipencikenitc Kishemanitoon eh⁠pimwewenaminitc kihtikewahkamikonk eh⁠tahkinaakohshininik. Miitahsh kaa⁠ishi kaasohtawaawaatc kaaTipencikenitc Kishemanitoon a'a inini, a'a kaye ihkwe, mekweyaahtik ekii ishaawaatc kihtikewahkamikonk. KaaTipenciketc Kishemanitoo tahsh okii antomaan ini ininiwan, “Aanti eyaayan?” ekii'inaatc.
Inini tahsh kii‑ihkito, “Kikii noontawin i'imaa kihtikewahkamikonk. Ninkii onci sekis kekoon e⁠kikishkansiwaan kaakii onci kaasoyaan.”
Kii‑ishi nahkwehtawaa tahsh, “Awenen kaa⁠inihk kekoon e⁠kikishkansiwan? Kikii onci wiihsin ina a'a mihtik kaakii onci'inaan ci⁠onci wiihsinihsiwan?”
A'a tahsh inini kii‑ihkito, “A'awe ihkwe kaakii miishiyan ci⁠wiiciiwak, mii 'awe kaa⁠onci ahshamitc i'imaa mihtikonk miin. Miitahsh kaa⁠ishi miiciyaan.”
KaaTipenciketc Kishemanitoo tahsh okii'inaan ihkwewan, “Wekonen tahsh i'i kaa⁠onci ishihcikeyan?” O'o tahsh kii‑ishi nahkwehtam a'a ihkwe, “Kinepik ohsha ninkii wayeshimik kaakii onci ishihcikeyaan.”

KaaTipenciketc Kishemanitoo tahsh okii'inaan ini kinepikoon, “Aahpici kikihci paahtaamikoowihs onci o'o kaakii ishihcikeyan, ahpiihc wiin oko kahkina awahkaanak, oko kaye kahkina aya'aawihshak. Kiin tahsh wiin kika mihci mihsate'ote, kika miicin i'i paankwaawank minihk ke⁠pimaatisiyan. Kika ishi'ininim ci⁠shiinkenintiyek a'a ihkwe, kiniicaanihsiwaak kaye ta⁠shiinkenintiwak. Wiin tahsh a'a ihkwe ke⁠oniicaanihsitc kika shikohtikwaaneshkaakowaan, kiin tahsh kika wiihsakishkawimaan otoontaniniink.”
Ihkwewan tahsh okii'inaan, “Nawac kika ishi'in awahshime ci⁠wiihsakentaman kikishkawaawahsoyan, ci⁠wiihsakentaman kaye waapamaawahsoyan. Kika antawenimaa tahsh kinaapem. Wiin tahsh kika tipenimik.”
Kishemanitoo tahsh okii'inaan Aatamoon (Adam) , “Ekiih pisintawatc tahsh a'a kiwiiw i'imaa ekii onci wiihsiniyan mihtikonk kaakii onci'inaampaan ci⁠ontancikehsiwan, mii hsa 'i kiin kiih⁠pahtaahtamaasoyan o'o ahki. Entahso kiishik kika ayaan kihci anohkiiwin ci⁠onci wiihsiniyan minihk ke⁠pimaatisiyan. Kika nihtaawikihtamaakon tahsh ahki miinenhsaahtikook, okaawiminakashiipakoon kaye. Ini tahsh ashkipakoon kaa⁠nihtaawikinkin ahkiink, miiwan hsa ini ke⁠omiicimimiyan. Nahkawe ci⁠apwenohkiiyan cipwaa miiciyan kimiicimim piinihsh cini ishkwaa pimaatisiyan cini kiiweyan i'imaa ahkiink kaakii onci oshi'ikooyan. Kipaankwataawankis aaniihsh, miihsh i'imaa keshi kiiweyan.”
A'a tahsh inini Aatam (Adam) okii ishinihkaanaan ini ihkwewan Iip (Eve) . Mii 'i aaniihsh wa'a keni omaamaamikotc kahkina kaa⁠pimaatisinitc. KaaTipenciketc Kishemanitoo tahsh okii oshihtamawaa' Aatamoon, ini kaye ihkwewan ke⁠kikishkaminitc ekii onci oshihtootc aya'aawihshiwayaaniink.

KaaTipenciketc Kishemanitoo tahsh kii‑ihkito, “Inashke wa'a inini noonkom peshik kiinawint kaa⁠ishi'ayaayank ishi'ayaa, e⁠kihkentank mino'ishiwepisiwin, maci'ishiwepisiwin kaye. Taka hsa keko ta⁠shiipinihkenihsii i'imaa pimaatisiwinaahtikoonk. Kiishpin ontanciketc i'imaa ta⁠kaakike pimaatisi.” Miitahsh kaa⁠ishi saakicinisha'waatc i'imaa kihtikewahkamikonk mino ahkiink Iitin (Eden) kaakii icikaatenik, ekii ishinisha'waatc weti anoociko ci⁠anta kihtikenitc kaakii onci oshi'aatc ahkiink. Okii saakicikonkonaan itahsh ini ininiwan. Okii ahsaa' tahsh cerapiihkaana' (Cherubim) i'imaa nahke waapanonk kihtikewahkamikonk, mino ahkiink Iitin kaa⁠ishinihkaatenik. Kihci moohkomaan kaye e⁠wewepahkonehsek ke⁠kakiiponikotc awiya ci‑ishaahsik i'imaa pimaatisiwinaahtikonk.

Geere nke a ntị Cenisihs 3