Lagano da Sambi kwa Wanhu Wose

<div class="version vid1125 iso6393cwe" data-vid="1125" data-iso6393="cwe">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Yesu na ndugu zake</div><div class="p"> 1Hamwende Yesu kahita Galilaya. Halondile kuhita Yudeya kwaviya walangulizi wa Wayahudi wakala wolonda kumkoma. 2Lusita lwa dugila da Vizewe da Wayahudi dikala habehi. 3Ndugu zake wamulongela, &#8220;Kwolondeka usegele hano uhite Yudeya muladi wanahina wako wawone mauzauza youtenda. 4Habule munhu yotenda mbuli kwa kuifisa one kolonda yamanyike kwa wanhu. Ivo kwaviya na weye kotenda vinhu vino, ilaguse kwa wanhu weli muisi.&#8221; 5Kwaviya mbaka ndugu zake Yesu hawamtogole bule.</div><div class="p"> 6Yesu kawalongela, &#8220;Lusita lwangu lufaya lung'hali halunafika bule, mbali kumwenu mweye chila lusita lufaya. 7Wanhu weli muna isi yose hawamwihilani, mbali wonihila niye kwaviya nogendelela kuwalongela kuwa wotenda mbuli zihile. 8Mweye hiteni kudidugila. Niye sihita bule kudidugila kwaviya lusita lwangu lufaya halunafika bule.&#8221; 9Yesu kalonga ivo, maabaho kasigala Galilaya.</div><div class="s">Yesu kuna didugila da vizewe</div><div class="p"> 10Ndugu zake viwahitile kudidugila, Yesu nayo kahita, mbali hahitile chiumwingi, kahita chinyelenyele. 11Walangulizi wa Wayahudi wakala wonzahila kuna didugila ijo. Ivo wauza, &#8220;Vino kakulihi munhu ija?&#8221;</div><div class="p"> 12Kukala na minyong'onyo muna ulung'husesa lwa wanhu. Wanhu wamwenga wakala wolonga, &#8220;Munhu ino kanoga.&#8221;</div><div class="p">Wamwenga walonga, &#8220;Mbe! Kowagiza wanhu.&#8221; 13Mbali habule munhu yoyadahile kulonga mbuli zake muumwingi, kwaviya wakala wawadumba walangulizi wa Chiyahudi.</div><div class="p"> 14Dugila ijo vidifikile haludonho, Yesu nayo kahita Mwiikaye ya Mulungu na kandusa kufundiza. 15Walangulizi wa Wayahudi wazanywa, wauza, &#8220;Vino munhu ino kayamaze yano yose nayo hasomile bule kuishule?&#8221;</div><div class="p"> 16Yesu kawedika, &#8220;Mafundizo yonifundiza siyo yangu bule mbali yolawa kwa ija yanitumile. 17Munhu yoyose yolonda kutenda yaja yoyolonda Mulungu, kezavimanya fana mafundizo yangu yalawa kwa Mulungu hebu nolonga kwa udahi wangu mwenyewo. 18Munhu yolonga mbuli zake mwenyewo kolonda utunhizo wake. Mbali munhu yolonda ukulu kwa ija yoyamtumile, iyo ni mwaminifu, na kabule wihi mgati mmwake. 19Vino Musa hamwinileni malagilizo bule? Mbali habule hata imwe wenu yoyokwamha. Lelo habali molonda kunikoma?&#8221;</div><div class="p"> 20Lung'husesa lwa wanhu lumulongela, &#8220;Weye kuna chinyamkela! Yelihi yoyolonda kukukoma?&#8221;</div><div class="p"> 21Yesu kawalongela, &#8220;Nitenda mauzauza, mweye wose mukala mwazanywa. 22Musa kawalagiliza mweye mutende chihendo cha kuwengiza ulungwana wanenu wa chilume, ingawa si Musa bule, mbali wasaho zenu wawo wanduse. Ivo na mweye momwingiza ulungwana mwana wa chilume hata muna Isiku ya Mhumulo. 23One mumwingiza ulungwana mwana muna Isiku ya Mhumulo muladi sekembene Malagilizo ya Mulungu yoyamwing'hile Musa, habali monihila kwaviya nimuhonya munhu muna Isiku ya Mhumulo? 24Sekemutaguse kwa kulola kwa kunze muhala, mbali taguseni viilondeka.&#8221;</div><div class="s">Vino ino iyo Chilisito?</div><div class="p"> 25Wanhu wamwenga wa Yelusalemu wandusa kuiuzagiza, &#8220;Vino munhu wowomzahila wamkome siyo ino? 26Lola lelo! Kabahano, kolonga muumwingi na habule munhu yoyomulongela chinhu chochose. Vino walangulizi wovimanya kuwa kweli iyo ni Chilisito? 27Mbali chovimanya munhu ino kolawa kulihi. Chilisito vondayeze habule munhu yoyose yondayamanye koyolawa.&#8221;</div><div class="p"> 28Yesu viyakalile kofundiza mwiikaye ya Mulungu, kalandula dizi, &#8220;Mwonimanya na mwomanya kunhu kunilawa. Sizile kwa udahi wangu mwenyewo. Ija yoyanitumile ni wa kweli. Mbali mweye hamummanyile bule. 29Niye nommanya kwaviya nilawa kumwake, nayo iyo yoyanhumile.&#8221;</div><div class="p"> 30Maabaho wanhu walonda kumgwila, mbali habule munhu yoyose yagezile kumgwila kwaviya lusita lwake lukala halunafika. 31Mbali wanhu wengi muna ulung'husesa wamuhuwila, walonga, &#8220;Vino Chilisito vondayeze kezatenda mauzauza mengi kufosa munhu ino?&#8221;</div><div class="s">Wakalizi watumigwa kumgwila Yesu</div><div class="p"> 32Mafalisayo wahulika lung'husesa wonyong'onya mbuli za Yesu. Ivo wawo na wakulu wa nhambiko wawatuma wakalizi wa kaye ya Kutosela wangwile Yesu. 33Yesu kawalongela, &#8220;Ning'hali na mweye kwa lusita ludodo, maabaho nizahita kwa ija yoyanitumile. 34Mwizanizahila mbali hamwizaniwona bule, kwaviya hamwizadaha bule kwiza hanhu hanili.&#8221;</div><div class="p"> 35Walangulizi wa Wayahudi wailongela, &#8220;Vino munhu ino kezahita kulihi mbaka cheye sekechimuwone? Vino kezahita muna yamabululu ya Wagiliki yowokala wanhu wetu na kuwafundiza Wagiliki? 36Kalonga kuwa, chizanzahila mbali hachizamuwona, na iviya hachidaha bule kuhita hanhu hayeli. Vino mbuli zino fambulo jake choni?&#8221;</div><div class="s">Lwanda lwa mazi ya Ugima</div><div class="p"> 37Siku ya uhelelo ya dugila ijo dodikalile siku ng'hulu ya dugila, Yesu kema, kalandula dizi, &#8220;Munhu yoyose yeli na nilu, nayeze kumwangu yang'we! 38Munhu yoyose yoyonihuwila niye, Maandiko Yelile yolonga, &#8216;Nyanda za mazi ya Ugima zizakilima kulawa mgati yake.&#8217; &#8221; 39Yesu viyakalile kolonga ivo, kakala kolonga mbuli za Muhe wa Mulungu, ija wanhu wowakalile womuhuwila wezamuhokela. Mbaka siku ija, wanhu wakala wang'hali hawanakwing'higwa Muhe wa Mulungu kwaviya Yesu kakala yang'hali kutunhizigwa bule.</div><div class="s">Wanhu viweli woibagula</div><div class="p"> 40Wanhu wamwenga muna ulung'husesa viwamuhulike kolonga ivo, walonga, &#8220;Munhu ino kweli ni ija imulotezi wa Mulungu.&#8221;</div><div class="p"> 41Wanhu wamwenga walonga, &#8220;Ino iyo Chilisito!&#8221;</div><div class="p">Mbali wanhu wamwenga walonga, &#8220;Vino Chilisito kodahaze kulawa Galilaya? 42Maandiko Yelile yolonga kuwa Chilisito kezalawilila mulukolo lwa Daudi na kwelekigwa uko Betelehemu, muna dibululu dayakalile Daudi.&#8221; 43Ivo wanhu muna ulung'husesa waibagula kwaajili ya Yesu. 44Wanhu wamwenga walonda wangwile, mbali habule munhu yoyagolose mkono wake kumgwila.</div><div class="s">Walangulizi wa Wayahudi wolema kumtogola Yesu</div><div class="p"> 45Wakalizi wa Kaye ya Mulungu viwabwelile, wakulu wa nhambiko na Mafalisayo wawauza, &#8220;Habali hamumgalile?&#8221;</div><div class="p"> 46Wakalizi wawedika, &#8220;Habule munhu yoyose yoyalongile fana viyolonga munhu ino!&#8221;</div><div class="p"> 47Mafalisayo wawauza, &#8220;Vino na mweye iviya kamvwizilani? 48Vino mumuwona mulangulizi yoyose hebu Mfalisayo yoyose yoyomuhuwila? 49Wanhu wano hawamanyile bule Malagilizo ya Mulungu yoyamwing'hile Musa, ivo waduwiligwa na Mulungu!&#8221;</div><div class="p"> 50Nikodemo, imwe wa Mafalisayo, munhu ija yoyamuhitile Yesu baho umwaka kauza, 51&#8220;Vino Malagilizo yetu yochilongela chimtaguse munhu ching'hali hachinamtegeleza teng'hu na kumanya chiyotenda?&#8221;</div><div class="p"> 52Mbali wawo wamwidika, &#8220;Vino na weye iviya kolawa Galilaya? Lola muna Yamaandiko Yelile kwizavimanya kuwa habule mulotezi wa Mulungu yolawilila Galilaya bule.&#8221;</div><div class="p"> 53Maabaho chila munhu kahita ukaye yake.</div>
 </div>
 </div>
</div>

Hamwende Yesu kahita Galilaya. Halondile kuhita Yudeya kwaviya walangulizi wa Wayahudi wakala wolonda kumkoma. Lusita lwa dugila da Vizewe da Wayahudi dikala habehi. Ndugu zake wamulongela, “Kwolondeka usegele hano uhite Yudeya muladi wanahina wako wawone mauzauza youtenda. Habule munhu yotenda mbuli kwa kuifisa one kolonda yamanyike kwa wanhu. Ivo kwaviya na weye kotenda vinhu vino, ilaguse kwa wanhu weli muisi.” Kwaviya mbaka ndugu zake Yesu hawamtogole bule.
Yesu kawalongela, “Lusita lwangu lufaya lung'hali halunafika bule, mbali kumwenu mweye chila lusita lufaya. Wanhu weli muna isi yose hawamwihilani, mbali wonihila niye kwaviya nogendelela kuwalongela kuwa wotenda mbuli zihile. Mweye hiteni kudidugila. Niye sihita bule kudidugila kwaviya lusita lwangu lufaya halunafika bule.” Yesu kalonga ivo, maabaho kasigala Galilaya.

Ndugu zake viwahitile kudidugila, Yesu nayo kahita, mbali hahitile chiumwingi, kahita chinyelenyele. Walangulizi wa Wayahudi wakala wonzahila kuna didugila ijo. Ivo wauza, “Vino kakulihi munhu ija?”
Kukala na minyong'onyo muna ulung'husesa lwa wanhu. Wanhu wamwenga wakala wolonga, “Munhu ino kanoga.”
Wamwenga walonga, “Mbe! Kowagiza wanhu.” Mbali habule munhu yoyadahile kulonga mbuli zake muumwingi, kwaviya wakala wawadumba walangulizi wa Chiyahudi.
Dugila ijo vidifikile haludonho, Yesu nayo kahita Mwiikaye ya Mulungu na kandusa kufundiza. Walangulizi wa Wayahudi wazanywa, wauza, “Vino munhu ino kayamaze yano yose nayo hasomile bule kuishule?”
Yesu kawedika, “Mafundizo yonifundiza siyo yangu bule mbali yolawa kwa ija yanitumile. Munhu yoyose yolonda kutenda yaja yoyolonda Mulungu, kezavimanya fana mafundizo yangu yalawa kwa Mulungu hebu nolonga kwa udahi wangu mwenyewo. Munhu yolonga mbuli zake mwenyewo kolonda utunhizo wake. Mbali munhu yolonda ukulu kwa ija yoyamtumile, iyo ni mwaminifu, na kabule wihi mgati mmwake. Vino Musa hamwinileni malagilizo bule? Mbali habule hata imwe wenu yoyokwamha. Lelo habali molonda kunikoma?”
Lung'husesa lwa wanhu lumulongela, “Weye kuna chinyamkela! Yelihi yoyolonda kukukoma?”
Yesu kawalongela, “Nitenda mauzauza, mweye wose mukala mwazanywa. Musa kawalagiliza mweye mutende chihendo cha kuwengiza ulungwana wanenu wa chilume, ingawa si Musa bule, mbali wasaho zenu wawo wanduse. Ivo na mweye momwingiza ulungwana mwana wa chilume hata muna Isiku ya Mhumulo. One mumwingiza ulungwana mwana muna Isiku ya Mhumulo muladi sekembene Malagilizo ya Mulungu yoyamwing'hile Musa, habali monihila kwaviya nimuhonya munhu muna Isiku ya Mhumulo? Sekemutaguse kwa kulola kwa kunze muhala, mbali taguseni viilondeka.”

Wanhu wamwenga wa Yelusalemu wandusa kuiuzagiza, “Vino munhu wowomzahila wamkome siyo ino? Lola lelo! Kabahano, kolonga muumwingi na habule munhu yoyomulongela chinhu chochose. Vino walangulizi wovimanya kuwa kweli iyo ni Chilisito? Mbali chovimanya munhu ino kolawa kulihi. Chilisito vondayeze habule munhu yoyose yondayamanye koyolawa.”
Yesu viyakalile kofundiza mwiikaye ya Mulungu, kalandula dizi, “Mwonimanya na mwomanya kunhu kunilawa. Sizile kwa udahi wangu mwenyewo. Ija yoyanitumile ni wa kweli. Mbali mweye hamummanyile bule. Niye nommanya kwaviya nilawa kumwake, nayo iyo yoyanhumile.”
Maabaho wanhu walonda kumgwila, mbali habule munhu yoyose yagezile kumgwila kwaviya lusita lwake lukala halunafika. Mbali wanhu wengi muna ulung'husesa wamuhuwila, walonga, “Vino Chilisito vondayeze kezatenda mauzauza mengi kufosa munhu ino?”

Mafalisayo wahulika lung'husesa wonyong'onya mbuli za Yesu. Ivo wawo na wakulu wa nhambiko wawatuma wakalizi wa kaye ya Kutosela wangwile Yesu. Yesu kawalongela, “Ning'hali na mweye kwa lusita ludodo, maabaho nizahita kwa ija yoyanitumile. Mwizanizahila mbali hamwizaniwona bule, kwaviya hamwizadaha bule kwiza hanhu hanili.”
Walangulizi wa Wayahudi wailongela, “Vino munhu ino kezahita kulihi mbaka cheye sekechimuwone? Vino kezahita muna yamabululu ya Wagiliki yowokala wanhu wetu na kuwafundiza Wagiliki? Kalonga kuwa, chizanzahila mbali hachizamuwona, na iviya hachidaha bule kuhita hanhu hayeli. Vino mbuli zino fambulo jake choni?”

Siku ya uhelelo ya dugila ijo dodikalile siku ng'hulu ya dugila, Yesu kema, kalandula dizi, “Munhu yoyose yeli na nilu, nayeze kumwangu yang'we! Munhu yoyose yoyonihuwila niye, Maandiko Yelile yolonga, ‘Nyanda za mazi ya Ugima zizakilima kulawa mgati yake.’ ” Yesu viyakalile kolonga ivo, kakala kolonga mbuli za Muhe wa Mulungu, ija wanhu wowakalile womuhuwila wezamuhokela. Mbaka siku ija, wanhu wakala wang'hali hawanakwing'higwa Muhe wa Mulungu kwaviya Yesu kakala yang'hali kutunhizigwa bule.

Wanhu wamwenga muna ulung'husesa viwamuhulike kolonga ivo, walonga, “Munhu ino kweli ni ija imulotezi wa Mulungu.”
Wanhu wamwenga walonga, “Ino iyo Chilisito!”
Mbali wanhu wamwenga walonga, “Vino Chilisito kodahaze kulawa Galilaya? Maandiko Yelile yolonga kuwa Chilisito kezalawilila mulukolo lwa Daudi na kwelekigwa uko Betelehemu, muna dibululu dayakalile Daudi.” Ivo wanhu muna ulung'husesa waibagula kwaajili ya Yesu. Wanhu wamwenga walonda wangwile, mbali habule munhu yoyagolose mkono wake kumgwila.

Wakalizi wa Kaye ya Mulungu viwabwelile, wakulu wa nhambiko na Mafalisayo wawauza, “Habali hamumgalile?”
Wakalizi wawedika, “Habule munhu yoyose yoyalongile fana viyolonga munhu ino!”
Mafalisayo wawauza, “Vino na mweye iviya kamvwizilani? Vino mumuwona mulangulizi yoyose hebu Mfalisayo yoyose yoyomuhuwila? Wanhu wano hawamanyile bule Malagilizo ya Mulungu yoyamwing'hile Musa, ivo waduwiligwa na Mulungu!”
Nikodemo, imwe wa Mafalisayo, munhu ija yoyamuhitile Yesu baho umwaka kauza, “Vino Malagilizo yetu yochilongela chimtaguse munhu ching'hali hachinamtegeleza teng'hu na kumanya chiyotenda?”
Mbali wawo wamwidika, “Vino na weye iviya kolawa Galilaya? Lola muna Yamaandiko Yelile kwizavimanya kuwa habule mulotezi wa Mulungu yolawilila Galilaya bule.”
Maabaho chila munhu kahita ukaye yake.

Geere nke a ntị Yohana 7