Sambal, Botolan - 2014 Edition (NT) Drama

Sambal, Botolan New Testament Drama ℗ 2014 Hosanna

<div class="version vid1343 iso6393sbl" data-vid="1343" data-iso6393="sbl">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Hi Apo Hisos boy pawpatel na</div><div class="p"> 1Ah&#232; naboyot, hi Apo Hisos ay tinomal&#224; nin nanor&#242; ha probinsyan Galiliya; sinady&#224; nan ah&#232; mako ha probinsyan Hodiya ta hay Hawhodiyo bayro ay labay mamati kona. 2Hapa-eg, maraninay pagpipista nin Hawhodiyo, hatoy pista ya pamasalamat la ha Diyos ban&#224; ha na-alawah la. 3Kay&#224; hinalit&#224; nin pawpatel ni Apo Hisos kona: &#8220;Mog-alih ka,&#8221; wanla, &#8220;ha dogal ya habayti ta mako ka ha probinsyan Hodiya emen hay gawgaw&#224; moy pawpapag-ispantawan ay makit nin tawtawoy ampipantompel komo. 4Ayin tawoy ampangitag&#242; nin gawgaw&#224; na no labay nan mibantog. Kay&#224; habayti ya bawbagay ya anggaw-en mo ay ipakit mo ha kaganawan tawo.&#8221; 5Ombayri ya hinalit&#224; nin pawpatel ni Apo Hisos ta kateng hila ay ah&#232; antompel kona.</div><div class="p"> 6Hapa-eg, hinalit&#224; konla ni Apo Hisos, &#8220;Alwa et,&#8221; wana, &#8220;nin tam&#224; ya pana-on nin panig&#232; ko. Piro hikawo, maski anyay oras ay ma-ar&#236; kawon mako bayro. 7Hikawo ay ah&#232; ampag-inakitan nin tawtawoy ah&#232; antompel kongko, piro hiko ay ampag-inakitan la ta ampaptegan ko ya hay gawgaw&#224; la ay mangala-et. 8Mako kawoyna ha pista; hiko ay ah&#232; pon mako ta alwa et tam&#224; ya pana-on nin para kongko.&#8221; 9Ha ombayroy hinalit&#224; ni Apo Hisos ay nanatili ya et bayro ha probinsyan Galiliya.</div><div class="s">Hi Apo Hisos ay anti ha pista</div><div class="p"> 10Hin nakatig&#232; ana baytoy pawpatel ni Apo Hisos nin nakipista, hiya ay kinomamat ana simpri, piro ayin nakatand&#224; nin pamako na bayro boy agya napa-ipatnag ha tawtawo. 11Bayro ha pista, hi Apo Hisos ay antikapen nin Hawhodiyoy ampipamo-on. &#8220;Ayri ya?&#8221; wanla.</div><div class="p"> 12Malak&#232; ya tawoy ampi-a-ananah nin tongkol kona. Anhalita-en nin kanayon ya hiya ay mahampat ya tawo. Hay kanayon ay ampaghalit&#224; nin ampanloko yan tawtawo. 13Piro ayin tawoy ampangibolgar nin maghalit&#224; tongkol kona ta angkalimo hila ha Hawhodiyoy ampipamo-on.</div><div class="p"> 14Hin mamigitn&#224; ana ya pista, hi Apo Hisos ay nako ha bali nin Diyos ta nag-ompisan manor&#242;. 15Hay Hawhodiyo ay masyadon nag-ispanta, ya wanla, &#8220;Pangno ya nagkama-in masyadoy karonongan ya agya itaman nag-aral?&#8221;</div><div class="p"> 16Hinalit&#224; konla ni Apo Hisos, &#8220;Hay an-itor&#242; ko,&#8221; wana, &#8220;ay ah&#232; ampangibat ha sarili ko, no alwan ampangibat ha Diyos ya nangihog&#242; kongko. 17Hinoman ya labay gomaw&#224; nin kalabayan nin Diyos ay matanda-an na no hay an-itor&#242; ko ay nangibat ha Diyos, o no ampaghalit&#224; akon nangibat ha sarili kon bongat ka-ihipan. 18Hay tawoy ampaghalit&#224; nin angka-ibat ha sarili na ay ampanikap kaporiyan ha sarili na. Piro hinoman ya ampanikap kaporiyan para ha nangihog&#242; kona ay tapat boy ayin kabongkokan. 19War&#236; ah&#232; inggaw&#224; ni Moysis komoyo ya kawkapanogo-an? Piro ayin komoyo nin anhomonol ha kawkapanogo-an. Ant&#224; labay moyo ko nin patyen?&#8221;</div><div class="p"> 20Tinombay baytoy kalak-an tawo, ya wanla, &#8220;Ma-in ka laweh nin dimonyo. Hinoy labay mamati komo?&#8221;</div><div class="p"> 21Ombayri ya intobay konla ni Apo Hisos: &#8220;Hay mihay bagay ya ginaw&#224; ko ha allon pama-inawa ay pinag-ispantawan moyon kaganawan. 22Ban&#224; ha kapanogo-an komoyo ni Moysis ya panol&#236; ay antoli-en moyoy aw-anak maski allon pama-inawa. Piro habayti ya ka-ogali-an panol&#236; ay alwan koni Moysis nag-ompisa no alwan do ha kawka-apo-apowan moyoy na-ona koni Moysis. No na-abot ana ya allon dapat toli-en ya anak ay antoli-en moyo maski ampitag-on nin allon pama-inawa. 23No antoli-en moyoy aw-anak moyo maski allon pama-inawa emen ah&#232; malabag ya panog&#242; ni Moysis, ant&#224; ampamahangan moyo ko nin ban&#224; ha pamakahampat ko nin tawo no allon pama-inawa? 24Agkawo magpabastabasta nin manosga nin tawo no agmoyo pon sori-en. Pakasori-en moyo pon emen moyo matanda-an ya kaptegan.&#8221;</div><div class="s">Hay ampi-i-ilgowan ay tongkol koni Kristoya impangak&#242; nin Diyos.</div><div class="p"> 25Hay ongno ha tawtawo ha siyodad nin Hirosalim ay naghalit&#224; nin ombayri: &#8220;War&#236; alwan hiya ba-in ya tawo ya ampagsikapan lan patyen? 26Piro helken moyo, anti ya ha kalak-an tawo nin ampanor&#242;, piro ayin ampaghalit&#224; nin kontra kona. An-ihipen war&#236; nin ampipamo-on ya hiya bayti hi Kristo ya impangak&#242; nin Diyos? 27No lomateng hi Kristo ya impangak&#242; nin Diyos ay ayin makatand&#224; no ayri mangibat. Piro habayti ya tawo ay tand&#224; tamo no ayri na-ibat.&#8221;</div><div class="p"> 28Hapa-eg, ha panonor&#242; ni Apo Hisos bayro ha lo-ob bali nin Diyos ay impakakhaw na nin hinalit&#224; ya ombayri: &#8220;Balay moyo ko,&#8221; wana, &#8220;boy tand&#224; moyo no ayri ko nangibat. Hay pamako ko bayri ay alwa kon sarilin kalabayan, no alwan ma-in nangihog&#242; kongko. Hiya ay peteg. Agmoyo ya balay 29piro balay ko ya, ta hiko ay nangibat kona boy hiyay nangihog&#242; kongko.&#8221;</div><div class="p"> 30Hapa-eg, ampagsikapan lan dakpen hi Apo Hisos, piro ayin tawoy nangoligtan konan mandakep ta alwa et ka-orasan pandakep kona. 31Piro kalak-an bayro ha tawtawo ay tinompel koni Apo Hisos, ta na-intindiyan la ya hiya ay hi Kristo ya impangak&#242; nin Diyos. Kay&#224; hinalit&#224; la ya ombayri: &#8220;Ma-in et war&#236; kanayon ya lomateng ya makagaw&#224; nin mas et ha pawpapag-ispantawan ya ginaw&#224; nin habayti ya tawo?&#8221;</div><div class="s">Hay bawbantay ay inhog&#242; nin mandakepkoni Apo Hisos</div><div class="p"> 32Hay ampi-a-ananahan nin kalak-an tawo ya tongkol koni Apo Hisos ay naleng&#232; nin Pawparisiyo. Hapa-eg hatoy Pawparisiyo kateng pawpo-on nin pawpar&#236; ay nangihog&#242; nin bawbantay nin bali nin Diyos nin makon mandakep koni Apo Hisos.</div><div class="p"> 33Hinalit&#224; konla ni Apo Hisos, &#8220;Am&#242; tana,&#8221; wana, &#8220;ya pana-on nin manatili ko komoyo, biha ko magbira do ha nangihog&#242; kongko. 34Tikapen moyo ko piro agmoyo ko makit, ta agkawo makalako ha lakwen ko.&#8221;</div><div class="p"> 35Hatoy pawpo-on nin Hawhodiyo ay ampi-i-ilgo nin ombayri: &#8220;Ayri ya kal&#236; mako ta agtamo ya makit? Mako ya war&#236; ha dogal nin Gawgrigo ya ampa-iriyan nin kanayon ya Hawhodiyo ta toro-an nay Gawgrigo? 36Anhalita-en na ya tikapen tamo ya piro agtamo ya makit, boy anhalita-en na et ya agtamo makalako ha lakwen na. Anya raw ya labay nan totolen?&#8221;</div><div class="s">Hay hinalit&#224; ni Apo Hisos ya tongkolha Ispirito nin Diyos</div><div class="p"> 37Hay kalampohan allo nin pista ay pinaka-importanti. Kay&#224; hin na-abot baytoy allo, hi Apo Hisos ay nireng biha na impakakhaw ya bosis na nin naghalit&#224;: &#8220;Hinoman,&#8221; wana, &#8220;ya angka-angan ay mako kongko ta pa-inomen ko, 38ta ombayri ya nakaholat ha Kaholatan nin Diyos: &#8216;Hinoman ya tompel kongko ay magkama-in nin ayin anggawan ya biyay ya bilang lanom ya anhombol ha nakem na.&#8217;&#8221; 39Hay labay totolen ni Apo Hisos do ha lanom ya ampambin biyay ya ayin anggawan ay Ispirito nin Diyos. Hin habayto ay ah&#232; et inggaw&#224; ya Ispirito nin Diyos, ta hi Apo Hisos ay ah&#232; et nakabira ha katatag-ayan ha kama-inan nin Diyos.</div><div class="s">Ah&#232; nangapisosond&#242;</div><div class="p"> 40Ha kalak-an tawo ya anti bayro ya ampanleng&#232;, hay kanayon ay naghalit&#224;, ya wanla, &#8220;Talagan hiya bayti ya Propita ya ampalatngen!&#8221;</div><div class="p"> 41Hay kanayon itaman ay naghalit&#224; nin, &#8220;Hiya,&#8221; wanla, &#8220;hi Kristo ya impangak&#242; nin Diyos!&#8221; Piro hay kanayon ay naghalit&#224; nin, &#8220;Hi Kristo,&#8221; wanla, &#8220;ya impangak&#242; nin Diyos ay ah&#232; ma-ibat ha probinsyan Galiliya! 42Nakaholat ha Kaholatan nin Diyos ya hi Kristo ya impangak&#242; nin Diyos ay i-alalak ni Dabid, boy i-anak ya ha Bitlihim ha banowa ya pina-iriyan ni Ar&#236; Dabid.&#8221; 43Kay&#224; ah&#232; nangapisosond&#242; baytoy kalak-an tawo nin tongkol koni Apo Hisos. 44Ma-in ongno bayro ya malabay mandakep koni Apo Hisos, piro ayin nakapaghokaw nakem nin mandakep kona.</div><div class="s">Hay ah&#232; paminto-o nin Hawhodiyo ya ampipamo-on</div><div class="p"> 45Hapa-eg hatoy bawbantay ay nipagbirayna do ha pawpo-on nin pawpar&#236; boy do ha Pawparisiyo ya nangihog&#242; konla nin mandakep koni Apo Hisos. &#8220;Ant&#224; nin agmoyo ya gintan bayri?&#8221; pastang nin hatoy nangihog&#242;.</div><div class="p"> 46Tinombay baytoy bawbantay, &#8220;Maski nakakanoman,&#8221; wanla, &#8220;ay ayin et tawo ya nakapaghalit&#224; nin bilang ombayro ha hinalit&#224; nin habaytoy tawo.&#8221;</div><div class="p"> 47Hinalit&#224; nin hatoy Pawparisiyo, &#8220;Kateng nay&#236; hikawo ay naloko na? 48Ma-in kawoyna nay&#236; tand&#224; ya miha ha ampipamo-on o miha ha Pawparisiyo ya ninto-o kona? 49Kalak-an bayri ha tawtawo ay agla angka-intindiyan ya kawkapanogo-an ya inggaw&#224; ni Moysis; kay&#224; parosawan hila nin Diyos.&#8221;</div><div class="p"> 50Hapa-eg hi Nikodimo ya miha ha Pawparisiyo ay anti bayro. Hiya ay hatoy tawo ya nako hin hato nin naki-ilgo koni Apo Hisos. Hapa-eg, hinalit&#224; na konla, 51&#8220;Ha kawkapanogo-an tamo,&#8221; wana, &#8220;ay agtamo makasintinsya ha tawo no ah&#232; binista emen matanda-an no anyay ginaw&#224; na.&#8221;</div><div class="p"> 52Tinombay hila, &#8220;Hika nay&#236;,&#8221; wanla, &#8220;ay taga Galiliya simpri? Pag-aralan moy Halit&#224; nin Diyos emen mo matanda-an ya ayin propita ya ma-ibat ha probinsyan Galiliya.&#8221; 53Hapa-eg hila ay nihihiyay ta balang miha konla ay norong ha sarili nan bali.</div>
 </div>
 </div>
</div>

Ahè naboyot, hi Apo Hisos ay tinomalà nin nanorò ha probinsyan Galiliya; sinadyà nan ahè mako ha probinsyan Hodiya ta hay Hawhodiyo bayro ay labay mamati kona. Hapa-eg, maraninay pagpipista nin Hawhodiyo, hatoy pista ya pamasalamat la ha Diyos banà ha na-alawah la. Kayà hinalità nin pawpatel ni Apo Hisos kona: “Mog-alih ka,” wanla, “ha dogal ya habayti ta mako ka ha probinsyan Hodiya emen hay gawgawà moy pawpapag-ispantawan ay makit nin tawtawoy ampipantompel komo. Ayin tawoy ampangitagò nin gawgawà na no labay nan mibantog. Kayà habayti ya bawbagay ya anggaw-en mo ay ipakit mo ha kaganawan tawo.” Ombayri ya hinalità nin pawpatel ni Apo Hisos ta kateng hila ay ahè antompel kona.
Hapa-eg, hinalità konla ni Apo Hisos, “Alwa et,” wana, “nin tamà ya pana-on nin panigè ko. Piro hikawo, maski anyay oras ay ma-arì kawon mako bayro. Hikawo ay ahè ampag-inakitan nin tawtawoy ahè antompel kongko, piro hiko ay ampag-inakitan la ta ampaptegan ko ya hay gawgawà la ay mangala-et. Mako kawoyna ha pista; hiko ay ahè pon mako ta alwa et tamà ya pana-on nin para kongko.” Ha ombayroy hinalità ni Apo Hisos ay nanatili ya et bayro ha probinsyan Galiliya.

Hin nakatigè ana baytoy pawpatel ni Apo Hisos nin nakipista, hiya ay kinomamat ana simpri, piro ayin nakatandà nin pamako na bayro boy agya napa-ipatnag ha tawtawo. Bayro ha pista, hi Apo Hisos ay antikapen nin Hawhodiyoy ampipamo-on. “Ayri ya?” wanla.
Malakè ya tawoy ampi-a-ananah nin tongkol kona. Anhalita-en nin kanayon ya hiya ay mahampat ya tawo. Hay kanayon ay ampaghalità nin ampanloko yan tawtawo. Piro ayin tawoy ampangibolgar nin maghalità tongkol kona ta angkalimo hila ha Hawhodiyoy ampipamo-on.
Hin mamigitnà ana ya pista, hi Apo Hisos ay nako ha bali nin Diyos ta nag-ompisan manorò. Hay Hawhodiyo ay masyadon nag-ispanta, ya wanla, “Pangno ya nagkama-in masyadoy karonongan ya agya itaman nag-aral?”
Hinalità konla ni Apo Hisos, “Hay an-itorò ko,” wana, “ay ahè ampangibat ha sarili ko, no alwan ampangibat ha Diyos ya nangihogò kongko. Hinoman ya labay gomawà nin kalabayan nin Diyos ay matanda-an na no hay an-itorò ko ay nangibat ha Diyos, o no ampaghalità akon nangibat ha sarili kon bongat ka-ihipan. Hay tawoy ampaghalità nin angka-ibat ha sarili na ay ampanikap kaporiyan ha sarili na. Piro hinoman ya ampanikap kaporiyan para ha nangihogò kona ay tapat boy ayin kabongkokan. Warì ahè inggawà ni Moysis komoyo ya kawkapanogo-an? Piro ayin komoyo nin anhomonol ha kawkapanogo-an. Antà labay moyo ko nin patyen?”
Tinombay baytoy kalak-an tawo, ya wanla, “Ma-in ka laweh nin dimonyo. Hinoy labay mamati komo?”
Ombayri ya intobay konla ni Apo Hisos: “Hay mihay bagay ya ginawà ko ha allon pama-inawa ay pinag-ispantawan moyon kaganawan. Banà ha kapanogo-an komoyo ni Moysis ya panolì ay antoli-en moyoy aw-anak maski allon pama-inawa. Piro habayti ya ka-ogali-an panolì ay alwan koni Moysis nag-ompisa no alwan do ha kawka-apo-apowan moyoy na-ona koni Moysis. No na-abot ana ya allon dapat toli-en ya anak ay antoli-en moyo maski ampitag-on nin allon pama-inawa. No antoli-en moyoy aw-anak moyo maski allon pama-inawa emen ahè malabag ya panogò ni Moysis, antà ampamahangan moyo ko nin banà ha pamakahampat ko nin tawo no allon pama-inawa? Agkawo magpabastabasta nin manosga nin tawo no agmoyo pon sori-en. Pakasori-en moyo pon emen moyo matanda-an ya kaptegan.”

Hay ongno ha tawtawo ha siyodad nin Hirosalim ay naghalità nin ombayri: “Warì alwan hiya ba-in ya tawo ya ampagsikapan lan patyen? Piro helken moyo, anti ya ha kalak-an tawo nin ampanorò, piro ayin ampaghalità nin kontra kona. An-ihipen warì nin ampipamo-on ya hiya bayti hi Kristo ya impangakò nin Diyos? No lomateng hi Kristo ya impangakò nin Diyos ay ayin makatandà no ayri mangibat. Piro habayti ya tawo ay tandà tamo no ayri na-ibat.”
Hapa-eg, ha panonorò ni Apo Hisos bayro ha lo-ob bali nin Diyos ay impakakhaw na nin hinalità ya ombayri: “Balay moyo ko,” wana, “boy tandà moyo no ayri ko nangibat. Hay pamako ko bayri ay alwa kon sarilin kalabayan, no alwan ma-in nangihogò kongko. Hiya ay peteg. Agmoyo ya balay piro balay ko ya, ta hiko ay nangibat kona boy hiyay nangihogò kongko.”
Hapa-eg, ampagsikapan lan dakpen hi Apo Hisos, piro ayin tawoy nangoligtan konan mandakep ta alwa et ka-orasan pandakep kona. Piro kalak-an bayro ha tawtawo ay tinompel koni Apo Hisos, ta na-intindiyan la ya hiya ay hi Kristo ya impangakò nin Diyos. Kayà hinalità la ya ombayri: “Ma-in et warì kanayon ya lomateng ya makagawà nin mas et ha pawpapag-ispantawan ya ginawà nin habayti ya tawo?”

Hay ampi-a-ananahan nin kalak-an tawo ya tongkol koni Apo Hisos ay nalengè nin Pawparisiyo. Hapa-eg hatoy Pawparisiyo kateng pawpo-on nin pawparì ay nangihogò nin bawbantay nin bali nin Diyos nin makon mandakep koni Apo Hisos.
Hinalità konla ni Apo Hisos, “Amò tana,” wana, “ya pana-on nin manatili ko komoyo, biha ko magbira do ha nangihogò kongko. Tikapen moyo ko piro agmoyo ko makit, ta agkawo makalako ha lakwen ko.”
Hatoy pawpo-on nin Hawhodiyo ay ampi-i-ilgo nin ombayri: “Ayri ya kalì mako ta agtamo ya makit? Mako ya warì ha dogal nin Gawgrigo ya ampa-iriyan nin kanayon ya Hawhodiyo ta toro-an nay Gawgrigo? Anhalita-en na ya tikapen tamo ya piro agtamo ya makit, boy anhalita-en na et ya agtamo makalako ha lakwen na. Anya raw ya labay nan totolen?”

Hay kalampohan allo nin pista ay pinaka-importanti. Kayà hin na-abot baytoy allo, hi Apo Hisos ay nireng biha na impakakhaw ya bosis na nin naghalità: “Hinoman,” wana, “ya angka-angan ay mako kongko ta pa-inomen ko, ta ombayri ya nakaholat ha Kaholatan nin Diyos: ‘Hinoman ya tompel kongko ay magkama-in nin ayin anggawan ya biyay ya bilang lanom ya anhombol ha nakem na.’” Hay labay totolen ni Apo Hisos do ha lanom ya ampambin biyay ya ayin anggawan ay Ispirito nin Diyos. Hin habayto ay ahè et inggawà ya Ispirito nin Diyos, ta hi Apo Hisos ay ahè et nakabira ha katatag-ayan ha kama-inan nin Diyos.

Ha kalak-an tawo ya anti bayro ya ampanlengè, hay kanayon ay naghalità, ya wanla, “Talagan hiya bayti ya Propita ya ampalatngen!”
Hay kanayon itaman ay naghalità nin, “Hiya,” wanla, “hi Kristo ya impangakò nin Diyos!” Piro hay kanayon ay naghalità nin, “Hi Kristo,” wanla, “ya impangakò nin Diyos ay ahè ma-ibat ha probinsyan Galiliya! Nakaholat ha Kaholatan nin Diyos ya hi Kristo ya impangakò nin Diyos ay i-alalak ni Dabid, boy i-anak ya ha Bitlihim ha banowa ya pina-iriyan ni Arì Dabid.” Kayà ahè nangapisosondò baytoy kalak-an tawo nin tongkol koni Apo Hisos. Ma-in ongno bayro ya malabay mandakep koni Apo Hisos, piro ayin nakapaghokaw nakem nin mandakep kona.

Hapa-eg hatoy bawbantay ay nipagbirayna do ha pawpo-on nin pawparì boy do ha Pawparisiyo ya nangihogò konla nin mandakep koni Apo Hisos. “Antà nin agmoyo ya gintan bayri?” pastang nin hatoy nangihogò.
Tinombay baytoy bawbantay, “Maski nakakanoman,” wanla, “ay ayin et tawo ya nakapaghalità nin bilang ombayro ha hinalità nin habaytoy tawo.”
Hinalità nin hatoy Pawparisiyo, “Kateng nayì hikawo ay naloko na? Ma-in kawoyna nayì tandà ya miha ha ampipamo-on o miha ha Pawparisiyo ya ninto-o kona? Kalak-an bayri ha tawtawo ay agla angka-intindiyan ya kawkapanogo-an ya inggawà ni Moysis; kayà parosawan hila nin Diyos.”
Hapa-eg hi Nikodimo ya miha ha Pawparisiyo ay anti bayro. Hiya ay hatoy tawo ya nako hin hato nin naki-ilgo koni Apo Hisos. Hapa-eg, hinalità na konla, “Ha kawkapanogo-an tamo,” wana, “ay agtamo makasintinsya ha tawo no ahè binista emen matanda-an no anyay ginawà na.”
Tinombay hila, “Hika nayì,” wanla, “ay taga Galiliya simpri? Pag-aralan moy Halità nin Diyos emen mo matanda-an ya ayin propita ya ma-ibat ha probinsyan Galiliya.” Hapa-eg hila ay nihihiyay ta balang miha konla ay norong ha sarili nan bali.

Geere nke a ntị Howan 7