Misima-Paneati - 2018 WBT (NT+Malachi) Drama

Misima-Paneati

<div class="version vid1482 iso6393mpx" data-vid="1482" data-iso6393="mpx">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Yeisu I Lutem Yaomala</div><div class="r">(Mataiyo 28:1-10; Mak 16:1-8; Diyon 20:1-10)</div><div class="p"> 1Wik ana lan houwan elana, mweluluga kekeisi hot, yowau enonu bwalena waiwaisana toto iyaka hi lovivina-an hi ahe ge hi na salaiya. 2Hi kite pat toto salai awana hi paankausiya iyaka hi pakul yoho, 3inoke hi na hi tuk salai gamwanaa, yaa nige Babala Yeisu tuwana hi kikite. 4Heliya iyoho hi nuwanuwatu Yeisu tuwana kaiwena, inoke sauga o bolau eluwa ali kaliko i namanamal hi talmilil labeliyaa. 5Yowau hi lovakun nabi yaka hi kululu maniniliya i loek bilibiliya. Yaa bolau eluwa hi baek elal hi ba, &#8220;Hauna kaiwena ge toto yawalina gaganina ku loyaan toyaomal wali abamina elana? 6Nige i gagan te, iyaka i lut! Wana baaba nuku nuwahikan, toto i baunan eliyamiu sauga alomiu ku miminaa labi Galili. 7I ba, &#8216;Gamagal Natuna nihi talamwan gamagalau nanakil nimaliyaa ge nihi lokolos, lan etonina elana inoke ni lutem yaomala.&#8217;&#8221; 8Yaka abwe yowau Yeisu wana baaba o hi nuwatuan.</div><div class="p"> 9Sauga hi sikalem salaiya, bugul ya gegewena wasana hi wasaan apostolowau elulutega maisena elal, avaliyau ge tohago gegewel al. 10Yowau bolo wasa o hi wasaan apostolowau elal, heliya Meli Magidala yovana, Yowana, Meli toto Yemesa hinana, aloliyau ge yowau bolo avaliyau al. 11He apostolowau nige yowau wali wasa hi aabulilek-an, kaiwena hi nuwatu tage wali baaba i ola ba bwagabwaga ya. 12Yaa Pita i lut ge i patalelu i na salaiya. I kululu, yaka kaliko awawana ya i kite. Inoke i sikal i na wana limiya ge i nuwanuwatu bugul bolo i gan kaiweliya.</div><div class="s1">Emius ana Kamwasaa Yeisu I Masal Tohago Eluwa elal</div><div class="r">(Mak 16:12-13)</div><div class="p"> 13Lan maisena o elana tohago ali toto eluwa hi nanawa awan alana Emius kaiwena. Emius ge Yelusalema ali hawawal ana yapu i ola leben kilomita. 14Ali toto eluwa hi nonoliwaliwan bugul gegewena bolo i masal kaiweliya. 15Heliya iyoho hi nonoliwaliwan ge hi nelnel bugul o kaiweliya, yaka Yeisu i noha eliyalil ge aloliya hi notoyawa. 16Hi kite ya, yaa nige mataliya i mwamwapwela ge nihi atena te henala iya.</div><div class="p"> 17Yaka abwe i nelil i ba, &#8220;Sauga ku nawanawa, hauna gun bana ge ku pepeliwaliwan-agimiu?&#8221;</div><div class="p">Yaka hi notalmilil, ali awa i nuwaleyan. 18Etegana alana Kaliyopas i baek Yeisu elana i ba, &#8220;Tonawanawa hi gewi iyoho Yelusalema, he tabam owa maisem ya nige u aatena hauna gun i masala o sauga ya elana.&#8221;</div><div class="p"> 19Yaka i nel elal i ba, &#8220;Hauna gun bana?&#8221;</div><div class="p">Anana hi lahe hi ba, &#8220;Bugul toto i masal Yeisu gagama Nasaleta elana. Tau ya iya palopita etega, wana baaba ge wana ginol gasigasisena ya, Yehoba matanaa ge gamagalau gegewel mataliyaa. 20Topowon bwabwatal aloliyau ge wama tologugui hi teli gavana nimanaa, inoke i talamwan ni yaomal, yaka abwe hi lokolosan. 21He ama ha nuwatu te Yehoba tau ya i hile iya boda Isileli ni sokalil. Ge bugul etega al, lan eton iyaka i mowasi ge bugul bolo o hi masal. 22He wama boda yowauiliyau enuna atema hi payou. Ewasi mweluluga kekeisi hot hi na salaiya, 23yaa nige tuwana hi kikite. Sauga hi sikal, inoke hi baem eliyama tage pankite etega i masal aneloseyau hi kitel ge tage hi baek elal hi ba, &#8216;Iyaka i lut.&#8217; 24Inoke alomeyau enuna al hi na salaiya ge hi pwawa i ola ya te yowau wali wasa, yaa iya nige hi kikite.&#8221;</div><div class="p"> 25Inoke abwe Yeisu i baek elal i ba, &#8220;Ku sigasiga hot ge atemiu i gasisi, yaka nige etimwawa palopitau wali wasa gegewena ku aabulilek-an. 26Age nige ku aatena e Mesaiya lomwan o ni pwawa ga abwe mulaa ni ulutuk wana wasawasa elana?&#8221; 27Inoke Buki Bwabwalena ana baaba iya kaiwena i pwamwananal elal, i telipunaa Mosese wana buki elal ge palopitau gegewel wali leleli.</div><div class="p"> 28Hi nawanawa ee, kelaubwa nihi vin awan toto kaiwena hi nonok, inoke Yeisu i ginol i ola te nuwana ni novevehe al. 29Yaa hi awanun nabinabi elana hi ba, &#8220;Aloma owa ta mina, kaiwena kelaubwa bulin ni gan ge panuwa ni gogou.&#8221; Inoke i na i tuk limiya aloliya nihi mina.</div><div class="p"> 30Aanan ana sauga inoke i na alonau hi misiyo abaanan elana. Yaka beleid i ahe ge i ba mulolu Yehoba elana, inoke i pigebagebal-an ge i guyauan elal. 31I ginol ola o, yaka abwe mataliya i mwapwela ge hi atena henala iya, yaa i miyaomala mataliyaa. 32Ali toto eluwa hi pebaaba-agil hi ba, &#8220;Sauga ta nawanawa kamwasaa ge i liwaliwan elala Buki Bwabwalena ana baaba i pwamwananal, tunahot atela i waiwai, age?&#8221;</div><div class="p"> 33He sauga o hi lut ge hi sikal hi na Yelusalema, yaka apostolowau elulutega maisena hi pwawal aloliyau ge aloliyau enuna hi migogo. 34Heliya hi baek bolo eluwa elal hi ba, &#8220;Tunahot Babala iyaka i lut. He i masala Saimon elana.&#8221; 35Inoke bolo eluwa avaliyau wali wasa hi pek hauna i gan elal kamwasaa. Ge hi ba, &#8220;Sauga beleid i ahe ge i pigebagebal-an, inoke abwe ha atena iya Yeisu.&#8221;</div><div class="s1">Yeisu I Masala Tohago Elal</div><div class="r">(Mataiyo 28:16-20; Mak 16:14-18; Diyon 20:19-23; Tuwalali 1:6-8)</div><div class="p"> 36Tohago eluwa heliya iyoho ya hi baaba avaliyau elal, yaka Yeisu i masal i talmilila gamwaliyaa ge i baek elal i ba, &#8220;Atemiu ni laumwal!&#8221;</div><div class="p"> 37Ateliya i you ge hi lovakun, hi nuwatu tage gagayumwa hi kite. 38Yaka i baek elal i ba, &#8220;Ga i ola ge atemiu i bwanabwana ge nuwamiu i eleluwa? 39Nimwau ge aeu ku kite. He nau te! Tuwau ku pibose ge nuku atena. Gagayumwa nige bunumwina ge tutuwana i gagan i oola toto ku kiteya nau eliyau.&#8221;</div><div class="p"> 40Sauga i ba ola o, inoke nimana ge aena i pankitel. 41Heliya hi yaliyaya nabi ge nuwaliya hi ahe, yaa nige ga hi aabulilek-an. Inoke i nelil i ba, &#8220;Tab aanan etega i gan ge na an?&#8221; 42Inoke moti totonina awahinena hi pek, 43yaka i ahe ge i an mataliyaa.</div><div class="p"> 44Inoke i baek elal i ba, &#8220;Valila sauga alowau komiu, ya baewa eliyamiu i ola hiwe: bugul gegewena hi lelelian kaiweu Mosese wana logugui elana, palopitau wali leleli elana ge Same elana nihi tabwa tunahot.&#8221;</div><div class="p"> 45Yaka wali nuwatu i ba pwela ge Buki Bwabwalena ana baaba ana sapu nihi atena. 46I baek elal i ba, &#8220;Buki Bwabwalena i ba ola hiwe. Mesaiya lomwan ni pwawa ge ni yaomal, yaka lan etonina elana ni lutem yaomala. 47Inoke iya alana elana nihi papaatena gamagalau labi gegewena elal nihi telipunaa Yelusalema, yaka gamagalau wali gegi ana en nihi pek ge Yehoba wali gegi ni nuwayoho. 48He komiu nuku tabwa bugul gegewena o ali towasa. 49Nau toto Nam i bateli kaiwemiu ya papatuna i nenem eliyamiu. Yaa nuku minaa ga Yelusalema ana siga gasisi ni loem Yehoba elana nuku kalaopopwi.&#8221;</div><div class="s1">Yeisu I Ha Labulabumwa</div><div class="r">(Mak 16:19-20; Tuwalali 1:9-11)</div><div class="p"> 50Yeisu tohago i enil Yelusalema hi eguluwan hi na Bedani ana labiya, inoke nimana i latahin ge i ba muloluagil. 51Iya iyoho i baaba muloluagil, yaka i tataluwagil ge Yehoba i ahe i ha labulabumwa. 52Heliya hi kululu ge hi tapwalolo eliyana, abwe alona wali yaliyaya bwabwatana hi sikal Yelusalema. 53Inoke sauga gegewena hi miminaa Limi Bwabwalena elana Yehoba hi tobatobal-an.</div>
 </div>
 </div>
</div>

Wik ana lan houwan elana, mweluluga kekeisi hot, yowau enonu bwalena waiwaisana toto iyaka hi lovivina-an hi ahe ge hi na salaiya. Hi kite pat toto salai awana hi paankausiya iyaka hi pakul yoho, inoke hi na hi tuk salai gamwanaa, yaa nige Babala Yeisu tuwana hi kikite. Heliya iyoho hi nuwanuwatu Yeisu tuwana kaiwena, inoke sauga o bolau eluwa ali kaliko i namanamal hi talmilil labeliyaa. Yowau hi lovakun nabi yaka hi kululu maniniliya i loek bilibiliya. Yaa bolau eluwa hi baek elal hi ba, “Hauna kaiwena ge toto yawalina gaganina ku loyaan toyaomal wali abamina elana? Nige i gagan te, iyaka i lut! Wana baaba nuku nuwahikan, toto i baunan eliyamiu sauga alomiu ku miminaa labi Galili. I ba, ‘Gamagal Natuna nihi talamwan gamagalau nanakil nimaliyaa ge nihi lokolos, lan etonina elana inoke ni lutem yaomala.’” Yaka abwe yowau Yeisu wana baaba o hi nuwatuan.
Sauga hi sikalem salaiya, bugul ya gegewena wasana hi wasaan apostolowau elulutega maisena elal, avaliyau ge tohago gegewel al. Yowau bolo wasa o hi wasaan apostolowau elal, heliya Meli Magidala yovana, Yowana, Meli toto Yemesa hinana, aloliyau ge yowau bolo avaliyau al. He apostolowau nige yowau wali wasa hi aabulilek-an, kaiwena hi nuwatu tage wali baaba i ola ba bwagabwaga ya. Yaa Pita i lut ge i patalelu i na salaiya. I kululu, yaka kaliko awawana ya i kite. Inoke i sikal i na wana limiya ge i nuwanuwatu bugul bolo i gan kaiweliya.


Lan maisena o elana tohago ali toto eluwa hi nanawa awan alana Emius kaiwena. Emius ge Yelusalema ali hawawal ana yapu i ola leben kilomita. Ali toto eluwa hi nonoliwaliwan bugul gegewena bolo i masal kaiweliya. Heliya iyoho hi nonoliwaliwan ge hi nelnel bugul o kaiweliya, yaka Yeisu i noha eliyalil ge aloliya hi notoyawa. Hi kite ya, yaa nige mataliya i mwamwapwela ge nihi atena te henala iya.
Yaka abwe i nelil i ba, “Sauga ku nawanawa, hauna gun bana ge ku pepeliwaliwan-agimiu?”
Yaka hi notalmilil, ali awa i nuwaleyan. Etegana alana Kaliyopas i baek Yeisu elana i ba, “Tonawanawa hi gewi iyoho Yelusalema, he tabam owa maisem ya nige u aatena hauna gun i masala o sauga ya elana.”
Yaka i nel elal i ba, “Hauna gun bana?”
Anana hi lahe hi ba, “Bugul toto i masal Yeisu gagama Nasaleta elana. Tau ya iya palopita etega, wana baaba ge wana ginol gasigasisena ya, Yehoba matanaa ge gamagalau gegewel mataliyaa. Topowon bwabwatal aloliyau ge wama tologugui hi teli gavana nimanaa, inoke i talamwan ni yaomal, yaka abwe hi lokolosan. He ama ha nuwatu te Yehoba tau ya i hile iya boda Isileli ni sokalil. Ge bugul etega al, lan eton iyaka i mowasi ge bugul bolo o hi masal. He wama boda yowauiliyau enuna atema hi payou. Ewasi mweluluga kekeisi hot hi na salaiya, yaa nige tuwana hi kikite. Sauga hi sikal, inoke hi baem eliyama tage pankite etega i masal aneloseyau hi kitel ge tage hi baek elal hi ba, ‘Iyaka i lut.’ Inoke alomeyau enuna al hi na salaiya ge hi pwawa i ola ya te yowau wali wasa, yaa iya nige hi kikite.”
Inoke abwe Yeisu i baek elal i ba, “Ku sigasiga hot ge atemiu i gasisi, yaka nige etimwawa palopitau wali wasa gegewena ku aabulilek-an. Age nige ku aatena e Mesaiya lomwan o ni pwawa ga abwe mulaa ni ulutuk wana wasawasa elana?” Inoke Buki Bwabwalena ana baaba iya kaiwena i pwamwananal elal, i telipunaa Mosese wana buki elal ge palopitau gegewel wali leleli.
Hi nawanawa ee, kelaubwa nihi vin awan toto kaiwena hi nonok, inoke Yeisu i ginol i ola te nuwana ni novevehe al. Yaa hi awanun nabinabi elana hi ba, “Aloma owa ta mina, kaiwena kelaubwa bulin ni gan ge panuwa ni gogou.” Inoke i na i tuk limiya aloliya nihi mina.
Aanan ana sauga inoke i na alonau hi misiyo abaanan elana. Yaka beleid i ahe ge i ba mulolu Yehoba elana, inoke i pigebagebal-an ge i guyauan elal. I ginol ola o, yaka abwe mataliya i mwapwela ge hi atena henala iya, yaa i miyaomala mataliyaa. Ali toto eluwa hi pebaaba-agil hi ba, “Sauga ta nawanawa kamwasaa ge i liwaliwan elala Buki Bwabwalena ana baaba i pwamwananal, tunahot atela i waiwai, age?”
He sauga o hi lut ge hi sikal hi na Yelusalema, yaka apostolowau elulutega maisena hi pwawal aloliyau ge aloliyau enuna hi migogo. Heliya hi baek bolo eluwa elal hi ba, “Tunahot Babala iyaka i lut. He i masala Saimon elana.” Inoke bolo eluwa avaliyau wali wasa hi pek hauna i gan elal kamwasaa. Ge hi ba, “Sauga beleid i ahe ge i pigebagebal-an, inoke abwe ha atena iya Yeisu.”


Tohago eluwa heliya iyoho ya hi baaba avaliyau elal, yaka Yeisu i masal i talmilila gamwaliyaa ge i baek elal i ba, “Atemiu ni laumwal!”
Ateliya i you ge hi lovakun, hi nuwatu tage gagayumwa hi kite. Yaka i baek elal i ba, “Ga i ola ge atemiu i bwanabwana ge nuwamiu i eleluwa? Nimwau ge aeu ku kite. He nau te! Tuwau ku pibose ge nuku atena. Gagayumwa nige bunumwina ge tutuwana i gagan i oola toto ku kiteya nau eliyau.”
Sauga i ba ola o, inoke nimana ge aena i pankitel. Heliya hi yaliyaya nabi ge nuwaliya hi ahe, yaa nige ga hi aabulilek-an. Inoke i nelil i ba, “Tab aanan etega i gan ge na an?” Inoke moti totonina awahinena hi pek, yaka i ahe ge i an mataliyaa.
Inoke i baek elal i ba, “Valila sauga alowau komiu, ya baewa eliyamiu i ola hiwe: bugul gegewena hi lelelian kaiweu Mosese wana logugui elana, palopitau wali leleli elana ge Same elana nihi tabwa tunahot.”
Yaka wali nuwatu i ba pwela ge Buki Bwabwalena ana baaba ana sapu nihi atena. I baek elal i ba, “Buki Bwabwalena i ba ola hiwe. Mesaiya lomwan ni pwawa ge ni yaomal, yaka lan etonina elana ni lutem yaomala. Inoke iya alana elana nihi papaatena gamagalau labi gegewena elal nihi telipunaa Yelusalema, yaka gamagalau wali gegi ana en nihi pek ge Yehoba wali gegi ni nuwayoho. He komiu nuku tabwa bugul gegewena o ali towasa. Nau toto Nam i bateli kaiwemiu ya papatuna i nenem eliyamiu. Yaa nuku minaa ga Yelusalema ana siga gasisi ni loem Yehoba elana nuku kalaopopwi.”


Yeisu tohago i enil Yelusalema hi eguluwan hi na Bedani ana labiya, inoke nimana i latahin ge i ba muloluagil. Iya iyoho i baaba muloluagil, yaka i tataluwagil ge Yehoba i ahe i ha labulabumwa. Heliya hi kululu ge hi tapwalolo eliyana, abwe alona wali yaliyaya bwabwatana hi sikal Yelusalema. Inoke sauga gegewena hi miminaa Limi Bwabwalena elana Yehoba hi tobatobal-an.

Geere nke a ntị Luke 24