Kinyiramba - 2009 BST (NT) Drama

<div class="version vid1813 iso6393nim" data-vid="1813" data-iso6393="nim">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">K&#297;b&#297;&#297;la nak&#297;gila ka muimba</div><div class="r">(Mt 28:1-8; Mk 16:1-8; Yn 20:1-10)</div><div class="p"> 1Palutondo lwa muandio lwij&#361;ma p&#297;na naiieeleela, naalongola kuk&#297;b&#297;&#297;la naatualile &#297;mak&#361;ta naal&#297; az&#297;p&#297;l&#297;&#297;lie. 2Naaagana igy&#361;e lyapingilitagiguaa kul&#297; n&#297;k&#297;b&#297;&#297;la; 3naing&#297;la, sika naauona umu&#297;l&#297; wa k&#297;Shekulu Yesu. 4P&#297;na al&#297; ikunguala kunsooko ya lukaani ulu, laaa antu ab&#297;l&#297; al&#297; &#297;&#297;m&#297;kile piip&#297; n&#297;nd&#297;o ajialile ntiila za kum&#297;l&#297;m&#297;nta; 5n&#297;nd&#297;o p&#297;na naing&#297;&#297;lua nuooa nukwit&#361;na k&#297;tete-k&#297;tete pans&#297;, &#297;aasio naaa&#297;&#297;la; &#8220;N&#297;k&#297; mukumud&#361;&#361;maa namupanga muakiu? 6Ukutil&#297; &#297;pa. Wiiukaa. Juk&#297; k&#297;na alumu&#297;&#297;l&#297;&#297;le inie p&#297;na al&#297; k&#297;l&#297; w&#297;&#297;l&#297; k&#361;Galilaya, 7k&#297;na yum&#361;j&#297;p&#297;&#297;le uMuana-muntu kwi&#297;&#297;k&#297;lua mum&#297;kono ya anam&#297;landu nukwikononteelua mumusalaba, nukwiiiuka palutondo lwa katatu.&#8221; 8Naijuka inkaani zaakue. 9Naalega kuk&#297;b&#297;&#297;la, naashooka naaa&#297;&#297;la &#297;aasio naikyumi numu&#297; n&#297;na&#297;ng&#297; t&#361;l&#361; impola izi zensi. 10N&#297;nd&#297;o al&#297; Malia nwa kuMagidala n&#361;Joana nuMalia unina wa k&#297;Yakobo n&#297;asungu na&#297;ng&#297; naal&#297; &#297;palumu&#297; n&#297;nd&#297;o. Naaa&#297;&#297;la &#297;atumua impola izi, 11&#297;pa inkaani zaasio nazigyelela k&#297;na ulu kumiao, sunga sika naasu&#297;&#297;la. 12&#296;pa uPetelo nulongola kuukaa&#361; numanka kuk&#297;b&#297;&#297;la, nut&#361;na nuk&#361;&#361;na muns&#297; nuziona intiila zing'ene, nushooka kukaa, nukul&#297;lua kuzaasio naal&#297; zatendekaa.</div><div class="s">&#361;Yesu ukigyelela munz&#297;la ya kuEmau</div><div class="r">(Mk 16:12-13)</div><div class="p"> 13Laaa, ulutondo luuo-luuloo antu ab&#297;l&#297; pakat&#297; yaao al&#297; alongu&#297;le kuk&#297;saal&#297; &#297;liina liakue Emau, naal&#297; ky&#297;kul&#297; nuk&#361;Yelusalem&#361; k&#297;na z&#297; lugendo lwa nsaa zib&#297;l&#297;. 14N&#297;nd&#297;o al&#297; &#297;k&#297;tambu&#297;la eene kueene impola za nkaani zaasio naal&#297; zingyelelaa. 15P&#297;na al&#297; &#297;k&#297;tambu&#297;la nukuk&#297;kolia, &#361;Yesu muene nuas&#361;gam&#297;&#297;la na&#297;tiata n&#297;nd&#297;o. 16&#296;pa &#297;miso maao al&#297; mat&#361;laa z&#297; mak&#361;n&#297;k&#297;le aleke kumumana. 17Nua&#297;&#297;la, &#8220;Izi nkaani k&#297; namuk&#297;tambu&#297;la it&#297; p&#297;na mwigenda?&#8221; Na&#297;&#297;ma, naasiununala kuusiu waao. 18Nushookeelia umu&#297; waao, &#297;liina liakue Kileopa, numu&#297;&#297;la, &#8220;U uue d&#361;&#361;ne, umugenda muniYelusalem&#361; sunga sikumanilene naal&#297; zigyel&#297;&#297;le munu intondo izi?&#8221; 19Nua&#297;&#297;la, &#8220;Mpola k&#297;.&#8221; Naamu&#297;&#297;la, &#8220;Mpola za k&#297;Yesu Munazaleti naal&#297; munak&#297;dagu munkola ng&#361;l&#361; za kutenda nukwitambula ntongela ya k&#297;Nzua n&#297;antu t&#361;l&#361;. 20Kang&#297; k&#297;na &#297;apolia &#297;&#297;tu naakulu naal&#297; amup&#361;nilie muulamulua wa kukia, naamukononteela mumusalaba. 21Nindiishie al&#297; kulaa&#297;l&#297;&#297;le ya k&#297;na muene ukakum&#297;komola &#297;&#296;silaeli. Kwik&#297;la aya t&#361;l&#361;, nantende lutondo lwa katatu kwip&#361;na p&#297;na zatendekelaa impola izi. 22Kang&#297; asungu &#297;&#297;a a kuns&#297;&#297;tu aza akut&#361;mbile naaza endile kuk&#297;b&#297;&#297;la padaau zigi. 23Sika auona umu&#297;l&#297; waakue; aza a&#361;gile ya k&#297;na igyeleelua n&#297;amala&#297;ka naaza a&#361;gile ya k&#297;na waazaa mupanga. 24N&#297;&#297;&#297;a naaza &#297;&#297;l&#297; palumu&#297; nindiishie aza endile kuk&#297;b&#297;&#297;la aona iio iioo k&#297;na &#297;asungu naaza atambu&#297;le, &#297;pa uyo sika amuona.&#8221; 25Nua&#297;&#297;la; &#8220;Inie ad&#297;inie namuagila kaul&#297;ngi, namut&#297;&#297;te inkolo nand&#361;to kwishu&#297;&#297;la t&#361;l&#361; naal&#297; azitambu&#297;le &#297;anak&#297;dagu. 26Sika al&#297; yum&#361;j&#297;p&#297;&#297;lene uKilisito kwiaagigua it&#297;, nukwiing&#297;la muukulu waakue.&#8221; 27Nuandia kwip&#361;ma uMusa n&#297;anak&#297;dagu t&#361;l&#361;, nualondooselia muwand&#297;kua t&#361;l&#361; impola naal&#297; zum&#361;j&#297;p&#297;&#297;le uyo umuene.</div><div class="p"> 28Naas&#361;gam&#297;&#297;la kuk&#297;saal&#297; k&#297;na al&#297; alunzi&#297;, ninduyo nw&#297;tenda z&#297; waakiik&#297;la. 29Naamupeepia naa&#361;ga, &#8220;Kyala palumu&#297; nindiishie, kunsooko wiilaa numuns&#297; waulaa.&#8221; N&#361;ing&#297;la munumba kukikyala n&#297;nd&#297;o. 30P&#297;na al&#297; ikyalansile n&#297;nd&#297;o pandia, nuusola uugal&#297;, nuukembeta, nuuega, nuapeela. 31&#297;Miiso maao namak&#361;nukulua, naamumana. Paapo nulim&#297;&#297;la ntongela yaao. 32Naaa k&#297;&#297;&#297;la, &#8220;&#297;Nkolo z&#297;&#297;tu sika aza zaak&#297;&#297;lene muns&#297; y&#297;&#297;tu &#297;po p&#297;na aza kuk&#297;tambu&#297;la ninduyo munz&#297;la nukukuk&#361;nukul&#297;la uwand&#297;kua.&#8221; 33Naalega ity&#361;ngo l&#297;&#297;lo-l&#297;&#297;loo, naashoka k&#361;Yelusalem&#361;, naaagaana &#297;aasio naikyumi numu&#297; &#297;iling&#297;l&#297;&#297;le, n&#297;aasio naal&#297; &#297;palumu&#297; n&#297;nd&#297;o. 34Naa&#361;ga, &#8220;&#361;Shekulu wiiukaa tai-taaii, ninduyo wamwigyelelaa uSimioni!&#8221; 35N&#297;nd&#297;o naaaganu&#297;la impola za nkaani naal&#297; zigyelelaa munz&#297;la n&#297;k&#297;na al&#297; amumanile p&#297;na al&#297; wiega uugal&#297;.</div><div class="s">&#361;Yesu ukuigyeleela &#297;amanigua aakue</div><div class="r">(Mk 16:14-18; Mk 16:14-18; Yn 20:19-23; Ut 1:6-8)</div><div class="p"> 36P&#297;na al&#297; itambula &#297;zaasio, uyo muene nu&#297;m&#297;ka pakat&#297; yaao, nua&#297;&#297;la, &#8220;Matiliga m&#297;&#297; kumiani.&#8221; 37Na&#297;t&#361;mba, naoopooka p&#361;&#361;, nas&#297;&#297;ga ya k&#297;na aoonie munt&#361;nga. 38Nua&#297;&#297;la, &#8220;N&#297;k&#297; mw&#297;kunkun&#297;&#297;lie. N&#297;k&#297; mut&#297;&#297;te inkankani munkolo zaani? 39Laaa&#297; &#297;m&#297;kono yaane n&#297;m&#297;gulu yaane, ya k&#297;na ing&#297; neene, Ntyapang&#297; muone, kuit&#297; umunt&#361;nga mugila kanama n&#297;mak&#361;pa k&#297;na namumoonie &#297;ne nant&#297;&#297;te. 40P&#297;na nutambula &#297;zaasio, nualag&#297;&#297;la &#297;m&#297;kono yaakue n&#297;m&#297;gulu yaakue.&#8221; 41&#296;pa p&#297;na al&#297; ik&#297;&#297;l&#297; kalasu&#297;&#297;la kuulumbi nukuukul&#297;lua, nua&#297;&#297;la, &#8220;Mut&#297;&#297;te k&#297;ntune kya kul&#297;a &#297;pa.&#8221; 42Naamupeela kat&#361;mp&#297; ka ns&#297;&#297; nakaaasigue. 43Nukasola, nul&#297;a ntongela yaao.</div><div class="p"> 44Paapo nua&#297;&#297;la, &#8220;Izi zozi nkaani zaane naal&#297; numu&#297;&#297;l&#297;&#297;le p&#297;na al&#297; k&#297;l&#297; nkool&#297; palumu&#297; niniinie, ya k&#297;na ij&#297;p&#297;&#297;le zitim&#297;&#297;ligue t&#361;l&#361; naal&#297; nand&#297;kue mumpola zaane muUlag&#297;&#297;lio wa k&#297;Musa numuAnak&#297;dagu numuMalumb&#297;&#297;lio.&#8221; 45Paapo nuak&#361;nukul&#297;lia &#297;masala maao aul&#297;nge uwand&#297;kua. 46Nua&#297;&#297;la, &#8220;Iio yand&#297;kue ya k&#297;na uKilisito ukiaagigua nukwiiuka palutondo lwa katatu, 47Kang&#297; ya k&#297;na indugu t&#361;l&#361; zensi zikitanant&#297;ligua kuliina liakue impola za upelli nuuleegeligua wa m&#297;landu, kwiand&#297;&#297;lia k&#361;Yelusalem&#361;. 48Niniinie niinie muaku&#297;li a mpola izi. 49Laa&#297;, namuleetela kumuani ilyango lya k&#297;Tata waane, &#297;pa kyal&#297; mwamu munakaa sunga mujialue ing&#361;l&#361; nazip&#361;nile kukiania.&#8221;</div><div class="s">Kwinank&#297;la kwa k&#297;Yesu</div><div class="r">(Mk 16:19; Ut 1:9-11)</div><div class="p"> 50Nuatongeela sunga kuBetania, nunansula &#297;m&#297;komo yaakue nuakembeta. 51P&#297;na alukuakembeta nw&#297;kamatula n&#297;nd&#297;o, nusolua nutualua kwigyulu. 52Naamutekela, naashooka k&#361;Yelusalem&#361; nuulumbi ukulu. 53N&#297;nd&#297;o al&#297; kuuzaa akool&#297; ntondo zensi muNumba ya k&#297;Nzua, naakumuk&#361;mazukia uNzua.</div>
 </div>
 </div>
</div>

The New Testament in Kinyiramba © Bible Society of Tanzania, 2009.

Palutondo lwa muandio lwijũma pĩna naiieeleela, naalongola kukĩbĩĩla naatualile ĩmakũta naalĩ azĩpĩlĩĩlie. Naaagana igyũe lyapingilitagiguaa kulĩ nĩkĩbĩĩla; naingĩla, sika naauona umuĩlĩ wa kĩShekulu Yesu. Pĩna alĩ ikunguala kunsooko ya lukaani ulu, laaa antu abĩlĩ alĩ ĩĩmĩkile piipĩ nĩndĩo ajialile ntiila za kumĩlĩmĩnta; nĩndĩo pĩna naingĩĩlua nuooa nukwitũna kĩtete-kĩtete pansĩ, ĩaasio naaaĩĩla; “Nĩkĩ mukumudũũmaa namupanga muakiu? Ukutilĩ ĩpa. Wiiukaa. Jukĩ kĩna alumuĩĩlĩĩle inie pĩna alĩ kĩlĩ wĩĩlĩ kũGalilaya, kĩna yumũjĩpĩĩle uMuana-muntu kwiĩĩkĩlua mumĩkono ya anamĩlandu nukwikononteelua mumusalaba, nukwiiiuka palutondo lwa katatu.” Naijuka inkaani zaakue. Naalega kukĩbĩĩla, naashooka naaaĩĩla ĩaasio naikyumi numuĩ nĩnaĩngĩ tũlũ impola izi zensi. Nĩndĩo alĩ Malia nwa kuMagidala nũJoana nuMalia unina wa kĩYakobo nĩasungu naĩngĩ naalĩ ĩpalumuĩ nĩndĩo. Naaaĩĩla ĩatumua impola izi, ĩpa inkaani zaasio nazigyelela kĩna ulu kumiao, sunga sika naasuĩĩla. Ĩpa uPetelo nulongola kuukaaũ numanka kukĩbĩĩla, nutũna nukũũna munsĩ nuziona intiila zing'ene, nushooka kukaa, nukulĩlua kuzaasio naalĩ zatendekaa.


Laaa, ulutondo luuo-luuloo antu abĩlĩ pakatĩ yaao alĩ alonguĩle kukĩsaalĩ ĩliina liakue Emau, naalĩ kyĩkulĩ nukũYelusalemũ kĩna zĩ lugendo lwa nsaa zibĩlĩ. Nĩndĩo alĩ ĩkĩtambuĩla eene kueene impola za nkaani zaasio naalĩ zingyelelaa. Pĩna alĩ ĩkĩtambuĩla nukukĩkolia, ũYesu muene nuasũgamĩĩla naĩtiata nĩndĩo. Ĩpa ĩmiso maao alĩ matũlaa zĩ makũnĩkĩle aleke kumumana. Nuaĩĩla, “Izi nkaani kĩ namukĩtambuĩla itĩ pĩna mwigenda?” Naĩĩma, naasiununala kuusiu waao. Nushookeelia umuĩ waao, ĩliina liakue Kileopa, numuĩĩla, “U uue dũũne, umugenda muniYelusalemũ sunga sikumanilene naalĩ zigyelĩĩle munu intondo izi?” Nuaĩĩla, “Mpola kĩ.” Naamuĩĩla, “Mpola za kĩYesu Munazaleti naalĩ munakĩdagu munkola ngũlũ za kutenda nukwitambula ntongela ya kĩNzua nĩantu tũlũ. Kangĩ kĩna ĩapolia ĩĩtu naakulu naalĩ amupũnilie muulamulua wa kukia, naamukononteela mumusalaba. Nindiishie alĩ kulaaĩlĩĩle ya kĩna muene ukakumĩkomola ĩĨsilaeli. Kwikĩla aya tũlũ, nantende lutondo lwa katatu kwipũna pĩna zatendekelaa impola izi. Kangĩ asungu ĩĩa a kunsĩĩtu aza akutũmbile naaza endile kukĩbĩĩla padaau zigi. Sika auona umuĩlĩ waakue; aza aũgile ya kĩna igyeleelua nĩamalaĩka naaza aũgile ya kĩna waazaa mupanga. Nĩĩĩa naaza ĩĩlĩ palumuĩ nindiishie aza endile kukĩbĩĩla aona iio iioo kĩna ĩasungu naaza atambuĩle, ĩpa uyo sika amuona.” Nuaĩĩla; “Inie adĩinie namuagila kaulĩngi, namutĩĩte inkolo nandũto kwishuĩĩla tũlũ naalĩ azitambuĩle ĩanakĩdagu. Sika alĩ yumũjĩpĩĩlene uKilisito kwiaagigua itĩ, nukwiingĩla muukulu waakue.” Nuandia kwipũma uMusa nĩanakĩdagu tũlũ, nualondooselia muwandĩkua tũlũ impola naalĩ zumũjĩpĩĩle uyo umuene.
Naasũgamĩĩla kukĩsaalĩ kĩna alĩ alunziĩ, ninduyo nwĩtenda zĩ waakiikĩla. Naamupeepia naaũga, “Kyala palumuĩ nindiishie, kunsooko wiilaa numunsĩ waulaa.” Nũingĩla munumba kukikyala nĩndĩo. Pĩna alĩ ikyalansile nĩndĩo pandia, nuusola uugalĩ, nuukembeta, nuuega, nuapeela. ĩMiiso maao namakũnukulua, naamumana. Paapo nulimĩĩla ntongela yaao. Naaa kĩĩĩla, “ĩNkolo zĩĩtu sika aza zaakĩĩlene munsĩ yĩĩtu ĩpo pĩna aza kukĩtambuĩla ninduyo munzĩla nukukukũnukulĩla uwandĩkua.” Naalega ityũngo lĩĩlo-lĩĩloo, naashoka kũYelusalemũ, naaagaana ĩaasio naikyumi numuĩ ĩilingĩlĩĩle, nĩaasio naalĩ ĩpalumuĩ nĩndĩo. Naaũga, “ũShekulu wiiukaa tai-taaii, ninduyo wamwigyelelaa uSimioni!” Nĩndĩo naaaganuĩla impola za nkaani naalĩ zigyelelaa munzĩla nĩkĩna alĩ amumanile pĩna alĩ wiega uugalĩ.


Pĩna alĩ itambula ĩzaasio, uyo muene nuĩmĩka pakatĩ yaao, nuaĩĩla, “Matiliga mĩĩ kumiani.” Naĩtũmba, naoopooka pũũ, nasĩĩga ya kĩna aoonie muntũnga. Nuaĩĩla, “Nĩkĩ mwĩkunkunĩĩlie. Nĩkĩ mutĩĩte inkankani munkolo zaani? Laaaĩ ĩmĩkono yaane nĩmĩgulu yaane, ya kĩna ingĩ neene, Ntyapangĩ muone, kuitĩ umuntũnga mugila kanama nĩmakũpa kĩna namumoonie ĩne nantĩĩte. Pĩna nutambula ĩzaasio, nualagĩĩla ĩmĩkono yaakue nĩmĩgulu yaakue.” Ĩpa pĩna alĩ ikĩĩlĩ kalasuĩĩla kuulumbi nukuukulĩlua, nuaĩĩla, “Mutĩĩte kĩntune kya kulĩa ĩpa.” Naamupeela katũmpĩ ka nsĩĩ nakaaasigue. Nukasola, nulĩa ntongela yaao.
Paapo nuaĩĩla, “Izi zozi nkaani zaane naalĩ numuĩĩlĩĩle pĩna alĩ kĩlĩ nkoolĩ palumuĩ niniinie, ya kĩna ijĩpĩĩle zitimĩĩligue tũlũ naalĩ nandĩkue mumpola zaane muUlagĩĩlio wa kĩMusa numuAnakĩdagu numuMalumbĩĩlio.” Paapo nuakũnukulĩlia ĩmasala maao aulĩnge uwandĩkua. Nuaĩĩla, “Iio yandĩkue ya kĩna uKilisito ukiaagigua nukwiiuka palutondo lwa katatu, Kangĩ ya kĩna indugu tũlũ zensi zikitanantĩligua kuliina liakue impola za upelli nuuleegeligua wa mĩlandu, kwiandĩĩlia kũYelusalemũ. Niniinie niinie muakuĩli a mpola izi. Laaĩ, namuleetela kumuani ilyango lya kĩTata waane, ĩpa kyalĩ mwamu munakaa sunga mujialue ingũlũ nazipũnile kukiania.”


Nuatongeela sunga kuBetania, nunansula ĩmĩkomo yaakue nuakembeta. Pĩna alukuakembeta nwĩkamatula nĩndĩo, nusolua nutualua kwigyulu. Naamutekela, naashooka kũYelusalemũ nuulumbi ukulu. Nĩndĩo alĩ kuuzaa akoolĩ ntondo zensi muNumba ya kĩNzua, naakumukũmazukia uNzua.

Geere nke a ntị Luka 24