Kalinga, Butbut for Philippines; 2019 TAP - Non-Drama (NT)

Butbut Kalinga

<div class="version vid2381 iso6393kyb" data-vid="2381" data-iso6393="kyb">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Sa'ad Chanan Susunud Hesus Achicha Kun Mamati An Sija</div><div class="p"> 1Sachi kun kinagka'ay Hesus nan losanay ili ad Galili. Kinakayanaay achi nangagka'ay ad Judea kapu tan whayugwon chanan papangat nan Hudyu gway otojon as sija. 2Kun takangay nan pijastan chanan Hudyu gway ananchaon Pijastan nan Sikay 3gwot anan nan susunud Hesus gway lallaya'i an sija, &#8220;Lumajaw'ad asna ad ummoy'a ad Judea tot sa'ad chanan pasuyutnu ilancha hos chanan mataakan gway o'oom. 4Tan maid kun osas mangitayu san oona ad nampawhigwhig as sija sasan taku. Sa'ad tan annachaja nan o'oom ipaakammum nan longagnu san losanay taku san luhung.&#8221; 5Ama ahos chanan susunudna lallaya'i gway achicha kun tuttugwaon as sija.</div><div class="p"> 6Gwot anan Hesus an chicha, &#8220;Chaan kun humu'nag nan chimpu'. Gwon sa'ad as cha'aju mawhalinay whayangna nan chimpuway umajanju. 7Maid kun kapun nan mangisilan chanan takud asna luta an cha'aju gwon isilonchas sa'on kapu tan iwhakawhaka' nan lagwing gway o'ooncha. 8Cha'aju ekay umoy ma'apijasta. Achiya' kun umali sannaja pijasta tan sa'ad nan chimpu' chaan kun humu'nag.&#8221; 9Ingwhakana kunan sachi natchay as sija ad Galili.</div><div class="s">Nan Ummajan Hesus Na'apijastaan</div><div class="p"> 10Gwon naahus kun lummungud chachay susunudnaay ummoy na'apijasta nisu'nub ahos as sija jon achi kun nampaki'na.</div><div class="p"> 11Gwot sa'ad chanan papangat nan Hudyu anaanaponchas Hesus san sachi pijasta kun anancha, &#8220;Agwan nan agwad na sachi taku?&#8221;</div><div class="p"> 12Kun asingunguchucha san mipangkop an sija nan angsan sasay takuway naayus. Anan nan uchum an chicha, &#8220;Whayuway taku as sija.&#8221; Gwon anan nan uchum, &#8220;Wha'on, allilagwona chanan taku!&#8221; 13Gwon maid kun nangipagngor gway nanukud san mipangkop an Hesus tan umogjatcha sasan papangat nan Hudyu.</div><div class="p"> 14Anna kunay mangkikinagwa nan pijasta ummoy as Hesus san sowhan nan Templo kun illukinaay mansuyu. 15Sija nan nataag chachay papangat nan Hudyuway manggwana, &#8220;Agwamma anu nangallan nina san laingna tan achi kayna nasuyuwan san lintog ja?&#8221;</div><div class="p"> 16Gwot anan Hesus gway summungwhat an chicha, &#8220;Nan sussuyu' wha'on kus nerpu an sa'on jon nerpu san nangiwhaun an sa'on. 17Nu ngachan nan mamayuway manggwa san whayugwon Apudyus maakammugwana nan mipangkop san sussuyu' nu nerpu an Apudyus gwinnu nerpu ekay san ugwa'ay somsomo'. 18Nan takuway isuyuna nan merpu ekay san ugwanaay somsomo' sija anapona nan michajagwana. Gwon nan takuway sija anapona nan michajagwan nan nangiwhaun an sija iwhakana nan tuttuwa ja achi kun mantuli. 19Jo'o achin Moses inatod an cha'aju nan lintog? Gwon maid kun chumngor an cha'aju san lintog. Kunja kajuman whayugwonay otojon as sa'on nu'?&#8221;</div><div class="p"> 20Kun anan chachay takuway summungwhat, &#8220;Annat an si'a nan chimunju! Ngachamma mamayuway mangtoy an si'a.&#8221;</div><div class="p"> 21Anan Hesus gway summungwhat an chicha, &#8220;Nanggwaa' as osaay mataakan kun losan aju nataag.#7:21 Mawhasa san Juan 5:1-9. 22Ingwhilin Moses an cha'ajuway mansuglit aju kun chinumngor aju uyay san Erkaw gway Umillongan#7:22 Ta'on nu mijachi nan manterwhasu san Erkaw gway Umillongan, akammun Moses gway agwad nan mawhalinay ma'gwa san sanatay erkaw. Isun nan ana' nu masuglitan san Erkaw gway Umillongan gway maserpu masuglitan ad maid kun osas mapawhersu as humersu. (ta'on nu wha'on ku an Moses nan nangiluki jon chachay aammaju). 23Nu mijujaay masuglitan nan ana' san Erkaw gway Umillongan tot achi mayabsing nan lintog Moses, ka'aju malingu an sa'on san impawhayu' nan osa taku san Erkaw gway Umillongan? 24Achi aju mangu'um kapu san mailaju jon mangu'um aju kapu san tuttuwa.&#8221;</div><div class="s">Nan Imus Nan Uchumay Taku Nu Kristu As Hesus Gwinnu Wha'on</div><div class="p"> 25Gwot sachi kun anan nan uchumay iJerusalem, &#8220;Jo'o wha'onna say takuway whayugwoncha otojon? 26Gwon ilanju! Annatchaay manukuukud ekay as sija sasan taku gwon maid kun anancha an sija. Tugwakay akammun chanan papangat ta'u gway sija nan Kristu? 27Jon sa'ad nannaja taku akammu ta'u nan nerpugwana. Gwon sa'ad nu umali nan Kristu maid kun mangakammu nu agwan nan merpugwana.&#8221;</div><div class="p"> 28Sachi kun sa'ad san nansuyusuyuwan Hesus san sowhan nan Templo tinowhagna nan kingana gway manggwana, &#8220;Ananjuwon akammujus sa'on ja akammuju nan nerpugwa'. Wha'on kus ummaliya' ad asna kapu san ugwa'ay somsomo' jon tuttuwa as sija gway nangiwhaun an sa'on gway achiju kun akammu. 29Akammu' as sija kapu tan nerpuwa' an sija ja sija nan nangiwhaun an sa'on.&#8221;</div><div class="p"> 30Sija nan pinachaschaay chopapon as sija gwon maid kun nangognan an sija tan chaan ku humu'nag nan chimpuna. 31Gwon ta'on nu amaschi angsan sasan taku nan namati an sija kun anancha, &#8220;Nu umali nan Kristu ad ma'a'gwa san amod pay gway mataakanay o'oon nannaja taku?&#8221;</div><div class="s">Nan Ummajan Chanan Mangijaachug San Templo Nanpapan An Hesus</div><div class="p"> 32Chingngorn chanan Pariseo chanan taku gway ngumuchunguchu san mipangkop an Hesus. Kun whinaun chachay papangat nan papachi ja chachay Pariseo chanan mangijaachug#7:32 Sa'ad chanan mangijaachug san Templo, nerpucha san kana' Levi ad isilsilwhiyancha chanan papangat nan papachi. Sa'ad nan pangatcha apitan chanan mangijaachug san Templo gway sija nan umasi san angatuwanay pachi. san Templo tot umoycha chopapon as sija. 33Gwot anan Hesus, &#8220;Sina'itanay chimpu nan iingkagwa' an cha'aju ad asiya'ot umoy managkulin san nangiwhaun an sa'on. 34Anaponjus sa'on gwon achi aju kun ma'a'chas an sa'on ad nan umaja' achi aju kun ma'aali.&#8221;</div><div class="p"> 35Sija nan asi'a'anan chachay papangat nan Hudyu, &#8220;Agwamma anu ajan nan osaanna taku gway achi ta'u kun ma'a'chas an sija? Umoy ninas sija sasan ailijan ta'uway nasibsibta' san ilin chanan Griego tot suyuwana chanan iGriego? 36Ngachan nan pijaona anan chay ananaon, &#8216;Anapona' gwon achi aju kun ma'a'chas an sa'on&#8217; ja &#8216;Nan umaja' achi aju kun ma'aali&#8217;?&#8221;</div><div class="s">Nan Iwhakawhakan Hesus Mipangkop San Ispilitun Apudyus</div><div class="p"> 37Anungus kunan erkaw nan Pijasta gway sija nan apatkanay erkawna, summi'ad as Hesus kun tinowhagnaay manggwana, &#8220;Nu ngachan nan mauwaw umali an sa'on ad umminum. 38Tan nilista san Ukud Apudyus gway anana, &#8216;Nu ngachan nan mamati an sa'on agwad an sija nan mangatod as whijag gway isun nan chanum gway umajaajus gway nerpu san obob.&#8217; &#8221; 39Sa'ad chay ingwhakan Hesus sachi nan mipangkop san Ispilitun Apudyus gway maayan chachay namati an sija. Gwon chaan kun maatod nan Ispilitun Apudyus tan chaan kunan managkulinan Hesus ad langit gway michajagwana.</div><div class="s">Achi Ku Chanan Taku Naninnayaan San Mipangkop An Hesus</div><div class="p"> 40Gwot chingngorn ku chanan uchumay taku nan ingwhakan Hesus anan chanan uchum an chicha, &#8220;Sa'ad nannaja taku tuttuwaay sija chay profetan Apudyus!&#8221;</div><div class="p"> 41Anan nan uchum, &#8220;Sija nan Kristu!&#8221;</div><div class="p">Gwon anan nan uchum, &#8220;Wha'on kunad Galili nan merpugwan nan Kristu. 42Jo'o achi nilista san Ukud Apudyus gway sa'ad nan Kristu merpu san kana' Dabid ja mijana' ad Betlehem gway ilin Dabid?&#8221; 43Sija nan wha'on kus naninnayaan chanan taku kapu an Hesus. 44Ad nan uchum an chicha whayugwoncha chopapon as Hesus jon maid kun osas nanpap an sija.</div><div class="s">Achin Ku Chanan Papangat Nan Hudyu Tuttugwaon As Hesus</div><div class="p"> 45Gwot nanagkulin chachay mangijaachug san Templo sasan papangat nan papachi ja chachay Pariseo. Kun anan chachay papangat nan papachi ja chachay Pariseo, &#8220;Kaju achi iyalis sija ad asna?&#8221;</div><div class="p"> 46Anan chachay mangijaachug san Templo gway summungwhat, &#8220;Maid kun nanukud as isun nan iyu''ukud nan sachi taku!&#8221;</div><div class="p"> 47Gwot anan chachay Pariseo gway summungwhat an chicha, &#8220;Adja inallilawna hos cha'aju? 48Jo'o agwad namati an cha'amiyay papangatju gwinnu chanan Pariseo an sija ta? 49Jon sa'ad nannachaja takuway maid kun akammucha san Lintog gway inatod Apudyus an Moses naahuscha machusa.&#8221;</div><div class="p"> 50Ad sa'ad as Nicodemo gway huyunchaay Pariseo gway ummoy na'aapapat an Hesus san nugwan, anana an chicha, 51&#8220;Sa'ad nan lintog ta'u achi ta'u kun mawhalinay u'umon nan osa taku nu chaan ta'u chongyon nan iwhakana ja maakammugwan nu ngachan nan inggwana.&#8221;</div><div class="p"> 52Kun ananchaay summungwhat an sija, &#8220;Jo'o iGalili'a hos ta? Anapom san Ukud Apudyus ad inilam gway maid kun merpud Galili as profeta.&#8221; 53[Sachi kun nansississiyanchaay lummajaw].</div>
 </div>
 </div>
</div>

Sachi kun kinagka'ay Hesus nan losanay ili ad Galili. Kinakayanaay achi nangagka'ay ad Judea kapu tan whayugwon chanan papangat nan Hudyu gway otojon as sija. Kun takangay nan pijastan chanan Hudyu gway ananchaon Pijastan nan Sikay gwot anan nan susunud Hesus gway lallaya'i an sija, “Lumajaw'ad asna ad ummoy'a ad Judea tot sa'ad chanan pasuyutnu ilancha hos chanan mataakan gway o'oom. Tan maid kun osas mangitayu san oona ad nampawhigwhig as sija sasan taku. Sa'ad tan annachaja nan o'oom ipaakammum nan longagnu san losanay taku san luhung.” Ama ahos chanan susunudna lallaya'i gway achicha kun tuttugwaon as sija.
Gwot anan Hesus an chicha, “Chaan kun humu'nag nan chimpu'. Gwon sa'ad as cha'aju mawhalinay whayangna nan chimpuway umajanju. Maid kun kapun nan mangisilan chanan takud asna luta an cha'aju gwon isilonchas sa'on kapu tan iwhakawhaka' nan lagwing gway o'ooncha. Cha'aju ekay umoy ma'apijasta. Achiya' kun umali sannaja pijasta tan sa'ad nan chimpu' chaan kun humu'nag.” Ingwhakana kunan sachi natchay as sija ad Galili.

Gwon naahus kun lummungud chachay susunudnaay ummoy na'apijasta nisu'nub ahos as sija jon achi kun nampaki'na.
Gwot sa'ad chanan papangat nan Hudyu anaanaponchas Hesus san sachi pijasta kun anancha, “Agwan nan agwad na sachi taku?”
Kun asingunguchucha san mipangkop an sija nan angsan sasay takuway naayus. Anan nan uchum an chicha, “Whayuway taku as sija.” Gwon anan nan uchum, “Wha'on, allilagwona chanan taku!” Gwon maid kun nangipagngor gway nanukud san mipangkop an Hesus tan umogjatcha sasan papangat nan Hudyu.
Anna kunay mangkikinagwa nan pijasta ummoy as Hesus san sowhan nan Templo kun illukinaay mansuyu. Sija nan nataag chachay papangat nan Hudyuway manggwana, “Agwamma anu nangallan nina san laingna tan achi kayna nasuyuwan san lintog ja?”
Gwot anan Hesus gway summungwhat an chicha, “Nan sussuyu' wha'on kus nerpu an sa'on jon nerpu san nangiwhaun an sa'on. Nu ngachan nan mamayuway manggwa san whayugwon Apudyus maakammugwana nan mipangkop san sussuyu' nu nerpu an Apudyus gwinnu nerpu ekay san ugwa'ay somsomo'. Nan takuway isuyuna nan merpu ekay san ugwanaay somsomo' sija anapona nan michajagwana. Gwon nan takuway sija anapona nan michajagwan nan nangiwhaun an sija iwhakana nan tuttuwa ja achi kun mantuli. Jo'o achin Moses inatod an cha'aju nan lintog? Gwon maid kun chumngor an cha'aju san lintog. Kunja kajuman whayugwonay otojon as sa'on nu'?”
Kun anan chachay takuway summungwhat, “Annat an si'a nan chimunju! Ngachamma mamayuway mangtoy an si'a.”
Anan Hesus gway summungwhat an chicha, “Nanggwaa' as osaay mataakan kun losan aju nataag. Ingwhilin Moses an cha'ajuway mansuglit aju kun chinumngor aju uyay san Erkaw gway Umillongan (ta'on nu wha'on ku an Moses nan nangiluki jon chachay aammaju). Nu mijujaay masuglitan nan ana' san Erkaw gway Umillongan tot achi mayabsing nan lintog Moses, ka'aju malingu an sa'on san impawhayu' nan osa taku san Erkaw gway Umillongan? Achi aju mangu'um kapu san mailaju jon mangu'um aju kapu san tuttuwa.”

Gwot sachi kun anan nan uchumay iJerusalem, “Jo'o wha'onna say takuway whayugwoncha otojon? Gwon ilanju! Annatchaay manukuukud ekay as sija sasan taku gwon maid kun anancha an sija. Tugwakay akammun chanan papangat ta'u gway sija nan Kristu? Jon sa'ad nannaja taku akammu ta'u nan nerpugwana. Gwon sa'ad nu umali nan Kristu maid kun mangakammu nu agwan nan merpugwana.”
Sachi kun sa'ad san nansuyusuyuwan Hesus san sowhan nan Templo tinowhagna nan kingana gway manggwana, “Ananjuwon akammujus sa'on ja akammuju nan nerpugwa'. Wha'on kus ummaliya' ad asna kapu san ugwa'ay somsomo' jon tuttuwa as sija gway nangiwhaun an sa'on gway achiju kun akammu. Akammu' as sija kapu tan nerpuwa' an sija ja sija nan nangiwhaun an sa'on.”
Sija nan pinachaschaay chopapon as sija gwon maid kun nangognan an sija tan chaan ku humu'nag nan chimpuna. Gwon ta'on nu amaschi angsan sasan taku nan namati an sija kun anancha, “Nu umali nan Kristu ad ma'a'gwa san amod pay gway mataakanay o'oon nannaja taku?”

Chingngorn chanan Pariseo chanan taku gway ngumuchunguchu san mipangkop an Hesus. Kun whinaun chachay papangat nan papachi ja chachay Pariseo chanan mangijaachug san Templo tot umoycha chopapon as sija. Gwot anan Hesus, “Sina'itanay chimpu nan iingkagwa' an cha'aju ad asiya'ot umoy managkulin san nangiwhaun an sa'on. Anaponjus sa'on gwon achi aju kun ma'a'chas an sa'on ad nan umaja' achi aju kun ma'aali.”
Sija nan asi'a'anan chachay papangat nan Hudyu, “Agwamma anu ajan nan osaanna taku gway achi ta'u kun ma'a'chas an sija? Umoy ninas sija sasan ailijan ta'uway nasibsibta' san ilin chanan Griego tot suyuwana chanan iGriego? Ngachan nan pijaona anan chay ananaon, ‘Anapona' gwon achi aju kun ma'a'chas an sa'on’ ja ‘Nan umaja' achi aju kun ma'aali’?”

Anungus kunan erkaw nan Pijasta gway sija nan apatkanay erkawna, summi'ad as Hesus kun tinowhagnaay manggwana, “Nu ngachan nan mauwaw umali an sa'on ad umminum. Tan nilista san Ukud Apudyus gway anana, ‘Nu ngachan nan mamati an sa'on agwad an sija nan mangatod as whijag gway isun nan chanum gway umajaajus gway nerpu san obob.’ ” Sa'ad chay ingwhakan Hesus sachi nan mipangkop san Ispilitun Apudyus gway maayan chachay namati an sija. Gwon chaan kun maatod nan Ispilitun Apudyus tan chaan kunan managkulinan Hesus ad langit gway michajagwana.

Gwot chingngorn ku chanan uchumay taku nan ingwhakan Hesus anan chanan uchum an chicha, “Sa'ad nannaja taku tuttuwaay sija chay profetan Apudyus!”
Anan nan uchum, “Sija nan Kristu!”
Gwon anan nan uchum, “Wha'on kunad Galili nan merpugwan nan Kristu. Jo'o achi nilista san Ukud Apudyus gway sa'ad nan Kristu merpu san kana' Dabid ja mijana' ad Betlehem gway ilin Dabid?” Sija nan wha'on kus naninnayaan chanan taku kapu an Hesus. Ad nan uchum an chicha whayugwoncha chopapon as Hesus jon maid kun osas nanpap an sija.

Gwot nanagkulin chachay mangijaachug san Templo sasan papangat nan papachi ja chachay Pariseo. Kun anan chachay papangat nan papachi ja chachay Pariseo, “Kaju achi iyalis sija ad asna?”
Anan chachay mangijaachug san Templo gway summungwhat, “Maid kun nanukud as isun nan iyu''ukud nan sachi taku!”
Gwot anan chachay Pariseo gway summungwhat an chicha, “Adja inallilawna hos cha'aju? Jo'o agwad namati an cha'amiyay papangatju gwinnu chanan Pariseo an sija ta? Jon sa'ad nannachaja takuway maid kun akammucha san Lintog gway inatod Apudyus an Moses naahuscha machusa.”
Ad sa'ad as Nicodemo gway huyunchaay Pariseo gway ummoy na'aapapat an Hesus san nugwan, anana an chicha, “Sa'ad nan lintog ta'u achi ta'u kun mawhalinay u'umon nan osa taku nu chaan ta'u chongyon nan iwhakana ja maakammugwan nu ngachan nan inggwana.”
Kun ananchaay summungwhat an sija, “Jo'o iGalili'a hos ta? Anapom san Ukud Apudyus ad inilam gway maid kun merpud Galili as profeta.” [Sachi kun nansississiyanchaay lummajaw].

Geere nke a ntị Juan 7