If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkMAT">
 <div class="chapter ch15" data-usfm="MAT.15">
 <div class="label">15</div><div class="s">Mirighido ya wana ake</div><div class="r">(Marko 7:1-13)</div><div class="p"> 1Nao Wafarisayo na Walimu wa Sheria wakamjila Jesu kufuma Jerusalemu na wakamkotela, 2&#8220;Kudani wairimi wako wavunjagha mirighido ya wana ake? Kwani siwaogheshagha mikonu wekelya.&#8221; 3Jesu kawatumbulila, &#8220;Kudani inyo muvunjagha milomu ya Mlungu kwa undu ghwa mirighido yenyu? 4Kwani Mlungu wanaghorire, &#8216;Umhawe ishima tatio na meo na uyu eghoragha laghelaghe ighulu ya tatie na mee yanamufweni kufwa.&#8217; 5Ela inyo mwafundisa, Ilyi mundu amuza tatie ango mee, &#8216;Ichi oluo upate kwangu namhawa Mlungu.&#8217; 6Nao ati semuhawagha tatie ishima! Kwa hung'u mwahakila milomu ya Mlungu kwa kuirima ada zenyu. 7Inyo wandu wa ngolo mbili. Ado Isaya satondole karakara ighulu yenyu keghamba:</div><div class="q1"> 8&#8216;Wandu awa wanihawa ishima na mlomu, waghora Mlungu,</div><div class="q1">ela ngolo zawe zio kulele nemi.</div><div class="q1"> 9Wanitasa bule,</div><div class="q1">kwa kukala wafundisa mafundiso gha wandu</div><div class="q1">sa kuzo ni Sheria zangu.&#8217;&#8221;</div><div class="s">Malagho ghamuluisagha mundu</div><div class="r">(Marko 7:14-23)</div><div class="p"> 10Nao Jesu kawapang'a wandu na kuwauza, &#8220;Sikizileni na mtambule! 11Si ichi chingi chingilagha na mlomu chimdeagha mundu kuluwa, sala ni ichi chifumagha mlomuni, nicho chimdeagha kuluwa.&#8221;</div><div class="p"> 12Nao wairimi wekeja wakamuza, &#8220;Ela wamanya kamba Wafarisayo wawasilo ni agha malagho ghako waghora?&#8221; 13Jesu kawatumbulila, &#8220;Kila mwiti sighowandilo ni Aba wa mlunguni ghukulogho. 14Wasigheni, kwani ni vilongozi vifondo. Na kifondo kamlongoza kifondo mumbawe, wose waili wepotokagha kineni.&#8221; 15Ela Petro kamuza, &#8220;Tighorere kutambula kwa ilyi ikataniso.&#8221; 16Jesu kawauza, &#8220;Ado nanyose simutambukilogho? 17Ado simumanyagha kamba icho chimungilagha mundu chanangilagha kifu na kufuma kele muli. 18Ela ichi chifumagha mlomuni chanafumagha ngoloni na ichi nicho chimuluisagha mundu. 19Kwani ngoloni niko kufumagha maririkanyo ghawase, uulaghi, uzingi, uting'a, ndimi na matukano. 20Agha nigho ghamuluisagha mundu. Ela kulya na mikonu siyewoghesho siimuluwisagha mundungi.&#8221;</div><div class="s">Idumusi lya muke</div><div class="r">(Marko 7:24-30)</div><div class="p"> 21Nao Jesu kafuma alye kaghenda gasi ya Tiro na Sidoni. 22Nao muke mumoju Mkanaani wa alye kamjila kemlilila, &#8220;Ee Bwana, Mwana wa Daudi unifwile waya! Mchana wangu uwo na pepo.&#8221; 23Ela Jesu samutumbulile kindu chingi. Wairimi wake wakamjila wakamuza, &#8220;Muze aghende kwani ondetiirima kelila.&#8221; 24Jesu katumbulila, &#8220;Imi nanatumilo kwa wandu wahaite wa Israeli tu.&#8221; 25Ela ulya muke keja kamdyaila ngokoro kemuza, &#8220;Bwana niwarure.&#8221; 26Jesu kamutumbulila, &#8220;Si kirani kungi kuusa chakulya cha wana na kuchikumbila chuchu.&#8221; 27Naye kamtumbulila, &#8220;Ni fulo Bwana, ela hata chuchu zanalyighagha misusure ipotokagha kele meza ya bwana wawe.&#8221; 28Nao Jesu kamtumbulila, &#8220;Uwe nuwe muke ewo na idumusi ibwaa, deilo selyi ushaile.&#8221; Nao mchana wake kaboa iyo ngelo yenyi.</div><div class="s">Jesu kuboesa wandu wengi</div><div class="p"> 29Nao Jesu kafuma alye na kaghenda mbalimbali ya bahari ya Galilaya. Nao kajoka mghondini, kakala kitembo. 30Makoghano mabwaa ghakamjila, wekemuletela washoghori vifondo, siwedimagha kughenda, bubu na wazima wengi weluo wakongo wakawaika maghuluni kwa Jesu, naye kawaboesa wose. 31Makoghano wakashinika waona bubu wekeghora, siwedima kughenda waboa, washoghori wekeghenda na vifondo wekeona. Nao wakamlika Mlungu wa Israeli.</div><div class="s">Jesu kulyisa walume elfu ine</div><div class="r">(Marko 8:1-10)</div><div class="p"> 32Nao Jesu kawapang'a wairimi wake kawauza, &#8220;Nendewafwila waya makoghano, kwa kukala wakalanya nemi majua matatu siwelyile kindu chingi na sishaile niwagalise njala siwejewato ni msare ngileni.&#8221; 33Nao wairimi wakamuza, &#8220;Tipatilagha hiyo mikate aha kireti yelyisa makoghano mabwaa sa agha?&#8221; 34Nao Jesu kawakotela, &#8220;Muo na mikate milinga?&#8221; Wakatumbulila, &#8220;Mfungate na makumba machache.&#8221; 35Nao Jesu kawauza makoghano wakale kitembo msangeni. 36Kausa ilya mikate mfungate na makumba, kamufunyila Mlungu asanta, kaivunja, na kawahawa wairimi, na wairimi wakawahawa makoghano. 37Nawo wose wakalya wakaghuta. Nao wairimi wakashowa misusure yehangalike wakajuza vikapu mfungate. 38Nawo wandu walyile weluo walume elfu ine sikweo kutala wake na wanake. 39Nao Jesu kalaga wandu, kajoka kele mashua kaghenda isanga lya Magadani.</div>
 </div>
 </div>
</div>

Nao Wafarisayo na Walimu wa Sheria wakamjila Jesu kufuma Jerusalemu na wakamkotela, “Kudani wairimi wako wavunjagha mirighido ya wana ake? Kwani siwaogheshagha mikonu wekelya.” Jesu kawatumbulila, “Kudani inyo muvunjagha milomu ya Mlungu kwa undu ghwa mirighido yenyu? Kwani Mlungu wanaghorire, ‘Umhawe ishima tatio na meo na uyu eghoragha laghelaghe ighulu ya tatie na mee yanamufweni kufwa.’ Ela inyo mwafundisa, Ilyi mundu amuza tatie ango mee, ‘Ichi oluo upate kwangu namhawa Mlungu.’ Nao ati semuhawagha tatie ishima! Kwa hung'u mwahakila milomu ya Mlungu kwa kuirima ada zenyu. Inyo wandu wa ngolo mbili. Ado Isaya satondole karakara ighulu yenyu keghamba:
‘Wandu awa wanihawa ishima na mlomu, waghora Mlungu,
ela ngolo zawe zio kulele nemi.
Wanitasa bule,
kwa kukala wafundisa mafundiso gha wandu
sa kuzo ni Sheria zangu.’”


Nao Jesu kawapang'a wandu na kuwauza, “Sikizileni na mtambule! Si ichi chingi chingilagha na mlomu chimdeagha mundu kuluwa, sala ni ichi chifumagha mlomuni, nicho chimdeagha kuluwa.”
Nao wairimi wekeja wakamuza, “Ela wamanya kamba Wafarisayo wawasilo ni agha malagho ghako waghora?” Jesu kawatumbulila, “Kila mwiti sighowandilo ni Aba wa mlunguni ghukulogho. Wasigheni, kwani ni vilongozi vifondo. Na kifondo kamlongoza kifondo mumbawe, wose waili wepotokagha kineni.” Ela Petro kamuza, “Tighorere kutambula kwa ilyi ikataniso.” Jesu kawauza, “Ado nanyose simutambukilogho? Ado simumanyagha kamba icho chimungilagha mundu chanangilagha kifu na kufuma kele muli. Ela ichi chifumagha mlomuni chanafumagha ngoloni na ichi nicho chimuluisagha mundu. Kwani ngoloni niko kufumagha maririkanyo ghawase, uulaghi, uzingi, uting'a, ndimi na matukano. Agha nigho ghamuluisagha mundu. Ela kulya na mikonu siyewoghesho siimuluwisagha mundungi.”


Nao Jesu kafuma alye kaghenda gasi ya Tiro na Sidoni. Nao muke mumoju Mkanaani wa alye kamjila kemlilila, “Ee Bwana, Mwana wa Daudi unifwile waya! Mchana wangu uwo na pepo.” Ela Jesu samutumbulile kindu chingi. Wairimi wake wakamjila wakamuza, “Muze aghende kwani ondetiirima kelila.” Jesu katumbulila, “Imi nanatumilo kwa wandu wahaite wa Israeli tu.” Ela ulya muke keja kamdyaila ngokoro kemuza, “Bwana niwarure.” Jesu kamutumbulila, “Si kirani kungi kuusa chakulya cha wana na kuchikumbila chuchu.” Naye kamtumbulila, “Ni fulo Bwana, ela hata chuchu zanalyighagha misusure ipotokagha kele meza ya bwana wawe.” Nao Jesu kamtumbulila, “Uwe nuwe muke ewo na idumusi ibwaa, deilo selyi ushaile.” Nao mchana wake kaboa iyo ngelo yenyi.

Nao Jesu kafuma alye na kaghenda mbalimbali ya bahari ya Galilaya. Nao kajoka mghondini, kakala kitembo. Makoghano mabwaa ghakamjila, wekemuletela washoghori vifondo, siwedimagha kughenda, bubu na wazima wengi weluo wakongo wakawaika maghuluni kwa Jesu, naye kawaboesa wose. Makoghano wakashinika waona bubu wekeghora, siwedima kughenda waboa, washoghori wekeghenda na vifondo wekeona. Nao wakamlika Mlungu wa Israeli.


Nao Jesu kawapang'a wairimi wake kawauza, “Nendewafwila waya makoghano, kwa kukala wakalanya nemi majua matatu siwelyile kindu chingi na sishaile niwagalise njala siwejewato ni msare ngileni.” Nao wairimi wakamuza, “Tipatilagha hiyo mikate aha kireti yelyisa makoghano mabwaa sa agha?” Nao Jesu kawakotela, “Muo na mikate milinga?” Wakatumbulila, “Mfungate na makumba machache.” Nao Jesu kawauza makoghano wakale kitembo msangeni. Kausa ilya mikate mfungate na makumba, kamufunyila Mlungu asanta, kaivunja, na kawahawa wairimi, na wairimi wakawahawa makoghano. Nawo wose wakalya wakaghuta. Nao wairimi wakashowa misusure yehangalike wakajuza vikapu mfungate. Nawo wandu walyile weluo walume elfu ine sikweo kutala wake na wanake. Nao Jesu kalaga wandu, kajoka kele mashua kaghenda isanga lya Magadani.

Geere nke a ntị Matayo 15