Lik - 2013 WBT (NT) Non Drama

Lik - 2013 WBT (NT) Drama

<div class="version vid3865 iso6393eip" data-vid="3865" data-iso6393="eip">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Yesus arye asing kunanye biti, kwetebuk yupu</div><div class="p"> 1Yesus ara, Allah si erelamik aik dam batakuka yukak banmok talak ara, asing kunanye eibuk. Anye bira, el lin birye deibuk talak arye ubuka, el mitik ulamuk talak arye dipdongobuka, anoutam talak nirya ara, asing kunanye ulamuk. 2Yesus wipdeiyamuk nang, 12 nang ap, Yesus ap banmeka anya arye, sikce Yesus ati asipdeyik. &#8220;Naio,#9:2 naio &#8211; Yunani yupu noutamak ara &#8216;Rabi&#8217; nyalamik. Ayupu deiyok ara, Allah yupu peterena deiyoknye ati nyanyake. anye birye asing kun mi deibika deiyok ara, yata arye do? Deiyok ara, el li ap, el lin ap malye winilamrika deice arye, asing kun mi deiprik do? Anye bira elcuk malye ulamukba, adeiyok arye asing kunanye ulul do?&#8221; nyabuka asipdeyik.</div><div class="p"> 3Asipdeyikba, Yesus arye tamubuka nyabuk. &#8220;Anye bira el li ap, el lin ap ura, el ap, malye winilamika deice arye, asing kunanye kum ulule. Aning ara, pia kum bukni, el mitik mi deibik talak asing kubuka deiyok ara, &#8216;Allah arye anye biti melibuka pil dopliba, ninye eibikirye, se, Allah arye pil dolye ning ara, weik mambul, kel kipnamak&#8217; tenen, el asing kubuke.</div><div class="p"> 4Domon yupu arye nyapnusine. Ara keting noutam tuba uplye talak nirya ara, na dopdeipnuknye, el piluk adiparyuk donamabe. Iniplyopura, kuna yanamle talak ara, tonoknye babye pil kum dopmanto unamake. 5Nara, tukwak mutuku noutamak tuba unun talak nirya ara, ninye im sirya, mutuku sirya ati, sik kanye talima Dirina deiyoknye unune.&#8221; Yesus arye nyabuk.</div><div class="p"> 6Yesus arye nyabukopura, si maka tuku deice tulupdongobuka, Yesus el maka ap, tuku ap tabakukce, bental atonun winibuk ning dobuka, asing kunanye, el asing deice likdeibuk. 7Likdeibukce, asing kunanye biti, nyabuk. &#8220;Anda, mekwen si ara Siloam mekwen bimince, amekwen kwebuka an asing mek likilbilyame,&#8221; nyabuk. (Amekwen si Siloam deiyok ara, Yunani yupu deice arye, &#8220;Dopdeibuk ning,&#8221; nyabuka asi nyalamik.) Yesus arye anye biti ayupu nyapdeipmok touk, amekwen binuka, el asing mek likuk. Winibuka deice arye, el aik tamubuka yayuk talak ara, el asing teleb kibukura, aning nirya eibuk.</div><div class="p"> 8Anye bira el asing teleb kibukba, aik tamubuka yayuk talak ara, el aik dam ulamik ninye ap, anye birye, &#8216;Na melina ati, yo bok talye arepnamniyak&#8217; tenen, morolamuk talak elilamik nang ap arye eibik. Eibikce, sikda, &#8220;Se, &#8216;Yo bok talye arepnamniyak&#8217; tenen, bisik lilunak bukuka morolamuknye bira, anye akunum daribe?&#8221; nyabuka lukdayik. 9Nyanmekba, ton nang arye, &#8220;Diba asing kuamuknye bira, el akunuma,&#8221; nyabik bukni, yuk nang ara, &#8220;Kume, anye bira, asing kunanye urasin atonun ulul bukni, elda yuknye ulule,&#8221; nyabik. Sik nyanmek bukni, asing kuamuk bukni, Yesus akunum kwetebuknye birye nyabuk. &#8220;Kume, asing kuamnuknye bira, na akunuma. Yuknye kume,&#8221; nyabuk.</div><div class="p"> 10Nyabukba, anang arye, &#8220;Ati yata wiribuka an asing akunum teleb upmakil do?&#8221; nyabuka asipdeyik. 11Asipdeyikura, anye birye nyabuk. &#8220;Kume, el si ara Yesus nyanyaknye birye, maka tulupdeibuka, na asing deice likdeipnukce, &#8216;Anda Siloam mekwen dam mek likilbilyame,&#8217; nyapnue. Nyapnua anya arye, Siloam mekwen binuka mek likmanuba, na asing akunum teleb upnile,&#8221; nyabuk. 12Nyabukba, sikce, &#8220;Anyapmalamnye bira, wini talak dan tam mutuku ulul do?&#8221; nyabuka asipdeyik. Asipdeyikura, anye birye, &#8220;Na walwale,&#8221; nyabuk.</div><div class="s">Farisi nang arye, asing kwetepdeibuknye biti, nyanmek yupu</div><div class="p"> 13Awekmek ninye arye, asing kuamuk bukni, Yesus akunum kweteibuknye bobuka, Farisi nang sik dam boyayik. 14Ura, Yesus arye el maka ap, tuku ap tabakuka bental kintinibuka, asing kuamuknye, el asing kwetepdeipmok sum ara, talye sum kume. Asum ara, sik Yahudi yala ninye arye, Allah el si erena ati, pil dona kum anye dikdik selamik sum, Sabat sum arye kwetebuk. 15Aning ati ara, sik Farisi nang arye anye biti, nyabik. &#8220;Yata wiripmakilba, an asing teleb kipdeipmakil do? Laka nyapsilyame,&#8221; nyabuka asipdeyik. Asipdeyikura, anye birye sikti, nyabuk. &#8220;Kume, Yesus arye bental dobuka, na asing deice likdeipmanilba, mek likmanopura, wini talak teleb ubuka elinmane,&#8221; nyabuk.</div><div class="p"> 16Nyabukba, sik Farisi nang kan-kan ton nang arye nyabik. &#8220;Akunuma, Allah arye nyabukura, Musa sekamuk yupu ara, &#8216;Sabat sum deice ara, pil dona kum aniryuk, dikdik senamlulume,&#8217; nyasulul bukni, Yesus arye anye bira el asing kwetepdeipmo deice arye, pil dopmoa anya arye, Allah el yupu yanipmale. Ati, anye Yesus ara, Allah arye wibuka nun damak dopdeipsuknye kum ulule,&#8221; nyabik. Nyabik bukni, ton nang arye, &#8220;Kume, ninye winipmanto kum pil donmala ara, malinye ulamtu toura, yata wiribuka apil doptu do?&#8221; nyabik.</div><div class="p">Winibuka yuk-yuk tenebuka nyanmeka ati, tonok kanyeuk bobuka kum unmek. 17Kanye yuk-yuk bobuka unmek bukni, sirye ara asing kwetepmoknye biti asipdeyik. &#8220;An dan do? An asing kweteipmakilba, akunum teleb elinmalama anya arye, ance el Yesus ati, yata tenepmalam do? Aning ara laka nyapsilyame,&#8221; nyabik. Nyabikura, anye birye tamubuka nyabuk. &#8220;Kume, na kanye ara, anye bira, Allah el yupu laka nyana deiyoknye, nabinye ulule, tenepne,&#8221; nyabuk.</div><div class="p"> 18Sik Yahudi yala deiyok nang arye, asing kunanye biti, &#8216;El asing kuamuk bukni, wini talak akunum kweteibukura, telebuk ulule&#8217; tenen, min diba kum tenenmek. Sikce, &#8216;Kume, anye bira asing kum kuamuke. Elce talye yupu uk nyanmasile,&#8217; tenenmek. Tenenmeka ati, asing kuamuknye, el li ap, el lin ap ati yukubikba, yarik. Yarikura, asipdeyik. 19&#8220;Anggunce laka nyapsururume. Anye bira, dipkoprop anggun mi do? Anggunce deiamlum talak arye diprongobuka, anoutam talak nirya ara, dipkoprop asing kuamuknye ulamuk do, kum do? Asing kuamtunye ulamtu toura, wini talak yata wiribuka asing teleb uptuba teleb ubuka eiptu do?&#8221; nyabuka asipdeyik.</div><div class="p"> 20Asipdeyikba, anye el li ap, el lin ap arye nyaprik. &#8220;Nun kele, anye bira dipkoprop nun mi ulule. Tonda, nunce deipnumu talak arye el asing kuamuke. 21Bukni, yata wiribuka deice arye wini talak el asing teleb upmalba, dinmala ara, nun walwale. Tonda, yatanye birye el asing kwetepdeipmak do, aning ara, nun walwale. Bukni, nun mi ara, mitik mi kuma ati, anggunce elti, asipdelulume. El bidamnye arye laka nyapsute,&#8221; nyaprik.</div><div class="p"> 22Ara, asing kuamuknye, el li ap, el lin ap ayupu nyaprika deiyok ara ani. Ara, sik Yahudi yala deiyok nang arye nyabik.</div><div class="p">&#8220;Yata ninye do nirya, &#8216;Allah arye wipdeiamuknye, ninye lyepnamle&#8217; tenen, Kristus ara,#9:22 Kristus &#8211; Ibrani yupu deice arye, &#8216;Mesias sekik bukni, Yunani yupu ara &#8216;Kristus nyanyake. Nun babye asi bitinye nyaptibye bukni, ayupu deiyok ara, tonoka. Ara, Ninye Lyena Deiyoknye atia. Tonda, lak len yupu nomor 3 dipdelulume. Yesus aulule. &#8216;Elda Ninye Lyenanye ulule,&#8217; tenebikirye, nyabikcopura, nunce wenepnamabe. Ara, nun Allah yupu kekenyap aik, tuba tamubuka tonap kum yatinge. Nunce anang batakibiba, sik talyeuk unamake,&#8221; nyabik.</div><div class="p">Ayupu nyabik ning ara, anye el li ap, el lin ap akunum kekebuka kel bikamrik ati, sik ilil ati, asum nyapmarik yupu nyaprik. 23Anye el li ap, el lin ap arye, &#8220;Nun mi ara mitik mi kumanya arye, anggunce elti, asipdelulume,&#8221; nyaprika ara, Yahudi yala deiyok nang arye, &#8216;Allah yupu aik kum bitume, nyapsikcak&#8217; tenen, ilil ubukba, ayupu nyaprik.</div><div class="p"> 24Sik Farisi nang ila tonap, like bitinye ning ara, asing kwetepmoknye yukubikba, yayukura, nyabik. &#8220;Anda, &#8216;Allah aryuk kweteipnuke,&#8217; nyabuka, Allah el siuk erepnamlyame. Nun kele, Yesus nyapmasilamnye bira, malinye ulule,&#8221; nyabik. 25Nyabikba, asing kwetepdeibuknye birye sikti, tamubuka nyabuk. &#8220;Anye Yesus ara, malinye ulul do, kum do? Aning ara na walwal bukni, tonok ning dipkoprop kel bikmana ara, asing kuamnuk bukni, wini talak ara kweteipmanilba, teleb ubuka elinune,&#8221; nyabuk.</div><div class="p"> 26Nyabukura, Farisi nang arye, &#8220;An asing ati yata wiripmakil do? Yata wiribuka arye an asing kwetepdeipmakuk do?&#8221; nyabuka asipdeyik. 27Asipdeyikura, anye birye tamubuka nyabuk. &#8220;Aning ara, arup akunum laka nyabuka nyapmasunu bukni, anggunda anye Yesus ati lik teneluluma ati, na yupu kum kekepmanulume. Yata ati, &#8216;Ila tonap nyapsutuba, kekeptibye,&#8217; tenepmalum do? Ara anggunce, &#8216;Kume, Yesus el yupu kekebuka dobolbanyap nang unamabe,&#8217; tenepmalumce, nyapnulum do?&#8221; nyabuk.</div><div class="p"> 28Nyabukura, aFarisi nang arye asing kuamukak kweteipmoknye biti, el nong deice malye yupu ap, ninye wan yupu ap, weik arye nyanmek. Tonda nyabik. &#8220;Anda, anye el yupu kekebuka melinauk ulyame. Bukni, nunda Musa el sekamuk yupu dib tenebuka dobolbanyabe. 29Nun kele. Allah arye Musa ati, yupu nyamukba, kekebuka sekeipsuk bukni, anye Yesus ara, el deiamik mutuku, el mutuku koprop ara nun walwale,&#8221; nyabik. 30Nyanmek ati, asing kwetepmoknye birye nyabuk. &#8220;Se, aning nyapnulum ning ara, kekepnarye, lukdanmane. Aning yata wiribuka nyapnutum do? Anye birye na asing kuamnuk ara, kwetepmanil bukni, el mutuku koprop tuba kum tenepmalum do?</div><div class="p"> 31Nun nirya kele. Malye tuba wininyak ninye arye Allah ati moroptinga babye, sik morobice ning Allah arye kum kekelule. Allah el ulul ning ap, el nyasilye yupu ap ulye touk, aninguk talibuka diksukumuk ululnye birye morolye yupu ara, Allah arye kekelule. 32Anggun deiamsik talak arye diprongobuka, atalak nirya asing kuamuknye, talye ninye arye kwetelamikbuk, ayupu ton kekelamubu do? Kume, ara kum winipmanto ning anya arye, aning ara pia kum kekelamubu. 33Anye Yesus ara, Allah arye kum dopdeiamtopura, ninye kum winipmanto ning, weik mambul pil tonok ning babye kum doptue,&#8221; nyabuk.</div><div class="p"> 34Asing kwetepmoknye birye nyabukba, sik Farisi nang arye nyabik. &#8220;An deiamkik talak arye diprongobuka wini talak nirya ara, anda pia malinye akunum ulyama anya arye, ance wenebuka peterepsilam ning ara, yata ati do? Anda pia malinye biti, bindoplyame,&#8221; nyabikce, anye bira dobuka bai tam dopkwetebik.</div><div class="s">Yesus arye, Farisi nang ati, nyabuk yupu</div><div class="p"> 35Farisi nang arye yu ubukba, asing kuamukbuk, Yesus kwetebuknye dobuka, bai tam dopkwetebik ning ara, yuk nang arye nyalbiyikba, Yesus kekebuk. Aminyan talak Yesus ap, asing kuamukba, akunum kwetebuknye ap epdarikura, Yesus arye anye biti nyabuk. &#8220;An dan do? Ninye Mi Koprop Atonunye ati, diba tenelyam do?&#8221; nyabuka asipdeyuk. 36Asipdeyukura, anye birye Yesus ati nyabuk. &#8220;Naio, anye bira yatanye do? Ance laka nyapnutumba, dib tenepnamane,&#8221; nyabuk.</div><div class="p"> 37Nyabukura, Yesus arye, &#8220;Ninye Mi Koprop Atonunye bira akunum eipmanilame. Dipkoprop ara, el ap yupu talipmaname. Na aunune,&#8221; nyabuk. 38Nyabukba, asing kwetepmoknye birye, Yesus ati nyabuk. &#8220;Naio, anda Ninye Deiyoknye biti dib tenekunune,&#8221; nyabuka, Yesus el si erebukce, kibuk.</div><div class="p"> 39Winibukura, Yesus domon yupu deice arye nyabuk. &#8220;Nara, ninye nirya sik yupu bokolina ati tukwak mutuku yase. Ara, asing kun nang atonun ninye lakak eipnamak bukni, &#8216;Nun akunum eibuka aning nirya akunum kel kinyabe,&#8217; tenelanyak ninye ara, &#8216;Asing kun nang atonun unamak&#8217; tenen, yupu bokolina ati yase,&#8221; Yesus arye nyabuk.</div><div class="p"> 40Yesus arye nyabukba, el dam unmek Farisi nang kekebikce, asipdeyik. &#8220;Anda yata yupu nyapsilam do? Nun Farisi nang babye, &#8216;Asing kun nang atonun unyak&#8217; tenen, nyapmasilam do?&#8221; nyabik. 41Nyabikba, Yesus arye tamubuka sik Farisi nang ati nyabuk. &#8220;Dipkoprop asing kun ninye ulamtumopura, anggun malye winimunye ning ara, anggun nong deiceuk tuba kum upsute. Bukni, wini talak anggunda, &#8216;Nunce eibuka kel bikinyabe,&#8217; nyabuka talima erelamunya ati, anggun malye winimunye ning nirya ara, anggun nong deice tuba upsilyopura, Allah arye wenepnamsile,&#8221; Yesus arye nyabuk.</div>
 </div>
 </div>
</div>

Yesus ara, Allah si erelamik aik dam batakuka yukak banmok talak ara, asing kunanye eibuk. Anye bira, el lin birye deibuk talak arye ubuka, el mitik ulamuk talak arye dipdongobuka, anoutam talak nirya ara, asing kunanye ulamuk. Yesus wipdeiyamuk nang, 12 nang ap, Yesus ap banmeka anya arye, sikce Yesus ati asipdeyik. “Naio, anye birye asing kun mi deibika deiyok ara, yata arye do? Deiyok ara, el li ap, el lin ap malye winilamrika deice arye, asing kun mi deiprik do? Anye bira elcuk malye ulamukba, adeiyok arye asing kunanye ulul do?” nyabuka asipdeyik.
Asipdeyikba, Yesus arye tamubuka nyabuk. “Anye bira el li ap, el lin ap ura, el ap, malye winilamika deice arye, asing kunanye kum ulule. Aning ara, pia kum bukni, el mitik mi deibik talak asing kubuka deiyok ara, ‘Allah arye anye biti melibuka pil dopliba, ninye eibikirye, se, Allah arye pil dolye ning ara, weik mambul, kel kipnamak’ tenen, el asing kubuke.
Domon yupu arye nyapnusine. Ara keting noutam tuba uplye talak nirya ara, na dopdeipnuknye, el piluk adiparyuk donamabe. Iniplyopura, kuna yanamle talak ara, tonoknye babye pil kum dopmanto unamake. Nara, tukwak mutuku noutamak tuba unun talak nirya ara, ninye im sirya, mutuku sirya ati, sik kanye talima Dirina deiyoknye unune.” Yesus arye nyabuk.
Yesus arye nyabukopura, si maka tuku deice tulupdongobuka, Yesus el maka ap, tuku ap tabakukce, bental atonun winibuk ning dobuka, asing kunanye, el asing deice likdeibuk. Likdeibukce, asing kunanye biti, nyabuk. “Anda, mekwen si ara Siloam mekwen bimince, amekwen kwebuka an asing mek likilbilyame,” nyabuk. (Amekwen si Siloam deiyok ara, Yunani yupu deice arye, “Dopdeibuk ning,” nyabuka asi nyalamik.) Yesus arye anye biti ayupu nyapdeipmok touk, amekwen binuka, el asing mek likuk. Winibuka deice arye, el aik tamubuka yayuk talak ara, el asing teleb kibukura, aning nirya eibuk.
Anye bira el asing teleb kibukba, aik tamubuka yayuk talak ara, el aik dam ulamik ninye ap, anye birye, ‘Na melina ati, yo bok talye arepnamniyak’ tenen, morolamuk talak elilamik nang ap arye eibik. Eibikce, sikda, “Se, ‘Yo bok talye arepnamniyak’ tenen, bisik lilunak bukuka morolamuknye bira, anye akunum daribe?” nyabuka lukdayik. Nyanmekba, ton nang arye, “Diba asing kuamuknye bira, el akunuma,” nyabik bukni, yuk nang ara, “Kume, anye bira, asing kunanye urasin atonun ulul bukni, elda yuknye ulule,” nyabik. Sik nyanmek bukni, asing kuamuk bukni, Yesus akunum kwetebuknye birye nyabuk. “Kume, asing kuamnuknye bira, na akunuma. Yuknye kume,” nyabuk.
Nyabukba, anang arye, “Ati yata wiribuka an asing akunum teleb upmakil do?” nyabuka asipdeyik. Asipdeyikura, anye birye nyabuk. “Kume, el si ara Yesus nyanyaknye birye, maka tulupdeibuka, na asing deice likdeipnukce, ‘Anda Siloam mekwen dam mek likilbilyame,’ nyapnue. Nyapnua anya arye, Siloam mekwen binuka mek likmanuba, na asing akunum teleb upnile,” nyabuk. Nyabukba, sikce, “Anyapmalamnye bira, wini talak dan tam mutuku ulul do?” nyabuka asipdeyik. Asipdeyikura, anye birye, “Na walwale,” nyabuk.

Awekmek ninye arye, asing kuamuk bukni, Yesus akunum kweteibuknye bobuka, Farisi nang sik dam boyayik. Ura, Yesus arye el maka ap, tuku ap tabakuka bental kintinibuka, asing kuamuknye, el asing kwetepdeipmok sum ara, talye sum kume. Asum ara, sik Yahudi yala ninye arye, Allah el si erena ati, pil dona kum anye dikdik selamik sum, Sabat sum arye kwetebuk. Aning ati ara, sik Farisi nang arye anye biti, nyabik. “Yata wiripmakilba, an asing teleb kipdeipmakil do? Laka nyapsilyame,” nyabuka asipdeyik. Asipdeyikura, anye birye sikti, nyabuk. “Kume, Yesus arye bental dobuka, na asing deice likdeipmanilba, mek likmanopura, wini talak teleb ubuka elinmane,” nyabuk.
Nyabukba, sik Farisi nang kan-kan ton nang arye nyabik. “Akunuma, Allah arye nyabukura, Musa sekamuk yupu ara, ‘Sabat sum deice ara, pil dona kum aniryuk, dikdik senamlulume,’ nyasulul bukni, Yesus arye anye bira el asing kwetepdeipmo deice arye, pil dopmoa anya arye, Allah el yupu yanipmale. Ati, anye Yesus ara, Allah arye wibuka nun damak dopdeipsuknye kum ulule,” nyabik. Nyabik bukni, ton nang arye, “Kume, ninye winipmanto kum pil donmala ara, malinye ulamtu toura, yata wiribuka apil doptu do?” nyabik.
Winibuka yuk-yuk tenebuka nyanmeka ati, tonok kanyeuk bobuka kum unmek. Kanye yuk-yuk bobuka unmek bukni, sirye ara asing kwetepmoknye biti asipdeyik. “An dan do? An asing kweteipmakilba, akunum teleb elinmalama anya arye, ance el Yesus ati, yata tenepmalam do? Aning ara laka nyapsilyame,” nyabik. Nyabikura, anye birye tamubuka nyabuk. “Kume, na kanye ara, anye bira, Allah el yupu laka nyana deiyoknye, nabinye ulule, tenepne,” nyabuk.
Sik Yahudi yala deiyok nang arye, asing kunanye biti, ‘El asing kuamuk bukni, wini talak akunum kweteibukura, telebuk ulule’ tenen, min diba kum tenenmek. Sikce, ‘Kume, anye bira asing kum kuamuke. Elce talye yupu uk nyanmasile,’ tenenmek. Tenenmeka ati, asing kuamuknye, el li ap, el lin ap ati yukubikba, yarik. Yarikura, asipdeyik. “Anggunce laka nyapsururume. Anye bira, dipkoprop anggun mi do? Anggunce deiamlum talak arye diprongobuka, anoutam talak nirya ara, dipkoprop asing kuamuknye ulamuk do, kum do? Asing kuamtunye ulamtu toura, wini talak yata wiribuka asing teleb uptuba teleb ubuka eiptu do?” nyabuka asipdeyik.
Asipdeyikba, anye el li ap, el lin ap arye nyaprik. “Nun kele, anye bira dipkoprop nun mi ulule. Tonda, nunce deipnumu talak arye el asing kuamuke. Bukni, yata wiribuka deice arye wini talak el asing teleb upmalba, dinmala ara, nun walwale. Tonda, yatanye birye el asing kwetepdeipmak do, aning ara, nun walwale. Bukni, nun mi ara, mitik mi kuma ati, anggunce elti, asipdelulume. El bidamnye arye laka nyapsute,” nyaprik.
Ara, asing kuamuknye, el li ap, el lin ap ayupu nyaprika deiyok ara ani. Ara, sik Yahudi yala deiyok nang arye nyabik.
“Yata ninye do nirya, ‘Allah arye wipdeiamuknye, ninye lyepnamle’ tenen, Kristus ara, Yesus aulule. ‘Elda Ninye Lyenanye ulule,’ tenebikirye, nyabikcopura, nunce wenepnamabe. Ara, nun Allah yupu kekenyap aik, tuba tamubuka tonap kum yatinge. Nunce anang batakibiba, sik talyeuk unamake,” nyabik.
Ayupu nyabik ning ara, anye el li ap, el lin ap akunum kekebuka kel bikamrik ati, sik ilil ati, asum nyapmarik yupu nyaprik. Anye el li ap, el lin ap arye, “Nun mi ara mitik mi kumanya arye, anggunce elti, asipdelulume,” nyaprika ara, Yahudi yala deiyok nang arye, ‘Allah yupu aik kum bitume, nyapsikcak’ tenen, ilil ubukba, ayupu nyaprik.
Sik Farisi nang ila tonap, like bitinye ning ara, asing kwetepmoknye yukubikba, yayukura, nyabik. “Anda, ‘Allah aryuk kweteipnuke,’ nyabuka, Allah el siuk erepnamlyame. Nun kele, Yesus nyapmasilamnye bira, malinye ulule,” nyabik. Nyabikba, asing kwetepdeibuknye birye sikti, tamubuka nyabuk. “Anye Yesus ara, malinye ulul do, kum do? Aning ara na walwal bukni, tonok ning dipkoprop kel bikmana ara, asing kuamnuk bukni, wini talak ara kweteipmanilba, teleb ubuka elinune,” nyabuk.
Nyabukura, Farisi nang arye, “An asing ati yata wiripmakil do? Yata wiribuka arye an asing kwetepdeipmakuk do?” nyabuka asipdeyik. Asipdeyikura, anye birye tamubuka nyabuk. “Aning ara, arup akunum laka nyabuka nyapmasunu bukni, anggunda anye Yesus ati lik teneluluma ati, na yupu kum kekepmanulume. Yata ati, ‘Ila tonap nyapsutuba, kekeptibye,’ tenepmalum do? Ara anggunce, ‘Kume, Yesus el yupu kekebuka dobolbanyap nang unamabe,’ tenepmalumce, nyapnulum do?” nyabuk.
Nyabukura, aFarisi nang arye asing kuamukak kweteipmoknye biti, el nong deice malye yupu ap, ninye wan yupu ap, weik arye nyanmek. Tonda nyabik. “Anda, anye el yupu kekebuka melinauk ulyame. Bukni, nunda Musa el sekamuk yupu dib tenebuka dobolbanyabe. Nun kele. Allah arye Musa ati, yupu nyamukba, kekebuka sekeipsuk bukni, anye Yesus ara, el deiamik mutuku, el mutuku koprop ara nun walwale,” nyabik. Nyanmek ati, asing kwetepmoknye birye nyabuk. “Se, aning nyapnulum ning ara, kekepnarye, lukdanmane. Aning yata wiribuka nyapnutum do? Anye birye na asing kuamnuk ara, kwetepmanil bukni, el mutuku koprop tuba kum tenepmalum do?
Nun nirya kele. Malye tuba wininyak ninye arye Allah ati moroptinga babye, sik morobice ning Allah arye kum kekelule. Allah el ulul ning ap, el nyasilye yupu ap ulye touk, aninguk talibuka diksukumuk ululnye birye morolye yupu ara, Allah arye kekelule. Anggun deiamsik talak arye diprongobuka, atalak nirya asing kuamuknye, talye ninye arye kwetelamikbuk, ayupu ton kekelamubu do? Kume, ara kum winipmanto ning anya arye, aning ara pia kum kekelamubu. Anye Yesus ara, Allah arye kum dopdeiamtopura, ninye kum winipmanto ning, weik mambul pil tonok ning babye kum doptue,” nyabuk.
Asing kwetepmoknye birye nyabukba, sik Farisi nang arye nyabik. “An deiamkik talak arye diprongobuka wini talak nirya ara, anda pia malinye akunum ulyama anya arye, ance wenebuka peterepsilam ning ara, yata ati do? Anda pia malinye biti, bindoplyame,” nyabikce, anye bira dobuka bai tam dopkwetebik.

Farisi nang arye yu ubukba, asing kuamukbuk, Yesus kwetebuknye dobuka, bai tam dopkwetebik ning ara, yuk nang arye nyalbiyikba, Yesus kekebuk. Aminyan talak Yesus ap, asing kuamukba, akunum kwetebuknye ap epdarikura, Yesus arye anye biti nyabuk. “An dan do? Ninye Mi Koprop Atonunye ati, diba tenelyam do?” nyabuka asipdeyuk. Asipdeyukura, anye birye Yesus ati nyabuk. “Naio, anye bira yatanye do? Ance laka nyapnutumba, dib tenepnamane,” nyabuk.
Nyabukura, Yesus arye, “Ninye Mi Koprop Atonunye bira akunum eipmanilame. Dipkoprop ara, el ap yupu talipmaname. Na aunune,” nyabuk. Nyabukba, asing kwetepmoknye birye, Yesus ati nyabuk. “Naio, anda Ninye Deiyoknye biti dib tenekunune,” nyabuka, Yesus el si erebukce, kibuk.
Winibukura, Yesus domon yupu deice arye nyabuk. “Nara, ninye nirya sik yupu bokolina ati tukwak mutuku yase. Ara, asing kun nang atonun ninye lakak eipnamak bukni, ‘Nun akunum eibuka aning nirya akunum kel kinyabe,’ tenelanyak ninye ara, ‘Asing kun nang atonun unamak’ tenen, yupu bokolina ati yase,” Yesus arye nyabuk.
Yesus arye nyabukba, el dam unmek Farisi nang kekebikce, asipdeyik. “Anda yata yupu nyapsilam do? Nun Farisi nang babye, ‘Asing kun nang atonun unyak’ tenen, nyapmasilam do?” nyabik. Nyabikba, Yesus arye tamubuka sik Farisi nang ati nyabuk. “Dipkoprop asing kun ninye ulamtumopura, anggun malye winimunye ning ara, anggun nong deiceuk tuba kum upsute. Bukni, wini talak anggunda, ‘Nunce eibuka kel bikinyabe,’ nyabuka talima erelamunya ati, anggun malye winimunye ning nirya ara, anggun nong deice tuba upsilyopura, Allah arye wenepnamsile,” Yesus arye nyabuk.

Geere nke a ntị Yohanes 9