Colorado - 1990 Edition (NT)

<div class="version vid565 iso6393cof" data-vid="565" data-iso6393="cof">
 <div class="book bkJHN">
 <div class="chapter ch14" data-usfm="JHN.14">
 <div class="label">14</div><div class="s1">Jes&#250;s Apa Diosichica jinun minuyoe tinunca</div><div class="p"> 1Juntonan Jes&#250;s chiquilabe itsantie:</div><div class="p">&#8212;Nulachi tencabi wepanatulajona! tie. Diosica tennato, lacanan tennalarana! tie. 2Lachi Apa Diosichibi duque chunun ya joe. Tsan itomanpari, nulabe tsantino itomin joinhie. Nula chuno jonun yaca sequebi jino joyoe tie. 3Yaca jera sequetobi, aman manpatano joyoe tie. Nulaca manc&#225;bi manpatano joyoe tie yape nulanan labe pechularasa. 4Nula la jinanun postoca jinun minuca miralarae tie.</div><div class="p"> 5Junni Jes&#250;s tsantinunsi, Tomari itsanque tulanquee:</div><div class="p">&#8212;Miya, nu nunchi jino jonunca miitolajoyoe tie. &#191;Junto junchi jino jun minucari niyaito miintsan jun? tie.</div><div class="p"> 6Junni Jesuri itsantie:</div><div class="p">&#8212;Lasiri Apa Diosichica jinun minu joyoe tie. Lasiri tsarasica micarimin joyoe tie. Lasiri sonnasa carimin joyoe tie. Labe cayaiminlasiri Apa Diosichibi feno podeilaichunae tie. 7Nula laca miralaramanpari, lachi Apa Diosicanan mirano jominla jonhoe. Amanale nechi yaca miralarayoeque tenhilaide! tie. Yaca quiraminlanan joe tie.</div><div class="p"> 8Junni Jes&#250;s tsantinunsi, Fel&#237;peri itsantie:</div><div class="p">&#8212;Miya, Apa Diosica chiquilachi quirawode! tie. Wari chiquilari nantari panhalaquituanae tie.</div><div class="p"> 9Junni Felipe panunca mer&#225;to, Jes&#250;s itsantie:</div><div class="p">&#8212;Felipe, nulabe numari penenasanan, &#191;laca camiitolajoyun? tie. Laca quiraminla Apa Diosicanan quiraminla joe tie. &#191;Junni ti quichun Apa Diosica quirawode! tiyun? tie. 10Labe Apa Diosibenan man junni jolajoyoe tie. &#191;La paca fiquica quereiyun? tie. Nulabe cuenta quinato, tencachique mantate patumin joyoe. Lachi Apa Diosi lachi puca cuwentanan joto, tsanquimiyanae tie. 11Quereilaide! labe Apa Diosibe man junni jolajoeque. O man quiraque tenca calaquede! &#191;Wepanato quirantsancari seque quiyoco? tie. Junni lachi fiquicari quereino podeitutori, jun wepanato quirantsancari quinaminca quirato quereilaide! tie. 12Nulabe tsarasica pachinayoe tie. Laca tennaminla la tsannan quinilaquichunae tie. La tsansinan wepanato quirantsancari quilaquichunae tie. Junni lachi Apa Diosichica manlonan, nula laca f&#233;cari wepanato quirantsancari quilaquichunae tie. 13Nula lachi mantate ticatiya quisa rocainari, ticatiya quiniquito cuwanae tie. La Diosichi Nao joto tsanqueyanae tie yape Apa Diosi tsara sen patsa joeque miilaisa. 14Nula lachi mantate ticatiya rocailainari, tsanqueyanae tie. Jes&#250;s chiquilabe tsanque cuenta quee.</div><div class="s1">Diosichi Tencaca nulachica ereyanae tinunca</div><div class="p"> 15Junto Jes&#250;s chiquilabe itsantie:</div><div class="p">&#8212;Nula laca laquiratori, la mantacaca meralaquichunae tie. 16Junni la Apa Diosibe rocaiyanae tie yape tenca cuwamin mancaca nulachica eresa. Ya tenca cuwaminni nulabe numatotiya penenato polechunae tie. 17Diosichi Tenca patsa ya tenca cuwamin jochunae tie. Junni yari tsarasica pamin joe. Juntonan Diosica tennatuminlari yachi Tencabe cayaino podeilaituchunae tie. Yalari Diosichi Tencaca quiratuto, yaca miratuminlae tie. Nula mantimini Diosichi Tencaca miralarae tie. Nulabe penenatonan, nanni ina nulachibinan wichunae tie.</div><div class="p"> 18Aman lari nulaca tsanle puracachiri puratuanae; la nulachica manjanae tie. 19Inale piyanle tsachila laca quiralaquitusanan, nulari laca quiralaquichunae tie. La sonnato, nulacanan tsarasica sonnasa cariyanae tie. 20Jun mate nula tsarasica miralarachunae. La Diosibe man junni joeque, nulanan labe man junni jolajoyoeque, lanan nulabe man junni joeque miralarachunae tie. 21La mantacaca miito mer&#225;minlari laca laquiraminla jochunae tie. Laca laquiraminlaca lachi Apa Diosinan laquirachunae tie. Lanan yalaca laquirato, yalabe quiraiyanae tie.</div><div class="p">Jes&#250;s chiquilabe tsantie. 22Junni manca Judas jominhe; Judas Iscariote itominhe. Yari Jesube itsanque panhae:</div><div class="p">&#8212;Miya tie. &#191;Niya jonan piyanle tsachilabe quiraituchun? tie. &#191;Niyaito chiquilaberi quiraichun? tie.</div><div class="p"> 23Jesunan yabe itsantie:</div><div class="p">&#8212;Laca laquiraminlari la pacaca meralaquichunae tie. Junni lachi Apa Diosi ya tsachilaca laquirachunae tie. Junto Apa Diosibe labe yalachica jato, yalabenan penenalaranae tie. 24Laca laquiratuminlari la pacaca meralaquituchunae tie. Junni in fiquica lachi tenca munate p&#225;tiyoe; Apa Diosi laca inchi ereto, tsanque pasa carinae tie.</div><div class="p"> 25Nulabe canenaminnan, la tsanque micarinayoe tie. 26Tsan josanan, inale Diosichi Tenca nulachica patato, ticatiya jera micarichunae tie. Apa Diosiri yachi Tencaca lachi tenchi erechunae tie. Yari nulachica jato tenca cuwato, la ticatiya pacaca jera mantenhisa carichunae tie. 27La nulaca pansi suwato jichinayoe yape wepanatuto chularasa. La wepanatuto pansi chumin joto, nulacanan jun tsanquenan pansi chusa cariyanae tie. Diosica tennatuminlari nula tsanquenan pansi chuno podeilaituchunae. Junni nulari wepanatulajona! Jeleitulajona!</div><div class="p"> 28&#191;Nulaca purato jito, inale manjanae tituan? tie. Lachi Apa Diosichica manlochinayoe. Yari laca fe mant&#225; tan joe tie. Junni nulari laca jera laquiramanpari, son tino jominla jonhoe yachica lochinaeque. 29Nulaca capurato jituminnan, nulabe tsanque p&#225;nayoe tie la tsanhino mate nulari lachi fiquica mantenhito quereilaisa. 30Amanale nechi nulabe layan patuanae tie. Yucanni Diosica tennatuminlaca mant&#225; tan joto, laca casa carichinae tie. Ya mantimini laca natiya mantano itoe. 31La niyanhinatotiya yucanchi mantate natiya tsanhituanae tie; Apa Diosichi mantaca mer&#225;to tsanhiyanae tie. Apa Diosica mer&#225;min joto, tsanhiyanae tie yape Diosica tennatuminla miilaisa la Apa Diosica laquiraeque.</div><div class="p">Jesuri tsanque pato, junto aman cupalaide! Jilaisa! tie.</div>
 </div>
 </div>
</div>

Juntonan Jesús chiquilabe itsantie:
—Nulachi tencabi wepanatulajona! tie. Diosica tennato, lacanan tennalarana! tie. Lachi Apa Diosichibi duque chunun ya joe. Tsan itomanpari, nulabe tsantino itomin joinhie. Nula chuno jonun yaca sequebi jino joyoe tie. Yaca jera sequetobi, aman manpatano joyoe tie. Nulaca mancábi manpatano joyoe tie yape nulanan labe pechularasa. Nula la jinanun postoca jinun minuca miralarae tie.
Junni Jesús tsantinunsi, Tomari itsanque tulanquee:
—Miya, nu nunchi jino jonunca miitolajoyoe tie. ¿Junto junchi jino jun minucari niyaito miintsan jun? tie.
Junni Jesuri itsantie:
—Lasiri Apa Diosichica jinun minu joyoe tie. Lasiri tsarasica micarimin joyoe tie. Lasiri sonnasa carimin joyoe tie. Labe cayaiminlasiri Apa Diosichibi feno podeilaichunae tie. Nula laca miralaramanpari, lachi Apa Diosicanan mirano jominla jonhoe. Amanale nechi yaca miralarayoeque tenhilaide! tie. Yaca quiraminlanan joe tie.
Junni Jesús tsantinunsi, Felíperi itsantie:
—Miya, Apa Diosica chiquilachi quirawode! tie. Wari chiquilari nantari panhalaquituanae tie.
Junni Felipe panunca meráto, Jesús itsantie:
—Felipe, nulabe numari penenasanan, ¿laca camiitolajoyun? tie. Laca quiraminla Apa Diosicanan quiraminla joe tie. ¿Junni ti quichun Apa Diosica quirawode! tiyun? tie. Labe Apa Diosibenan man junni jolajoyoe tie. ¿La paca fiquica quereiyun? tie. Nulabe cuenta quinato, tencachique mantate patumin joyoe. Lachi Apa Diosi lachi puca cuwentanan joto, tsanquimiyanae tie. Quereilaide! labe Apa Diosibe man junni jolajoeque. O man quiraque tenca calaquede! ¿Wepanato quirantsancari seque quiyoco? tie. Junni lachi fiquicari quereino podeitutori, jun wepanato quirantsancari quinaminca quirato quereilaide! tie. Nulabe tsarasica pachinayoe tie. Laca tennaminla la tsannan quinilaquichunae tie. La tsansinan wepanato quirantsancari quilaquichunae tie. Junni lachi Apa Diosichica manlonan, nula laca fécari wepanato quirantsancari quilaquichunae tie. Nula lachi mantate ticatiya quisa rocainari, ticatiya quiniquito cuwanae tie. La Diosichi Nao joto tsanqueyanae tie yape Apa Diosi tsara sen patsa joeque miilaisa. Nula lachi mantate ticatiya rocailainari, tsanqueyanae tie. Jesús chiquilabe tsanque cuenta quee.

Junto Jesús chiquilabe itsantie:
—Nula laca laquiratori, la mantacaca meralaquichunae tie. Junni la Apa Diosibe rocaiyanae tie yape tenca cuwamin mancaca nulachica eresa. Ya tenca cuwaminni nulabe numatotiya penenato polechunae tie. Diosichi Tenca patsa ya tenca cuwamin jochunae tie. Junni yari tsarasica pamin joe. Juntonan Diosica tennatuminlari yachi Tencabe cayaino podeilaituchunae tie. Yalari Diosichi Tencaca quiratuto, yaca miratuminlae tie. Nula mantimini Diosichi Tencaca miralarae tie. Nulabe penenatonan, nanni ina nulachibinan wichunae tie.
Aman lari nulaca tsanle puracachiri puratuanae; la nulachica manjanae tie. Inale piyanle tsachila laca quiralaquitusanan, nulari laca quiralaquichunae tie. La sonnato, nulacanan tsarasica sonnasa cariyanae tie. Jun mate nula tsarasica miralarachunae. La Diosibe man junni joeque, nulanan labe man junni jolajoyoeque, lanan nulabe man junni joeque miralarachunae tie. La mantacaca miito meráminlari laca laquiraminla jochunae tie. Laca laquiraminlaca lachi Apa Diosinan laquirachunae tie. Lanan yalaca laquirato, yalabe quiraiyanae tie.
Jesús chiquilabe tsantie. Junni manca Judas jominhe; Judas Iscariote itominhe. Yari Jesube itsanque panhae:
—Miya tie. ¿Niya jonan piyanle tsachilabe quiraituchun? tie. ¿Niyaito chiquilaberi quiraichun? tie.
Jesunan yabe itsantie:
—Laca laquiraminlari la pacaca meralaquichunae tie. Junni lachi Apa Diosi ya tsachilaca laquirachunae tie. Junto Apa Diosibe labe yalachica jato, yalabenan penenalaranae tie. Laca laquiratuminlari la pacaca meralaquituchunae tie. Junni in fiquica lachi tenca munate pátiyoe; Apa Diosi laca inchi ereto, tsanque pasa carinae tie.
Nulabe canenaminnan, la tsanque micarinayoe tie. Tsan josanan, inale Diosichi Tenca nulachica patato, ticatiya jera micarichunae tie. Apa Diosiri yachi Tencaca lachi tenchi erechunae tie. Yari nulachica jato tenca cuwato, la ticatiya pacaca jera mantenhisa carichunae tie. La nulaca pansi suwato jichinayoe yape wepanatuto chularasa. La wepanatuto pansi chumin joto, nulacanan jun tsanquenan pansi chusa cariyanae tie. Diosica tennatuminlari nula tsanquenan pansi chuno podeilaituchunae. Junni nulari wepanatulajona! Jeleitulajona!
¿Nulaca purato jito, inale manjanae tituan? tie. Lachi Apa Diosichica manlochinayoe. Yari laca fe mantá tan joe tie. Junni nulari laca jera laquiramanpari, son tino jominla jonhoe yachica lochinaeque. Nulaca capurato jituminnan, nulabe tsanque pánayoe tie la tsanhino mate nulari lachi fiquica mantenhito quereilaisa. Amanale nechi nulabe layan patuanae tie. Yucanni Diosica tennatuminlaca mantá tan joto, laca casa carichinae tie. Ya mantimini laca natiya mantano itoe. La niyanhinatotiya yucanchi mantate natiya tsanhituanae tie; Apa Diosichi mantaca meráto tsanhiyanae tie. Apa Diosica merámin joto, tsanhiyanae tie yape Diosica tennatuminla miilaisa la Apa Diosica laquiraeque.
Jesuri tsanque pato, junto aman cupalaide! Jilaisa! tie.

Geere nke a ntị San Juan 14