Amaokwu Akwụkwọ Nsọ Ndị Ama Ama siteré na यूहन्‍ना 10

Kesaa

कुर्मेन याङ कुन कितुप ताङ सेतुप ताङ ना तोङ्‍गुपला तिराङ गिवी। यिने ङ याङ लुकतिवाला मिजी ङ्‍येशी, तमा छाछिङी ङ्‍येशी सिनी वावु यिन।

ङ गोठाला ल्‍यामु यिन। गोठाला ल्‍यामुकी खोरो लुकतिवा र्‍होकुपला खुरुङ शि राङ गोसिनाङ शिवी।

ङे लुकतिवी ङे वोरु थोकिवी। ङ तिवाला ङो शेतिन, तमा तिवा ङे तिङ्‍ला तिङ्‍योकिवी।

तिवाला ङ नाम्‍साङ मिशिवु मिजी तेरिन, तमा तिवा नाम्‍साङ ना मोडोवी। सी साङ ङे नेसुर तिवाला ठोनी डो मुथुपी।

लुक शुकुप गो ति ङ राङ यिन। सु ङ नेसुर नाङ्‍ला शुकिवे, ती ति र्‍होकिवी, तमा फिला नाङ्‍ला डोप वुङ्‍गुप ताङ चरिन ङोर्मुला च साप ङ्‍येकिवी।

ङ ति गोठाला ल्‍यामु यिन। ङे याङ ङरा लुकतिवाला ङो शेकिवी, ङे लुकतिवी साङ ङला ङो शेकिवी।

ङला तिवा नङ्‍गुप पपा ति तेरी सिनाङ चोछ्‍ये वे। सी साङ पपा नेसुर तिवाला ठोनी डो मुथुपी। ङ ताङ पपा ति च्‍यिक राङ यिन।”

ती ति पपी ङला ङो शेवु ताङ ङे पपाला ङो शेवु दोके यिन। ङ रङगी लुकतिवी थोक्‍ला शि राङ गोसिनाङ शिवी।

ङे मिजी ति ङ नेमा सी साङ ठोनी डो मुथुपी, यिने ङ ङरा नोवाकी राङ शि ज्‍यितिन। ङे मिजी शि ज्‍यितुप ओङ साङ ङे मुला वे, येलुङ लङ्‍गुप ओङ साङ ङे मुला वे। ती ति ङे पपी ङला कि सिनी क नङ्‍गुप यिन।”

तुक क्‍यानी येशूकी येलुङ तिवाला दुक सुङ्‍सुङ, “वुतुङ के ङ ख्‍यिराङला सिरिन, लुक शुकुप खोरकी गो ति ङ राङ यिन।

यिने ल बिन्‍नी लाका कि च्‍यितुपतिवा ति गोठाला मिन, तमा लुकतिवा साङ खोरो लुक मिन्‍दुप तप्‍की खटमुतिवा वुङ्‍गुप थोङ्‍सिमा लुकतिवाला क्‍युर ज्‍याक्‍नी टोनी डिवी। खटमुतिवा वानी लुकतिवाला जिम्‍नी डिवी, तमा लुकतिवा थरा थुरा जेवी।

ती ज्‍युक्‍ला येशूकी तिवाला सुङ्‍सुङ, “वुतुङ के ङ ख्‍यिराङला सिरिन, चुका मी ति लुकतिवा ज्‍योकुप खोरकी नाङ्‍ला शुकुप पेला ती खोरकी गे नाङ नेसुर माशुवा क्‍यानी यम्‍बा थाका नेसुर जेनी शुकिवे, ती ति कुर्मेन ताङ च्‍याक्‍पा यिन।