Amaokwu Akwụkwọ Nsọ Ndị Ama Ama siteré na यूहन्‍ना 14

Kesaa

ङ ख्‍यिराङला लोदिमु बिन्‍नी डोयी, ङ ङरा लोदिमु ति ख्‍यिराङला तेरिन। ङे ख्‍यिराङला तेरुप लोदिमु ति जम्‍बुलिङकी तेरुप लोदिमु दोके मिन। तुक क्‍यानी ख्‍यिराङ सेम्‍दुक माकी, ज्‍यिवा साङ माकी।

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

येलुङ येशूकी लोमातिवाला सुङ्सुङ, “ख्‍यिराङ सेम्‍दुक माकी। कोन्‍छ्‍योकला तेपा की, तमा ङला साङ तेपा की।

यिने पपी ङे मिङला तङ्‍गुप टोङ्‍गु तेरुप थु चाङ्माकी राङ ख्‍यिराङला तेरी ताम्‍ङेतिवा लोप्‍किवी, तमा ङे ख्‍यिराङला सिक्‍यावु तेरी ताम्‍ङेतिवा खोकी ख्‍यिराङला येलुङ टेन्‍सो लोङ्‍गिवी।

सी ङे कतिवाला ङ्‍येन्‍नी ती कतिवाला युकिवे, ती ति ङला ङ्‍यिङ्‍ज्‍ये कितुप मी यिन। सी ङला ङ्‍यिङ्‍ज्‍ये किवे, ङे पपी तीला ङ्‍यिङ्ज्‍ये क्‍या नङ्‍गिवी। तमा ङ साङ तीला ङ्‍यिङ्‍ज्‍ये क्‍यानी तीला ङ सु यिन सिरुप छ्‍या देनिनो।”

ङ पपाला गोङ्‍बा शोयी, तमा पपी ख्‍यिराङला यम्‍बा टोङ्‍गु तेरुप यी ताङ्‍नी ख्‍यिरा मुला नरी लु ज्‍यिकितो। खो ति कोन्‍छ्‍योककी थु टेङ्‍बु यिन। जम्‍बुलिङकी मीतिवी खोला सेमला मिलिङ्‍गिवी, च्‍यिलासिसिन तिवी खोला थोङ्‍गुप साङ मोथोङ्‍गिवी, ङो साङ मेशेवी। यिने ख्‍यिरा याङ खोला ङो शेकिवी। च्‍यिलासिसिन खो ख्‍यिरा मुला वे, तमा खो ख्‍यिरा सेमला ज्‍युकिवी।

ख्‍यिरा ङे मिङला काङ लाङ्‍सिनाङ ङ ख्‍यिराङला ती तेरी च्‍युङ ज्‍यितिन। ती ति पुज्‍युङ नेमा पपाला मोवा च्‍युङ्‍शी सिनी यिन। ख्‍यिरा ङे मिङला काङ लाङ्‍सिनाङ ती ति ङ च्‍युङ ज्‍यितिन।”

“दोजो ख्‍यिरा ङला ङ्‍यिङ्ज्‍ये क्‍यावु यिन्‍सिन ङे कला ङ्‍येन्‍गिवी।

ङे पपी खाङ्बाला देतुप दासा बङी वे। तुकै मिन्‍सिन ङ ख्‍यिरा थोक्‍ला देतुप दासा टडिक कितुपला डोयी सिनी ख्‍यिराङला च्‍यिला सिवी रो?

ङ गल्‍नी ख्‍यिरा थोक्‍ला दासा टडिक क्‍यासिमा लोङ वानी ख्‍यिराङला ङे ते टिनी डोयिनो, तमा ङ देतुप ते ख्‍यिराङला साङ देतुप ङ्‍येकितो।

तमा थोमा तीकी खोला “ओ चोवो, चोवो कनी फेप्‍किवी ङ्‍यिराङला छ्‍या मे, तुक क्‍यानी ङ्‍यिरा चुक क्‍यानी चोवो फेपुप लाम ति ङो शेकिवी?” सिनी सिक्‍यासुङ।