Amaokwu Akwụkwọ Nsọ Ndị Ama Ama siteré na यूहन्‍ना 4

Kesaa

कोन्‍छ्‍योक ति थु यिन, तुक क्‍यानी खोला सोवा देकुपतिवी खोकी थु चाङ्‍मा ताङ सेम टेङ्‍बु क्‍यानी सोवा देक गोकिवी।”

कोन्‍छ्‍योकला सोवा देकुपतिवी कोन्‍छ्‍योककी थु चाङ्‍मा ताङ सेम टेङ्‍बो क्‍यानी खोला सोवा देकुप तुजे वुङ्‍यिन वे, तमा ती तुजे ति तन्‍दा राङ यिन। पपा कोन्‍छ्‍योककी टेङ्‍बो क्‍यानी खोला सोवा देकुपतिवाला छोल्‍गिवी।

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

तमा येशूकी ती पुम्‍पेजा तीला सुङ्‍सुङ, “ख्‍युरुङ कोन्‍छ्‍योककी ङ्‍येम्‍बा ताङ ख्‍युरुङला छ्‍यु लोङ्‍गुप मी ति सु यिन सिनी ङो शेसिन तीला ख्‍योरे लोङ्‍गुप्‍जा, तमा खोकी ख्‍युरुङला मिजी तेरुप छ्‍यु तेरुप्‍जा।”

तमा येशूकी लोमातिवाला सुङ्‍सुङ, “ङे समा ति ङला तोङ्‍गुप कोन्‍छ्‍योककी नोवाला वोतुप दोके कितुप ताङ खोकी ङला कि ज्‍यितुप लाका तेरी कितुप यिन।

तमा ती पुम्‍पेजा तीकी येशूला “अच्‍यी लोला याङ छ्‍यु च्‍यकुप नेक्‍योक साङ मे, दी टोम्‍बा साङ तिङ्‍मु वे। तुक क्यानी अच्‍यी कनी नेसुर मिजी तेरुप छ्‍यु ति खुर्नी वुङ थुप्‍किवी रो?

तमा ती पुम्‍पेजा तीकी येशूला “ख्रीष्‍ट सिरुप मसीह फेपुप ति ङला छ्‍या वे। खो फेप्‍सिमा खोकी राङ ङि्‍यराङला तेरी ताम्‍ङेतिवा शेकिवी।” सिनी सिक्‍यासुङ। तमा येशूकी तीला सुङ्‍सुङ, “तन्‍दा ख्‍योरो मुला ताम्‍ङे कियी वोतुप ङ ति ती राङ यिन।”

“दे फेप्‍नी दी मी तीला ल्हो ताङ! ती मी तीला ङे क्‍यावु लाकातिवा तेरी छ्‍या नोक। खो ति ख्रीष्‍ट राङ मिन?” सिनी सिक्‍यासुङ।