Amaokwu Akwụkwọ Nsọ Ndị Ama Ama siteré na 1 Ihe E Mere 16

Kesaa

Na-achọnụ ONYENWE ANYị na ike ya, chọọnụ ihu ya mgbe niile.

Keleenụ ONYENWE ANYị, nʼihi na ọ dị mma, nʼihi na ịhụnanya ya na-adịgide ruo mgbe ebighị ebi.

Nyenụ ONYENWE ANYị otuto, kwupụtakwa aha ya, meenụ ka amata nʼetiti mba niile banyere ihe niile ọ rụrụ.

Ṅụrianụ nʼime aha nsọ ya; ka obi ndị niile na-achọ ONYENWE ANYị ṅụrịa ọṅụ.

Chetanụ ọrụ ebube niile nke ọ rụrụ, ihe ịrịbama ya niile na ikpe ziri ezi niile nke si nʼọnụ ya pụta.

Bụkuonụ ya abụ, bụkuonụ ya abụ otuto; kwupụtaranụ mba niile ọrụ ebube ya niile.

Nʼihi na ONYENWE ANYị dị ukwuu, ọ bụkwa onye kachasị ka e nye otuto. Onye a na-atụ egwu karịa chi ọzọ niile ka ọ bụkwa.

E, nyenụ ONYENWE ANYị nsọpụrụ ruuru aha ya, werenụ onyinye bịa nʼihu ya. Kpọọnụ isiala nye ONYENWE ANYị nʼịma mma nke ịdị nsọ ya.

Ịma mma na ebube dị nʼihu ya; ike na ọṅụ dị nʼebe obibi ya.

Bụkuonụ ONYENWE ANYị abụ, unu ụwa niile; kwupụtanụ nzọpụta ya site nʼotu ụbọchị ruo nʼụbọchị nke ọzọ.

Kwusaanụ ebube ya nʼetiti mba niile, kọsakwanụ banyere oke ọrụ ya niile nʼetiti ndị niile dị iche iche.

“Unu emetụkwala ndị m e tere mmanụ aka, unu emekpakwala ndị amụma m ahụ.”

Nʼihi na chi niile nke mba niile dị iche iche bụ arụsị efu, maọbụ ONYENWE ANYị kere eluigwe niile.

Ọ na-echeta ọgbụgba ndụ ya ruo mgbe ebighị ebi; bụ nkwa o kwere nye puku ọgbọ.

Ka eluigwe ṅụrịa, ka ụwa nwekwa obi ụtọ; ka ha kwupụta nʼetiti mba niile sị, “ONYENWE ANYị na-achị.”

Otuto dịrị ONYENWE ANYị, bụ Chineke nke Izrel, site nʼebighị ebi ruo ebighị ebi. Mgbe ahụ, mmadụ niile sịrị, “Amen” na “Toonu ONYENWE ANYị.”

Nyenụ ONYENWE ANYị, unu ezinaụlọ nke mba niile dị iche iche, nyenụ ONYENWE ANYị nsọpụrụ na ike.