Amaokwu Akwụkwọ Nsọ Ndị Ama Ama siteré na Maika 3

Kesaa

Ma mụ onwe m, ejupụtara m nʼike, ejupụtara m na Mmụọ nke ONYENWE ANYị, jupụtakwa na mmụọ nke ikpe ziri ezi, na nke ịdị ike ikwupụta nye Jekọb njehie ya, na nye Izrel mmehie ya.

Ndịisi ya na-ekpe ikpe nʼihi ngarị, ndị nchụaja ya na-akụzi ihe nʼihi ụgwọ, ebe ndị amụma ya na-ajụta ase nʼihi ego. Ma ha dabere na ONYENWE ANYị na-asị, “ONYENWE ANYị ọ nọnyeereghị anyị? O nweghị ihe ọjọọ ga-abịakwasị anyị.”

Mgbe ahụ ha ga-akpọku ONYENWE ANYị, ma ọ gaghị aza ha! Mgbe oge ahụ bịaruru, ọ ga-ezo ihu ha site nʼebe ha nọ nʼihi ihe ọjọọ nke ha mere.